Bene Lefi 3:17 - Baibo Busansulushi Bwa Libuku Ili

¹⁷ Taaku mwine Isilaeli nabi womwi weelete kulya mafuta nabi bulowa. Uyu ngumulawo bene Isilaeli boonse ngobeelete kukonkela lyoonsebo, kuli koonse nkweenga kababete.”

Bene Lefi 3:17 ပူးပေါင်းရင်းမြစ်များ

Matalikilo 9:4

Ncemuteeletebo kulya, ninyama icicite bulowa. Ndamukasha kucita boobo mukwiinga buumi buli mubulowa.

2 Makani 29:35

Kwakalinga milambu yakutenta iinji pantu pomwi amafuta amilambu ya bwanabwankashi alimwi ashipo sha cakunwa isho shakalinga kupetwa pantu pomwi amilambu yakutenta. Munshila iyi kulambila kwakatalika muŊanda yakwe Lesa alimwi.

Neyemiya 8:10

Lyalo Neyemiya wakabaambila ayi, “Kamuya mukalye shakulya shibotu, akunwa shakunwa shamise. Mutumineko shimwi kuli babo batacite shibambitwe kale. Bushiku bwasunu mbushiku busalalite kuMwaami Lesa. Mutoongumani ceebo kusangalala uko kumupa Mwaami Lesa, nkokumupa nkusu.”

Kulonga 27:21

Aloni alimwi abana bakwe basankwa balyeelete kubika lilampi muTente ya Cipangano, pansengwe lwa cisani ico cili kunembo lya Libokoshi lya Cipangano. Nkokwaamba ayi lilampi ili lilyeelete kunyaka pameenso angu mpomunyaawo kuswa macolesha kushikila amacuunsa. Bene Isilaeli alimwi abamulunyungu lwabo balyeelete kunoolama mulawo uyu lyoonsebo.

Kulonga 28:43

Anu Aloni alimwi abana bakwe basankwa balyeelete kunoofwala shakufwala ishi lyoonsebo na benjila muTente ya Cipangano, nabi kuya kucipaililo mukusebensa mulimo wa bupailishi muMusena Usalalite, kwaamba ayi bakabule kucaikwa ceebo cakuba mubilibo. Uyu ngumulawo weshi ukabule kumana kuli Aloni alimwi abamulunyungu lwakwe.

Esekelo 33:25

“Paceebo ceeco balwiite ayi nebo neMwaami Lesa Shinkusu shoonse ndaamba ayi, ‘Mwebo mulalya nyama icicite bulowa, mulalambila shibumbwabumbwa alimwi mulacaya bantu. Sa ubo ingayi mulyeelete kupekwa cishi?

Esekelo 44:15

Mwaami Lesa Shinkusu shoonse wakaamba ayi, “Bapailishi bene Lefi bamulunyungu lwakwe Sadoki balo bakatolelela kunsebensela cakushomeka muŊanda yangu, bene Isilaeli ndibakamfutatila. Paceebo ceeco balo mbweshi banoosena pafwaafwi anebo ayi bansebensele. Bapailishi abo mbweshi banoosa kunembo lyangu akubenga milambu ya mafuta alimwi abulowa kuli ndime.

Esekelo 44:7

Babisha Ŋanda yangu kwiinda mukusuminsha baswamashi batapalwitwe, ee, bantu batanyumfwili ndime, kwinjila muŊanda yangu ciindi mafuta abulowa ndyeshibengwa kuli ndime. Aboobo bantu bangu bapwaya cipangano cangu kushintu shilensha bunya nshebakacita.

Bene Lefi 10:15

Balaakunooleta mweendo wakatako alimwi antiti paciindi cakubenga mafuta kuMwaami Lesa ayi ncipo ca shakulya. Ishi shipansha nshanu abana banu kwamuyayaya bweenka bwaamba Mwaami Lesa.”

Bene Lefi 10:9

“Webo abana bako basankwa tamweelete kwinjila muTente ya Cipangano na mwanwa waini nabi shibilite shimwi shoonse. Na mukacite boobo, mulaakufwa. Uyu ngumulawo ngobeelete kukonkela boonse bamulunyungu lwako.

Bene Lefi 16:29

“Ono milawo njemweelete kunoolama lyoonsebo njeeyi. Pabushiku bwalikumi mumweenshi wasanu ayobilo, bene Isilaeli alimwi abaswamashi bashiite pakati lyabo balyeelete kulikasha kulya, alimwi tabeelete kusebensa mulimo uli woonse.

Bene Lefi 16:34

Milawo iyi ilyeelete kunookonkelwa lyoonsebo. Kucita kweelana aMilawo uku kulyeeleete kunoocitwa linkanda lyomwi pamwaaka kwaamba ayi bene Isilaeli basalashikwe kuswa kushibiibi shabo shoonse.” Aboobo Mose wakacita kweelana abwakamwaambila Mwaami Lesa.

Bene Lefi 17:7

Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.

Bene Lefi 19:26

“Tamweelete kulya nyama ili yoonse icicite bulowa mukati. “Tamweelete kuba beshikusonda nabi baloshi.

Bene Lefi 23:14

Kuteelesha kulya shili anga ngamaila isho shaswabo mukutebulwa, shibishi, shakukanga nabi shakapangwa shinkwa na kamutana kuleta cipo ici kuli Lesa. Mulawo uyu bamulunyungu lwako boonse balyeelete kunooukonkela lyoonsebo koonse uko nkweenga kamushiite.

Bene Lefi 23:21

Pabushiku ubo tamweelete kusebensa milimo yanu yoonse, sombi mulyeelete kubunganabo ayi mulambile. Bamulunyungu lwanu balyeelete kunookonkela mulawo uyu lyoonsebo, koonse uko nkweenga kabashiite.

