Bene Lefi 26:39 - Baibo Busansulushi Bwa Libuku Ili

³⁹ Ono abo beshi bakacaaleewo pakati kanu mushishi sha balwani, balaakunyonyooka ceebo ca bubi bwanu nobeene alimwi abubi bwa bamashali banu bakulukulu.

Bene Lefi 26:39 ပူးပေါင်းရင်းမြစ်များ

2 Makani 34:24

“Mwaami Lesa waamba ayi, ‘Ntoopa Jelusalemu mulandu pantu pomwi abantu boonse bekalaamo bweenka mbocilembetwe mulibuku ilyo mwaami ndyaabelengelwa.

Esila 9:7

Kuswa muciindi ca bamashali besu bakulukulu kushikila sunu, shibiibi shesu shafula abuumbi. Ceebo ca shibiibi shesu, swebo, bamaami abapailishi besu twakakomwa kubamaami ba mushishi shimwi, tulacaikwa, kwipilwa akutolwa busha. Ncakwiila twasebaana abuumbi bweenka mbotubete asunu.

Neyemiya 1:9

Sombi na mukasandukile kuli ndime akukonkela milawo yangu, ndaakumuboosha mumusena ngondakasala ayi noolambililwa nabi bantu banu bamwi bali mushishi sha busha shili kulaamfu.’

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Kulonga 34:7

Ndalama cipangano cangu kumashalane ali shuulu ashuulu, alimwi akulekelela bantu pabubi ashibiibi shabo. Sombi teshi nkaalilwe kupa mulandu baana alimwi abameeshikulu babo, kushikila akulishalane lyatatu alyane, ceebo ca shibiibi sha bamashali babo.”

Isaya 14:21

Akubambwe musena wakucailaako bana bakwe basankwa! Batoocaikwa ceebo ca shibiibi sha bamashali babo bakulukulu. Taaku nabi womwi pakati kabo weelete kulela cishi. Taaku weelete kususha cishi ca panshi amandabala akwe anene.”

Isaya 24:16

Kuswa kushishi sha kulaale tutoonyumfwa lwiimbo lwakwaamba ayi, “Amulemeke wooyo Ululeme.” Sombi nebo ndaamba ayi, “Ndamanaawo! Ndamanaawo! Mapensho kuli ndime! Beshikwaaba babyaabo baciyabo kunembo, bubeshi bwabo tabutooboolawo pesule!”

Jelemiya 29:12

Lyalo mulaakunjita akupaila kuli ndime, anebo ndaakumunyumfwa.

Jelemiya 3:25

Atoone panshi kunsoni akuleka ayi shitucaaye. Twakabishisha Mwaami Lesa, Lesa wesu, swebo pantu pomwi abamashali besu bakulukulu. Kuswa kubwanike bwesu kushika sunu tatunyumfwiliiwo Mwaami Lesa, Lesa wesu, napaceyi.”

Jelemiya 31:29

Ono ciindi ico cakushikila bantu teshi bakaambewo tubili ayi, ‘Bameeshiwesu bakalya shisepo shisakamwita, aboobo meeno a bana babo akaba abuwe.’

Malilo 1:3

Mapensho amilimo iyumu ndishamana, bene Juda batolwa mubusha. Balekalabo pakati ka mishobo imwi, tabacani amusena wakookesheshaawo. Boonse babatandaanya balabeensha, ee, kubeensha mukati ka mapensho.

Malilo 4:9

Abo bakacaikwa munkondo bali kabotu kwiinda baabo bafwa kunsala. Abo bafwa kunsala balanyanga mukubula cakubika pamulomo ciswa kumyuunda.

Esekelo 18:19

“Nakubi boobo muleepusha ayi, ‘Ceebonshi mwaana ncaatakonshi kupengela shibiibi sha baishi?’ Kukumbula nkwakwaamba ayi mwaana wakacita shintu shakutanyengelela ashiluleme alimwi akulama kabotu milasho yangu yoonse. Ndushinisho lakwe ulaakuba abuumi.

Esekelo 20:43

Mpeeke mulaakuyeeya bwikaalo bwanu amicito iyo njemwakalibishishaamo akunyumfwa bunya ceebo ca bubi boonse ubo mbomwakacita.

Esekelo 24:23

Mulaakunoofwetebo shisani shakufwala kumutwi ankwabilo shanu. Teshi mukoongumane nabi kulilawo buumpute, sombi mulaakukokabo ceebo ca shibiibi shanu akutongela pakati kanu nobene.

Esekelo 33:10

Mpeeke Mwaami Lesa wakaŋambila ayi, “Webo omuntu, ibalusha bene Isilaeli isho nshebaamba. Balaamba ayi, ‘Swebo twalemenwa shilubo alimwi ashibiibi shesu. Paceebo ceeco twamana kunyanga ceebo ca nshisho. Ino inga twaba buyani abuumi?’

Esekelo 36:31

Lyalo mulaakwiibaluka nshila shanu shibiibi amicito yanu ibiibi alimwi mulaakulisenda ceebo ca shibiibi shanu ashintu nshemwakalinga kucita shilensha bunya.

Esekelo 4:17

Cilaakuba boobo ceebo shakulya amaanshi shilaakushupa. Balaakupenshekwa abuumbi mumyoyo pakunoobonana ayalo mibili yabo ilaakunyombela ceebo ca shibiibi shabo.”

Esekelo 6:9

Lyalo mumishobo iyo mweshi bakatolwe busha, balaakunjeeya akwishiba kwaamba ayi ndime ndabapa mulandu akubalensha nsoni. Ndaakucita boobo ceebo myoyo yabo itashomeki yamfutatila akusandukila kushibumbwabumbwa. Balaakulipata beene ceebo ca bubi bwabo ashintu shilensha bunya isho nshebacita.

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Sekaliya 10:9

Nakubi kwaamba ayi ndakabapalanganishisha pakati ka mishobo imwi, kweenka kushishi shakulaale uko balaakunjibaluka. Balo abana babo balaakunoolibo boomi alimwi balaakuboola kumishaabo.

Shakubelenga 14:18

‘Nebo neMwaami Lesa nshifwambaani kukalala, ndabonesha lusuno lunene alimwi ndalekelela shibiibi abwaashu bwa bantu. Nacibi boobo, teshi nkaalilwe kupa mulandu baana kushikila akulishalane lyatatu alyane ceebo ca shibiibi sha bamashali babo bakulukulu.’

Dutolonomi 28:65

Pakati ka mishobo iyo, teshi mukacanewo luumuno nabi musena unenu cancinencine. Mpeeke Mwaami Lesa ulaakumulengesha kulisukama, kubula lushomo alimwi akutyongola.

Dutolonomi 30:1

“Ono ntoomulwiita ayi cili kuli ndimwe nobeene kusala coolwe nabi mashingo. Na shoonse ishi shikamucitikile pakati ka mishobo iyo Mwaami Lesa, Lesa wanu nkweshi akamupalanganishishe, mulaakwiibaluka shakusala nshentoomulwiita.

Dutolonomi 5:9

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo, kushikila akulishalane lyatatu alimwi alyane.

Dutolonomi 8:20

Na mukabule kunyumfwila Mwaami Lesa mulaakunyonyoolwa bweenka mbweshi akanyonyoole bantu mushishi mweshi mukeende pakunooya.