Bene Lefi 27:26 - Baibo Busansulushi Bwa Libuku Ili

²⁶ “Mwanaamunyama woonse wakwiiya ngwa Mwaami Lesa lyoonse, aboobo taaku weenga wamubenga ayi ngumulambu wakulyaaba. Nkokwaamba ayi moombe nabi mwanaambelele nsha Mwaami Lesa.

Bene Lefi 27:26 ပူးပေါင်းရင်းမြစ်များ

2 Baami 7:5

Ono ndikwalinga kuya cishiya, bakaya kumisumba ya bene Silya, sombi ndibakashika, tekwakalinga muntu nabi womwi.

Neyemiya 10:36

Kweelana ambocilembetwe muMilawo tulaakunooleta bana besu basankwa bakwiiya, boombe bakwiiya alimwi abana ba shifubwa shesu shimwi shoonse kuŊanda yakwe Lesa kupa bapailishi basebensa mulimo wakwe Lesa.

Kulonga 13:2

“Amubenge baana basankwa bakwiiya boonse kuli ndime, mukwiinga mwaana musankwa wakwiiya woonse mwine Isilaeli alimwi amwaana musankwa woonse wakwiiya wa shifubwa, boonse mbaangu.”

Kulonga 22:30

Alimwi mulyeelete kumpa mwaana wakwiiya wa ŋombe alimwi awa mbelele. Amuleke mwaana musankwa wakwiiya wa shifubwa ekale amushashi kwanshiku shosanwe ashobilo, sombi pabushiku bwasanu ashotatwe mulyeelete kumubenga kuli ndime ayi ngumulambu.

Bene Lefi 27:27

Sombi na ngwakwiiya wa munyama utasalalite kweelana aMilawo, inga woolwa alimwi kweelana amweelo weelete kwiilikaawo acomwi ca shosanwe ca nguwo. Na wabula kuulwa alimwi, inga woolishikwa kumuntu umwi kweelana amweelo weenka wapingulwa.

Shakubelenga 18:17

Sombi boombe bakwiiya, mbelele alimwi ampongo tabeelete kunoolubulwa, ceebo balisalalite. Mulyeelete kusanseela bulowa bwabo pacipaililo akutenta mafuta abo ayi ngumulambu wa cakulya. Bweema bwa mulambu uyu bulansangalasha nebo neMwaami Lesa.

Shakubelenga 3:13

ceebo baana bakwiiya mbaangu. Ndindakacaya baana basankwa bakwiiya boonse muIjipiti, ndakalibikila palubasu mwaana musankwa wakwiiya woonse wa mwine Isilaeli, alimwi amwaana musankwa wakwiiya wa munyama. Boonse balyeelete kuba baangu, nebo ndime Mwaami Lesa.”

Dutolonomi 15:19

“Baana basankwa bakwiiya ba ŋombe aba mbelele mukababike palubasu ayi mba Mwaami Lesa, Lesa wanu. Tamweelete kusebensesha ŋombe ishi nabi kucesa mbelele ishi booya.