Bene Lefi 26:6 - Baibo Busansulushi Bwa Libuku Ili

⁶ “Ndaakumupa luumuno mucishi canu alimwi mulaakunokoona cakutaloonda muntu nabi womwi. Banyama boonse bakali ndaakubatandaamo, anu teshi mukabewo nkondo alimwi.

Bene Lefi 26:6 ပူးပေါင်းရင်းမြစ်များ

2 Baami 2:24

Elisha wakapiluluka wabalangilisha akubashingana muliina lya Mwaami Lesa. Mpeeke kwakesa bashiluwe banene bobilo bakaswa muluundu akuluma bacikula bwangu bali 42 pakati kabo.

1 Makani 22:9

Sombi Mwaami Lesa wakanshomesha ayi, ‘Ulaakuba amwaana musankwa uyo weshi akanoolela muluumuno mukwiinga ndaakulengesha ayi akabule cakulisukama kuswa kubalwani bakwe beshi bakanoomushingulukite. Ulaakunookwiitwa ayi Solomoni mukwiinga mubwaami bwakwe, ndaakupa bene Isilaeli luumuno mukubula cakulisukama.

2 Makani 20:30

Mpeeke Jeoshafati wakalela muluumuno alimwi Lesa wakamupa luumuno kumbasu shoonse.

Jobo 11:19

Taaku mulwani weshi akanookukonga, alimwi baanji balaakunoosenga ayi ubacaafwe.

Jobo 5:23

Myuunda njeshi ukanoolima teshi ikabeewo amabwe alimwi banyama ba muluundu teshi bakakuluume.

Kulumbaisha 144:14

Ŋombe shesu ashishalane, kutabi shisansula nabi shifwa. Kulila kwa mapensho akumane mumikwakwa yesu.

Kulumbaisha 147:14

Ulalama manyinsa ako akukupa witi uunji wiindaawo kubota.

Kulumbaisha 29:11

Mwaami Lesa ngoopa bantu bakwe nkusu, alimwi ulapa bantu bakwe coolwe ca luumuno.

Kulumbaisha 3:5

Aboobo ndoona mutulo akubuka alimwi, mukwiinga Mwaami Lesa ulandama.

Kulumbaisha 4:8

Ndyeengona ndaba muluumuno, mukwiinga mwebo noBaami baLesa, ndimwe mumfukete.

Kulumbaisha 85:8

Ndaakukutika kusheesho Mwaami Lesa nsheshi akaambe. Ulashomesha luumuno kuli ndiswe sobantu bakwe, kulilabo na twabula kuboolela kunshila shesu shabuluya.

Kulonga 23:29

Teshi nkabatande mumwaaka womwi mukwiinga na ndacita boobo, mucishi inga mwabula bantu baanji, aboobo banyama ba muluundu inga bamufulila.

Tushimpi 3:24

Ulaakunooya mukoona kwakubula cakuloonda, ee, ulaakunoolyonenabo cakusutulako amutwi.

Tushimpi 6:22

Waakunooya bweenda, shilaakukutanjilila. Na woona mashiku, shilaakukufuna. Na wabuuka, shilaakukupandako maano.

Isaya 35:8

Lyalo kulaakuba mukwakwa. Mukwakwa uyo ulaakutumbwa ayi, “Mukwakwa wa Basalalite.” Bamucita shibi teshi bakeendeemo umo, sobwe. Ulaakuba wa baabo beelete kweendaamo beenka. Nabibo mashilu a bantu teshi akeendeemo umo.

Isaya 35:9

Mumukwakwa uyo teshi mukabeewo nkalamu. Taaku banyama bamwi bakali baluma beshi bakeende nshila iyo. Sombi mukwakwa uyo ngwa baabobo bakalubulwa.

Isaya 45:7

Ndalengesha mumuni kubaako nabi munshinshe. Ndime mpa shoolwe alimwi ndime mpa mapensho. Ee, nebo neenka neMwaami Lesa ndime ncita shintu shoonse ishi.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Jelemiya 31:26

Lyalo bantu balaakunokwaamba ayi, ‘Ndalinga ndoona tulo tubotu, ncakwiila ndaboolelwaamo.’ ”

Esekelo 14:15

“Nabi na ndatuma banyama bamuluundu mucishi ico mukucaya bantu boonse akucilengesha kubula wikalaamo alimwi awiindaamo ceebo ca banyama,

Esekelo 14:17

“Nabi na ndaleta nkondo mucishi ico akwaamba ayi, ‘Mupeeni awiinde mucishi coonse,’ akucaya bantu ba mumo alimwi ashifubwa shabo

Esekelo 14:21

Mwaami Lesa Shinkusu shoonse waamba ayi, “Ino cilaakuba buyani ndaakutuma mapensho one eendaawo kubica pandabala ya Jelusalemu, nkokwaamba ayi ndaakutuma nkondo, nsala, banyama bamuluundu amwaalu kucaya bantu ba mumo alimwi ashifubwa shabo?

