Bene Lefi 3:5 - Baibo Busansulushi Bwa Libuku Ili

⁵ Lyalo shoonse ishi bapailishi balaakushitentela pacipaililo, kubikaawo amilambu yakutenta. Bweema bwa mulambu uyo bulansangalasha neMwaami Lesa.

Bene Lefi 3:5 ပူးပေါင်းရင်းမြစ်များ

1 Baami 8:64

Bushiku ubu bweenka wakasalasha musena wa pakati ka lubansa lwa Ŋanda yakwe Lesa wakalinga kunembo lya njiyo. Lyalo wakabengelaako milambu yakuntenta aya banyama bakabumbulu. Wakabenga ashipo sha fulaulo alimwi amafuta a banyama ayi njimilambu ya bwanabwankashi. Wakacita boobo mukwiinga cipaililo cakapangwa abulonse cakaceya kwaamba ayi babengelewo milambu yoonse iyi.

2 Makani 35:14

Ndibakamana kucita boobo, bene Lefi bakalibambila nyama akubambila bapailishi bamulunyungu lwakwe Aloni. Bakacita boobo mukwiinga bapailishi bakalinga kubenga milambu yakutenta ashipansha sha mafuta kushikila kwashiya.

Kulonga 29:13

Kuswawaawo ukabwese mafuta oonse afweka shamukati, cipansha cibotu ca kulini, alimwi ansa shobilo amafuta a nshisho, akushitentela pacipaililo ayi ngumulambu kuli ndime.

Esekelo 44:15

Mwaami Lesa Shinkusu shoonse wakaamba ayi, “Bapailishi bene Lefi bamulunyungu lwakwe Sadoki balo bakatolelela kunsebensela cakushomeka muŊanda yangu, bene Isilaeli ndibakamfutatila. Paceebo ceeco balo mbweshi banoosena pafwaafwi anebo ayi bansebensele. Bapailishi abo mbweshi banoosa kunembo lyangu akubenga milambu ya mafuta alimwi abulowa kuli ndime.

Esekelo 44:7

Babisha Ŋanda yangu kwiinda mukusuminsha baswamashi batapalwitwe, ee, bantu batanyumfwili ndime, kwinjila muŊanda yangu ciindi mafuta abulowa ndyeshibengwa kuli ndime. Aboobo bantu bangu bapwaya cipangano cangu kushintu shilensha bunya nshebakacita.

Bene Lefi 1:13

Ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 1:17

Kuswawaawo, ulaakwiicata kumapapaminwa akwiikwamuna ayi ipabuke kwakutatumuna mapapaminwa. Mpeeke mupailishi ulaakwiitenta pacipaililo yoonse ayi ngumulambu wakutenta. Bweema bwa mulambu uyu bulansangalasha neMwaami Lesa.

Bene Lefi 1:9

Muntu uyo ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 3:11

Lyalo shoonse ishi mupailishi ulaakushitentela pacipaililo ayi ncipo ca shakulya kuli ndime neMwaami Lesa.

Bene Lefi 3:4

insa shoonse shobilo amafuta a nshisho alimwi acipansha cibotu ca lini.

Bene Lefi 4:31

Lyalo ulaakukusha mafuta a munyama uyu oonse, bweenka mbwaakusha mafuta a banyama bacaikwa ayi njimilambu ya bwanabwankashi. Mpeeke ulaakwaatentela pacipaililo kwaamba ayi bweema bukansangalashe neMwaami Lesa. Munshila iyi, mupailishi ulaakubenga mulambu wakukusha cibiibi ca muntu uyo, aboobo ulaakulekelelwa.

Bene Lefi 4:35

Kuswawaawo, ulaakukushamo mafuta oonse, bweenka mbwaakusha mafuta a mumbelele icaikwa ayi ngumulambu wa bwanabwankashi, akwaatentela pacipaililo pantu pomwi acipo ca shakulya cipekwa kuli ndime neMwaami Lesa. Munshila iyi, mupailishi ulaakubenga mulambu wakukusha cibiibi ca muntu uyo, aboobo ulaakulekelelwa.

Bene Lefi 6:12

Mulilo pacipaililo ulyeelete kunoonyakabo, taweelete kushimika sobwe. Lyoonse macuunsa, mupailishi ulyeelete kubikawo nkuni, kubikawo mulambu wakutenta alimwi akutenta mafuta a mulambu wa bwanabwankashi.

Bene Lefi 7:28

Lyalo Mwaami Lesa wakaambila Mose ayi,

Bene Lefi 9:17

Pesule wakapa cipo ca fulaulo akutapulawo lupaka lwa fulaulo alimwi akuutenta pacipaililo. Uku kwakalinga nkwiilika pamulambu wakutenta wa nshiku shoonse.

Shakubelenga 15:8

Ono na ngumucende wabengwa kuli ndime neMwaami Lesa ayi ngumulambu wakutenta, mulambu wakucita kweelana akushomesha cakulumbila nabi mulambu wa bwanabwankashi,

Shakubelenga 18:17

Sombi boombe bakwiiya, mbelele alimwi ampongo tabeelete kunoolubulwa, ceebo balisalalite. Mulyeelete kusanseela bulowa bwabo pacipaililo akutenta mafuta abo ayi ngumulambu wa cakulya. Bweema bwa mulambu uyu bulansangalasha nebo neMwaami Lesa.

Shakubelenga 28:12

Mucende womwi awomwi ulyeelete kubengwa pantu pomwi amakilogilamu otatwe a fulaulo upelekete usenkene amafuta a olifi ayi ncipo ca fulaulo. Yalo mbelele isankwa yomwi ayomwi ilyeelete kubengwa pantu pomwi amakilogilamu obilo a fulaulo upelekete usenkene a mafuta a olifi.

Shakubelenga 28:3

Mulambu wa cakulya weelete kubengwa kuli ndime neMwaami Lesa ngooyu. Bana ba mbelele bobilo basankwa bacite mwaaka womwi alimwi batacite kampenda ayi ngumulambu wakutenta pabushiku abushiku.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.