Bene Lefi 26:41 - Baibo Busansulushi Bwa Libuku Ili

⁴¹ kunengesha ayi mbafutatile alimwi akubatuma mukwikala mucishi ca balwani babo. Ono kunembo na bamulunyungu lwanu bakaboneshekwe kubisha kwabo, akulipila pamulandu wabo,

Bene Lefi 26:41 ပူးပေါင်းရင်းမြစ်များ

1 Baami 21:29

“Sa wamubona Aabu mbwaalyungumika kuli ndime? Ono mbwaacita bobulya, teshi nkalete shinkunka isho kaacili muumi. Ndaakushileta ciindi mwanaakwe aakunoolela.”

2 Makani 12:12

Ceebo cakwaamba ayi Leoboamu wakaliceesha, Mwaami Lesa wakabooshaamo moyo pali nguwe. Lyalo taakwe kunyonyoola bwaami bwakwe cakumaninina. Ncakwiila mwakaba luumuno muJuda.

2 Makani 32:26

Kuswawaawo Esekiya abantu ba muJelusalemu bakaliceesha. Lyalo bukali bwa Mwaami Lesa tabukwe kuseluka pali mbabo kushikila mwaami Esekiya ndyaakafwa.

2 Makani 33:19

Mupailo wakwe akukumbula kwakwe Lesa, shibiibi nshaakacita kaatana kusanduka, nkokwaamba ayi bubi mbwaakacita, misena yakulambililaako ya patulundu, shikoshanyo shakwe Ashela lesa mwanakashi isho nshaakapanga alimwi ashibumbwabumbwa nshaakalinga kulambila, shoonse shililembetwe mulibuku lya balaluki.

2 Makani 33:23

Lakwe Amoni taakwe kuliceesha kuMwaami Lesa bweenka bwakacita baishi. Ncakwiila Amoni wakeendaawo kubisha pali baishi.

Esila 9:13

Anu isho shakacitika kuli ndiswe, shakacitika ceebo ca micito yesu ibiibi iyo italifulili. Nakubi boobo, nobaLesa besu mwatupa mulandu uniini kwiinda shibiibi shesu mbosheelete alimwi mwatusuminisha kunoocili boomi swebo sotwacaalaawo.

Esila 9:15

NoBaami baLesa, baLesa ba bene Isilaeli ndimwe mululeme! Nakubi boobo mwatusuminisha kunoocili boomi. Ono twalyaambilila shibiibi shesu panembo lyanu, nakubi kwaamba ayi tatweelete kwiimikana pameenso anu ceebo ca nshisho.’ ”

Neyemiya 9:33

Mwebo muliluleme mukutupa mulandu wa mushobo uyo. Mwakalinga kushomeka, nabi swebo twakalinga kumubishisha.

Kulumbaisha 39:9

Ndakalinga kuumwite cakutacalulaawo mulomo, mukwiinga mwebo ndimwe mwakasuminisha ayi mpenge bobulya.

Kulonga 10:3

Aboobo Mose aAloni bakaya kumwaami Falawo mukumulwiita ayi, “Mwaami Lesa, Lesa wa bene Ebulu waamba ayi, ‘Nciindi cilaamfu buyani nceshi ukake kunyumfwila ndime? Leka bantu bangu baye bakanambile.

Jelemiya 4:4

Amushomeke kucipangano ncendakapanga amwebo nebo neMwaami Lesa. Nobene Juda abene Jelusalemu, amwaabe myoyo yanu kuli ndime. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Ndushinisho bulaakunyaka cakubula aubushimya.

Jelemiya 6:10

Mpomunyaawo ndakakumbula ayi, “Ngani ngweshi ŋambile akucenjesha? Ino ngani weenga wankutika? Matwi abo akashinkwa, aboobo tabakoonshi kunyumfwa. Maswi anu noBaami baLesa alabacima aboobo tabasangalalilimo, sobwe.

Esekelo 14:23

Ulaakusumina waakubona mibo amicito yabo ibiibi ceebo cakwishiba kwaamba ayi anu nshikwe kubafumbukabo pakubapa mulandu. Nebo neMwaami Lesa Shinkusu shoonse ndaamba.”

