Bene Lefi 3:6 - Baibo Busansulushi Bwa Libuku Ili

⁶ “Ono na nimbelele nabi mpongo itoopekwa kuli ndime neMwaami Lesa ayi ncipo ca bwanabwankashi, inga yababo isankwa nabi yanakashi, sombi tayeelete kuba akampenda kali koonse.

Bene Lefi 3:6 ပူးပေါင်းရင်းမြစ်များ

Isaya 60:7

Mbelele shoonse sha Keda alimwi aNebaiyoti shilaakuletwa kuli ndiwe ayi njimilambu pacipaililo cangu. Lyalo ndaakubotesha Ŋanda yangu ya bulemu.

Bene Lefi 1:10

“Na muntu utoobenga mulambu kuswa mulitanga lya mbelele nabi mpongo shakwe, ulyeelete kubenga isankwa itacite kampenda kali koonse.

Bene Lefi 1:2

“Lwiita bene Isilaeli ayi na umwi muntu wabenga mulambu, ulyeelete kuba mulambu wakaswa mulitanga lya ŋombe, mbelele nabi mpongo shakwe.

Bene Lefi 19:5

“Ono na mwacaya munyama ayi ngumulambu wa bwanabwankashi, mulyeelete kukonkela milawo njendamupa, lyalo ndaakutambula mulambu uyo.

Bene Lefi 22:20

Ono na wabenga munyama uli woonse ucite kampenda, Mwaami Lesa teshi akamutambule.

Bene Lefi 23:19

Mulyeelete kubenga ampongo isankwa ayi ngumulambu wakulekelelwa shibiibi, alimwi abana ba mbelele bacende bobilo bacite mwaaka womwi womwi ayi ngumulambu wa bwanabwankashi.

Shakubelenga 15:5

Ono pambelele yoonse ya mulambu wakutenta nabi mulambu umwibo, ulyeelete kubamba awaini uniini ayi ncipo ca cakunwa.

Shakubelenga 6:14

akubenga banyama botatwe batacite kampenda kuMwaami Lesa. Ulaakubenga mwanaambelele mucende ucite mwaaka womwi ayi ngumulambu wakutenta, mbelele yanakashi icite mwaaka womwi ayi ngumulambu wakulekelelwa shibiibi alimwi ambelele isankwa ayi ngumulambu wa bwanabwankashi.

Milimo ya Batumwi 4:27

Ndushinisho Elodi aPontyasi Pilato bakabungana mundabala inene ino, pantu pomwi abaswamashi bakunsengwe alimwi abene Isilaeli, ayi babukile Jesu, Musebenshi wanu usalalite, uyo ngomwakalengesha ayi abe Usalitwe wanu.

Bene Galatiya 3:28

Aboobo taapu bupusano buliiwo pakati ka baJuda abaswamashi bakunsengwe, pakati ka basha alimwi abaangulukite nabi pakati ka basankwa alimwi abanakashi ceebo noonse muli womwi muli Klistu Jesu.

Bene Galatiya 4:4

Sombi ciindi ceelete ndicakashikila, Lesa wakatuma Mwanaakwe uyo wakashalwa mumwanakashi alimwi Mwaana uyo wakalinga kukonkela aMilawo ya baJuda.

Bene Efeso 1:10

Muyeeyo uyu Lesa ngweshi akacite ciindi ceelete caakushikila, nkuleta shilengwa shoonse sha panshi akwiculu pantu pomwi mubweendeleshi bwakwe Klistu.