Bene Lefi 3:2 - Baibo Busansulushi Bwa Libuku Ili

² Muntu uyo ulaakubika maansaakwe pamutwi wa munyama akumucaila pamulyango wa Tente ya Cipangano. Kuswawaawo bana bakwe Aloni bapailishi balaakusanseela bulowa mumbasu shoonse shone sha cipaililo.

Bene Lefi 3:2 ပူးပေါင်းရင်းမြစ်များ

Kulonga 29:10

“Lyalo ukalete mucende kunembo lya Tente ya Cipangano akulwiita Aloni alimwi abana bakwe basankwa ayi babike maansaabo pamutwi wa nguwo.

Kulonga 29:11

Ukamucaile pameenso angu pamulyango wa Tente ya Cipangano.

Kulonga 29:15

“Mpeeke ukabwese mbelele yomwi isankwa, akulwiita aloni alimwi abana bakwe basankwa ayi babike maansaabo pamutwi wa njiyo.

Kulonga 29:16

Ukeecaaye, akubwesa bulowa bwa njiyo alimwi akubusanseela mumbasu shoonse shone sha cipaililo.

Kulonga 29:19

“Lyalo ukabwese mbelele imwi isankwa iyo isebenseshekwa pakubenga, akulwiita Aloni alimwi abana bakwe basankwa ayi babike maansaabo pamutwi wa njiyo.

Isaya 53:6

Ono swebo soonse twasoweka mbuli mbelele, ncakwiila womwi awomwi watola nshila yakwe. Sombi Mwaami Lesa watubweselaako shibiibi shesu swebo soonse.

Bene Lefi 1:11

Ulyeelete kwiicaila kumatwa lya cipaililo kunembo lya Mwaami Lesa. Mpeeke bapailishi balaakusanseela bulowa bwa njiyo kumbasu shoonse shone sha cipaililo.

Bene Lefi 17:3

‘Mwine Isilaeli uli woonse ubengela ŋombe, mbelele nabi mpongo mumisumba nabi pansengwe,

Bene Lefi 17:4

mumusena wakubengela kumulyango wa Tente ya Cipangano ayi ngumulambu wabengwa kuli nebo neMwaami Lesa, wasotoka Milawo. Muntu uyo ingayi waba amulandu wakutila bulowa. Aboobo teshi akanoociyeeyelwa kuba mulikoto lya bantu bangu.

Bene Lefi 3:3

Lyalo ulyeelete kupa nebo neMwaami Lesa ayi ncipo ca shakulya kuli ndime, shipansha sha munyama ishi. Mafuta oonse a shamukati,

Bene Lefi 3:8

ulyeelete kubika lyaansa lyakwe pamutwi wa njiyo, akwiicaya kunembo lya Tente ya Cipangano. Mpeeke bana bakwe Aloni bapailishi balaakusanseela bulowa bwa njiyo mumbasu shoonse shone sha cipaililo.

Bene Lefi 8:22

Kuboolaawo Mose wakaleta mbelele yabili isankwa ayi njapakubika bantu pabupailishi. Lyalo Aloni abana bakwe basankwa bakabika maansaabo pamutwi wa njiyo.

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.

Shakubelenga 18:17

Sombi boombe bakwiiya, mbelele alimwi ampongo tabeelete kunoolubulwa, ceebo balisalalite. Mulyeelete kusanseela bulowa bwabo pacipaililo akutenta mafuta abo ayi ngumulambu wa cakulya. Bweema bwa mulambu uyu bulansangalasha nebo neMwaami Lesa.

Milimo ya Batumwi 3:15

Mwebo mwakacaya wooyo upa buumi bwancinencine, sombi Lesa wakamubusha kuswa kubafu. Ono swebo tuli bakamboni pacikani ici.

Milimo ya Batumwi 3:26

Aboobo Lesa wakasala musebenshi wakwe akutaanguna kumutuma kuli ndimwe kwaamba ayi amupe coolwe mukulengesha ayi noonse womwi awomwi musanduke kuswa kushibiibi shanu.”

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.