Esekelo 34:25

Kuswawaawo ndaakupanga cipangano ca luumuno a nshisho akukusha banyama ba muluundu mucishi kwaamba ayi shikekale muluyanga nabi mumusaansa kwakubula cakulisukama.

Esekelo 34:27

Shisamu sha mumyuunda yabo shilaakucata shisepo abwalo bulongo bulaakukusha shishango. Bantu balaakwikala kwakubula cakulisukama mucishi cabo. Ndaakutyola lijoko lyabo akubakusha mumaansa abaabo bakalinga babatola busha. Lyalo ndyeshi bakeshibe ayi nebo ndi Mwaami Lesa.

Esekelo 5:17

Ndaakutuma nsala abanyama bamuluundu pali ndimwe mukucaya bana banu. Ndaakutuma mwaalu, kutila bulowa ankoondo mukumucaya. Nebo neMwaami Lesa ndaamba.’ ”

Osiya 2:18

Pabushiku ubo ndaakupanga cipangano abanyama bamuluundu, bayuni alimwi atulongolo toonse kwaamba ayi batakacisi tubili bantu bangu. Ndaakumanisha mata amipeeni, ee, kumanisha nkondo mucishi canu coonse. Ncakwiila ndaakulengesha bantu bangu kwikala muluumuno alimwi kwakubula cakulisukama.

Osiya 2:20

Ndaakukweeba mukushomeka alimwi ulaakusumina ayi ndime Mwaami Lesa.

Bene Lefi 25:18

“Amukonkele milawo yoonse ya Mwaami Lesa amilasho yakwe, kwaamba ayi mukanookala kabotu mucishi ico.

Bene Lefi 25:19

Mucishi mulaakuswa shakulya. Mpeeke mulaakuba ashakulya shoonse nshemusuni alimwi akwikala kabotu uko.

Bene Lefi 26:22

Lyalo ndaakutuma banyama bakali pakati kanu abo beshi bakacaye bana banu, kunyonyoola shifubwa shanu, akushiyawobo baniini pakati kanu cakwaamba ayi munshila shanu shoonse mulaakunoobula abeshikwiindaamo.

Bene Lefi 26:25

Mpeeke ndaakuleta nkondo pali ndimwe akumupensha ceebo ca kupwaya cipangano cesu. Na mukabungane mumandabalaanu anene mukuyuba, lyalo ndaakumutumina malwashi atashilikwi. Aboobo mulaakukakatishikwa kulyaaba mumaansa a balwani banu.

Bene Lefi 26:7

Mwebo mulaakukoma balwani banu boonse.

Mika 4:4

Muntu womwi awomwi ulaakunookala muluumuno pakati ka minyansa yakwe ashisamu shakwe sha nkuyu. Ncakwiila taaku eshi akamuloondeshe. Mwaami Lesa Shinkusu shoonse mbwaakashomesha ubo.

Sefaniya 3:13

Bene Isilaeli beshi bakacaaleewo teshi bakabisheewo. Teshi bakaambewo shabubeshi alimwi teshi bakeeleshewo kucenjeeka bamwi. Balo balaakunooswitilila akwikala cakuliiba, ncakwiila taaku muntu weshi akabaloondeshe.”

Agayi 2:9

Bulemu bwa Ŋanda yangu iyi bulaakwiinda bulemu bwa Ŋanda itaanshi. Lyalo mumusena uyu ndaakupa bantu bangu luumuno. Nebo neMwaami Lesa Shinkusu shoonse ndaamba.’ ”

Sekaliya 9:10

Mwaami Lesa waamba ayi, “Ndaakukusha shikoci sha nkondo muEfuleemu akukusha maaki a nkondo muJelusalemu. Ncakwiila ndaakutyola mata a nkondo. Mwaami wanu ulaakuleta luumuno pakati ka mishobo. Cishi cakwe cilaakunooswa kulweenge kuya mukushika kulweenge. Cilaakunooswa kuMulonga wa Yufuletisi akuya mukushika kupilila lisuba.”

Joni 14:27

“Ndamushiila luumuno. Ndamupa luumuno lwangu. Nshipi bweenka mbuli bamucishi ca panshi, sobwe. Myoyo yanu itapengi nabi kuloonda.

Milimo ya Batumwi 12:6

Ono mashiku pabushiku Elodi mbwaakalinga kuyeeya ayi macuunsa akamoomboloshe, Pita wakalinga kulete pakati kabashilumamba bakalinga kumulama. Wakalinga kwaangitwe ncetani shobilo, imwi kayaangitwe kushilumamba womwi kulubasu lumwi aimwi kushilumamba umwi. Kwakalinga abashilumamba bamwi pamulyango wa ntolongo.

Bene Loma 5:1

Ono mukwiinga Lesa watululamika ceebo ca lushomo lwesu, pali luumuno pakati kakwe Lesa aswebo kwiinda muMwaami wesu Jesu Klistu.