Bene Lefi 24:3

Macolesha lyoonse Aloni ulyeelete kunokwaanyasha akubona ayi anoobucesha kunembo lyangu neMwaami Lesa, nkokwaamba ayi pansengwe lya cisani cakushitilisha, kunembo lya Libokoshi lya Cipangano lili muMusena Usalalite Wiindaawo. Mulawo uyu ulyeelete kunookonkelwa lyoonsebo mumashalane anu oonse acisa.

Bene Lefi 24:9

Shimaande ishi nshakwe Aloni alimwi abamulunyungu lwakwe, alimwi balaakushilita mumusena usalalite mukwiinga ncipansha cisalalite abuumbi ca shakulya shipekwa kuli ndime neMwaami Lesa ayi nsha bapailishi.”

Bene Lefi 3:16

Lyalo shoonse ishi mupailishi ulaakushitentela pacipaililo ayi ncipo ca shakulya kuli ndime neMwaami Lesa. Mafuta oonse ngaangu neMwaami Lesa.

Bene Lefi 4:1

Mpomunyaawo Mwaami Lesa wakaambila Mose ayi,

Bene Lefi 6:15

Kuswawaawo ulaakutapula lupaka lwa fulaulo usenkene amafuta, alimwi atununkila kabotu tuliiwo, akushitentela pacipaililo kwaamba ayi cibe cishibilo kwaamba ayi shoonse shapekwa kuli ndime neMwaami Lesa. Anu bweema bwa cipo ico bulansangalasha neMwaami Lesa.

Bene Lefi 6:18

Mumyaaka yoonse ili kunembo baana basankwa bamulunyungu lwakwe Aloni balyeelete kunoolya cakulya ici, ayi abalo nceshi cikanoolibo cinebo kuswa kushakulya shipekwa kuli ndime neMwaami Lesa. Uyo woonse weenga wakumya kucipo ca shakulya ulaakucisikwa ceebo cipo ico cilisalalite.”

Bene Lefi 6:22

Anu mumyaaka yoonse ili kunembo, mupailishi munene woonse wa mulunyungu lwakwe Aloni ulyeelete kupa cipo ico. Cipo ico cilaakutentwa coonse kwaamba ayi cibengwe kuli ndime neMwaami Lesa.

Bene Lefi 7:23

“Lwiita bene Isilaeli ayi taaku mafuta a ŋombe, mbelele nabi mpongo eelete kulikwa.

Bene Lefi 7:34

Ntiti alimwi amweendo wakatako walulyo kumunyama ncipo cipuseneeko citambulwa kuli ndime neMwaami Lesa kuswa kubene Isilaeli akupekwa kubapailishi. Ici bene Isilaeli ncebeelete kunoopa bapailishi lyoonsebo.”

Bene Lefi 7:36

Pabushiku ubo, Mwaami Lesa wakaambila bene Isilaeli ayi banoopa bapailishi cipansha ici ca mulambu. Uyu ngumulawo bene Isilaeli ngobeelete kunookonkela lyoonsebo.

Shakubelenga 19:21

Mulyeelete kunookonkela mulawo uyu lyoonsebo. Muntu uyo usanseela maanshi akusalasha, alakwe ulyeelete kucapa shakufwala shakwe. Uyo woonse weenga wakumya maanshi akusalasha teshi akanoosalalite kushikila macolesha.

Mateyo 16:24

Lyalo Jesu wakaambila bashikwiiya bakwe ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe akunkonkela.

Mateyo 26:28

mukwiinga ubu mbulowa bwangu bwa cipangano cipya, bweshi bukatiilwe kwaamba ayi baanji balekelelwe shibiibi shabo.

Milimo ya Batumwi 15:29

Mutanoolya cakulya cakapekwa kushibumbwabumbwa, mutanoolya bulowa, mutanoolya banyama bakashinwa alimwi mutanoocita cikololo. Mwebo mulaakucita kabotu namukasuunge shintu ishi. Amucaale kabotu.”

Bene Efeso 1:7

Kwiinda mulufu lwakwe ndwaakalibenga, Jesu wakatwaangulula alimwi tulalekelelwa shibiibi shesu kwiinda mubulowa bwakwe. Ncakwiila luse lwakwe Lesa lulakankamika abuumbi,

Bene Efeso 5:26

kwaamba ayi acisalashe. Wakacisalasha ndyaakacisansha amaanshi kwiinda mumaswi akwe.

Dutolonomi 12:16

Nakubi boobo tamweelete kulya bulowa bwa banyama, mulyeelete kubutila panshi anga ngamaanshi.

Dutolonomi 12:23

Ono ncemuteeletebo kucita nkulya nyama icicite bulowa ceebo buumi buli mubulowa, aboobo tamweelete kulya buumi pantu pomwi anyama.

Dutolonomi 12:24

Tamweelete kulya bulowa bwa banyama, sombi mulyeelete kubutila panshi anga ngamaanshi.

Dutolonomi 15:23

Tamweelete kulya bulowa bwa banyama, sombi mulyeelete kubutila panshi anga ngamaanshi.

Dutolonomi 32:14

Ŋombe ampongo shabo shakalinga kukamika abuumbi. Mbelele, mpongo aŋombe shabo shakalinga kwiinite. Mbelele shisankwa shakalinga shibotu anga nsha kuBashani, awalo witi alimwi awaini shakalinga kwiinditeewo kubota.

1 Timoti 4:4

Mukwiinga shintu shoonse Lesa nshaakalenga nshibotu. Tasheelete kukakwa, sombi shoonse shilyeelete kutambulwa amupailo wakulumba Lesa,