Bene Lefi 27:21 - Baibo Busansulushi Bwa Libuku Ili

²¹ PaMwaaka wa Lwaanguluko wakuboolaawo, muunda uyo ulaakubetabo limwi wa Mwaami Lesa. Ulaakupekwa kubapailishi.

Bene Lefi 27:21 ပူးပေါင်းရင်းမြစ်များ

Esila 10:8

Uyo woonse weshi akabule kuya mukubungana munshiku shili shotatwe ulaakusowekelwa buboni bwakwe boonse kweelana abupingushi bwa bacinenenene alimwi abamaloba. Kuswawaawo ulaakukushikwa mulikoto lya baabo bakaswa mucishi ca busha.

Esekelo 44:29

Balo balaakunoolya shipo sha fulaulo, milambu yakulekelelwa shibiibi alimwi amilambu yakumana milandu. Nkokwaamba ayi shintu shoonse shapekwa kuli ndime neMwaami Lesa mucishi ca Isilaeli shilaakuba shabo.

Bene Lefi 25:10

Munshila iyi, mulaakupatula mwaaka wamakumi osanwe akwaambilisha lwaanguluko kubantu boonse ba mucishi. Mumwaaka uyu, shoonse shintu shakoolishikwa shilaakubooshekwa kubeene nabi kubamulunyungu lwabo. Uyo woonse wakoolishikwa busha ulaakubooshekwa kumishaabo.

Bene Lefi 25:28

Sombi na taacite maali akwana kuula muunda uyo alimwi, inga koolibo wa wooyo wakawuula kushikila muMwaaka wa Lwaanguluko. Mumwaaka uyo, ulaakubooshekwa kumwiine.

Bene Lefi 25:31

Alo maanda a mumishi atacite malinga alyeelete kubabo anga njimyuunda. Beene maanda bataanshi balicite nkusu shakwaawula, alimwi alyeelete kubooshekwa muMwaaka wa Lwaanguluko.

Bene Lefi 27:20

Lyalo na woolisha kumuntu umwi kaatana kuwuula alimwi kuMwaami Lesa, ingayi lakwe teshi akabeewo ankusu shakuula alimwi.

Bene Lefi 27:22

“Na muntu wabenga muunda kuli ndime neMwaami Lesa uyo ngwaaulabo,

Shakubelenga 18:14

“Anu shoonse shintu mucishi ca Isilaeli isho shabengwa kuli ndime neMwaami Lesa, nshinenu.

Dutolonomi 13:17

Ono mutakeeleshi kubwesa cintu nabi comwi pasheesho shakaambwa ayi shilyeelete kunyonyoolwa. Lyalo Mwaami Lesa ndyeshi akamulekelele akumunyumfwila nkumbu. Ulaakumunyumfwila nkumbu akumulengesha ayi mukafuule abuumbi, kweelana ambwaakalasha bamashali banu bakulukulu,

Joshuwa 6:17

Ndabala inene iyi alimwi ashintu shoonse shiliimo shilyeelete kunyonyweetwabo limwi ayi shibe cipo kuMwaami Lesa. Mwanakashi mufuule Laabu alimwi abamuŋanda yakwe beenkabo mbweshi bapuluke, ceebo lakwe wakashisa beshikusensa besu.