Esekelo 20:43

Mpeeke mulaakuyeeya bwikaalo bwanu amicito iyo njemwakalibishishaamo akunyumfwa bunya ceebo ca bubi boonse ubo mbomwakacita.

Esekelo 44:7

Babisha Ŋanda yangu kwiinda mukusuminsha baswamashi batapalwitwe, ee, bantu batanyumfwili ndime, kwinjila muŊanda yangu ciindi mafuta abulowa ndyeshibengwa kuli ndime. Aboobo bantu bangu bapwaya cipangano cangu kushintu shilensha bunya nshebakacita.

Esekelo 44:9

“Ono nebo neMwaami Lesa Shinkusu shoonse ndaamba ayi, ‘Taaku muswamashi utapalwitwe, ee, taaku muntu uyo utanyumfwili ndime, weshi akenjile muŊanda yangu, nabibo keekala pakati ka bene Isilaeli weshi akasuminishikwewo kwinjila.’ ”

Esekelo 6:9

Lyalo mumishobo iyo mweshi bakatolwe busha, balaakunjeeya akwishiba kwaamba ayi ndime ndabapa mulandu akubalensha nsoni. Ndaakucita boobo ceebo myoyo yabo itashomeki yamfutatila akusandukila kushibumbwabumbwa. Balaakulipata beene ceebo ca bubi bwabo ashintu shilensha bunya isho nshebacita.

Bene Lefi 26:24

lyalo ndaakumwaalukila akumupensha mankanda osanwe aobilo kwiinda kataanshi.

Bene Lefi 26:28

ndaakumwaalukila akwiindilishaawo alimwi pamapensho anu mankanda osanwe aobilo.

Shakubelenga 5:7

Aboobo ulyeelete kulyaambilila cibiibi cakwe. Ulyeelete akulipila shoonse sheelete kwiilikawo acomwi ca shosanwe ca mweelo uyo kumuntu ngwaakabishisha.

Mateyo 23:12

Uyo woonse ulisumpula, Lesa ulaakumuceesha alimwi uyo woonse uliceesha, Lesa ulaakumusumpula.

Luka 14:11

Mukwiinga uyo woonse ulisumpula ulaakuceeshekwa, sombi uyo woonse uliceesha ulaakusumpulwa.”

Luka 18:14

Ntoomulwiita ayi musonkeshi wakaboola kumishaabo kaaluleme pameenso akwe Lesa kuteshi muFalisi. Mukwiinga uyo woonse ulisumpula, ulaakuceeshekwa. Awooyo uliceesha, ulaakusumpulwa.”

Milimo ya Batumwi 7:51

“Mwebo nobeshicimpamya! Myoyo yanu ilibo anga nja bantu batashomi muli Lesa alimwi matwi anu taanyumfwi makani akwe! Mulikoshenyebo abamashali banu bakulukulu mukwiinga amwebo tamunyumfwili Mushimu Usalashi!

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Dutolonomi 10:16

Anu aboobo kuswa sunu amutalike kunyumfwila Mwaami Lesa, mucileeke bushicimpamya.

Dutolonomi 30:6

Kuswawaawo Mwaami Lesa, Lesa wanu ulaakupa ndimwe abamulunyungu lwanu myoyo yakunyumfwila, kwaamba ayi mukamusuune amyoyo alimwi abuumi bwanu boonse, ayi mukatolelele kwikala mucishi ico.

Dutolonomi 31:21

Mapensho aanji aakubapolela, lwiimbo ulu lulaakunokwiimbwa akuba bukamboni bwakubashinina, mukwiinga bamulunyungu lwabo teshi bakaluluube. Nebo ndishi shoonse nsheshi bakacite, nacibi kwaamba ayi nshina kubashisha mucishi ico ncendakashomesha cakulumbila kubapa.”

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Bene Kolose 2:11

Muli nguwe mwebo mwakapalulwa, kuteshi kupalulwa kucitikwa abantu, sombi kupalulwa kucitwa aKlistu umo mucanika kwaangululwa munkusu sha buntu bubiibi.