Bene Lefi 26:36 - Baibo Busansulushi Bwa Libuku Ili

³⁶ “Ono mwebo nomushi mukanooli mushishi shimwi, ndaakumulengesha kuba boowa cakwaamba ayi kunyumfwabo litewu litooya cuululuka kumuuwo, mwebo nkucica. Mulaakucica anga mutootandaanishikwa munkondo akuliwita nabi taapu mulwani pafwaafwi amwebo.

Bene Lefi 26:36 ပူးပေါင်းရင်းမြစ်များ

Matalikilo 35:5

Jakobo abana bakwe ndibakalinga kunyamuka, bantu ba mumandabala akalinga pafwaafwi bakanyumfwa boowa buswa kuli Lesa. Aboobo tabakwe kubakonkela ayi babalwaane.

Matalikilo 4:12

Na ukeeleshe kulima shishango, bulongo taaku nceshi bukakukusheewo. Ulaakunoolibo shikwiingooka utacite musena pacishi ca panshi.”

2 Makani 14:14

Lyalo bakanyonyoola mishi yoonse yakalinga kushingulukite ndabala ya Gela mukwiinga bantu boonse bakalinga kwikala mumo bakaloonda Mwaami Lesa. Bashilumamba bakasaala mishi yoonse iyo akubwesa shintu shiinji.

Jobo 13:25

Sa inga kamupensha ndime nemuntu ulibo anga nditewu kuuba? Ee, mutoolwana muntu ulibo anga mbuungu buululukabo kumuuwo.

Kulumbaisha 53:5

Ono bantu abo balaloonda abuumbi, banjilwa boowa mbobatana kubaabo kale. Lesa ulaakupalanganya shifuwa sha baabo boonse balwana bantu bakwe. Balaakulenshekwa nsoni mukubakoma ceebo Lesa wabakaka.

Kulumbaisha 53:6

Ncakwiila inga cabota abuumbi lupulusho lwa bene Isilaeli kuswa kuSiyoni! Lesa aakuboosesha bantu bakwe bubile, boonse bamulunyungu lwakwe Jakobo, ee, bene Isilaeli ndyeshi bakasangalale.

Kulumbaisha 89:43

Mwalengesha mupeeni wakwe kubula ncito akumulekelesha ayi akomwe munkondo.

Tushimpi 28:1

Bamucita shibi balacicabo nabi taakuuwo abatoobatandaanya, sombi baluleme mbayumu myoyo bweenka mbuli nkalamu.

Isaya 30:17

Bashilumamba banu bali cuulu balaakukongwa akucica kumulwani womwi. Ingayi bali bosanwe, likoto lyanu lyoonse lilaakucica. Taaku nabi womwi weshi akacaale kulekabo cisamu ca mbembela peculu lya kalundu!”

Isaya 7:2

Aasi, mwaami wa bene Juda, ndyaakalwiitikwa ayi bene Silya bapaankana abene Efuleemu, lakwe abantu bakwe bakatutuma abuumbi bweenka shisamu mboshitenkaanishikwa kumuuwo.

Isaya 7:4

Mwamucana mumwaambile ayi acenjele alimwi ekalike moyo. Ataloondi nabi kutyompwa kuyeeya bukali bwabo. Bukali bwa mwaami Lesini abantu bakwe bene Silya alimwi abwakwe Peka mwanaakwe Lemaliya bwamana ncito akubabo anga mbwiishi butoosuntookabo kushishiki shobilo.

Jelemiya 37:10

Ncakwiila nabi mukakome likoto lyoonse lya bashilumamba bene Babiloni akushiyawobo balicisite mumatente, beenka abo balaakwisa mukutenta ndabala inene ino cakumaninina.’ ”

Jelemiya 46:16

Bashilumamba banu balisuntula akuwa. Womwi awomwi utokwaambila mubye ayi, ‘Amunyamuke, katiya kubene misheesu kucishi cine misheesu, tucice mipeeni ya beshikutulyatilila.’

Malilo 1:3

Mapensho amilimo iyumu ndishamana, bene Juda batolwa mubusha. Balekalabo pakati ka mishobo imwi, tabacani amusena wakookesheshaawo. Boonse babatandaanya balabeensha, ee, kubeensha mukati ka mapensho.

Malilo 1:6

Bulemu bwa ndabala ya Jelusalemu boonse mpalampala. Bamatanjilili ba mumo boonse bababo anga ninsefu shitacani mafulo. Ee, anga ninsefu shitacite nkusu shitoocica bafwimi abo batooshitandaanya.

Malilo 4:19

Abo bantu bakalinga kututandaanya bakalinga kucabeene kwiinda bamumbankwashi mwiculu. Bakatutandaanya kuya mukwiinda mutulundu akutubelamina muluyanga.

Esekelo 21:12

Ono ulile cakooloma, webo omuntu, ceebo mupeeni uyo utoosita bantu bangu abamatanjilili boonse ba bene Isilaeli. Lyuume pacaamba ceebo ca buumba!

Esekelo 21:15

Ulaakucita boobo kwaamba ayi myoyo ya bantu ityongole akulengesha baanji kuwa. Ndateya mupeeni uyo kuminjililo yabo yoonse kwaamba ayi ucaye. Ncakwiila wakapangilwa kubekabeka, ee, wakacatilwa kucaya.

Esekelo 21:7

Ono na bakwiipushe ayi, ‘Utootongelanshi?’ Ubakumbule ayi, ‘Ntootongela ceebo ca makani ayo eshi akese. Myoyo yabo boonse ilaakuswa kuboowa, maansaabo alaakubabo lempwete, balaakutyongola amumanungo abo moonse mulaakuboolabo tontolo.’ Makani ayo alaakucitika cancinencine. Nebo neMwaami Lesa Shinkusu shoonse ndaamba.”

Osiya 8:3

Nakubi boobo bene Isilaeli bakakaka cipangano cibotu. Paceebo ceeco balwani babo balaakubatandaanya.

Bene Lefi 26:17

Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.

Bene Lefi 26:35

Cishi ici caakucaala matongo, cilaakuba akookesha nkocatakalinga kubaawo ankuko mwebo kamuciliimo.

Dutolonomi 1:44

Lyalo bene Amoli abo bakalinga kwikala mutulundu uto bakaswa anga ninsuki shiinji ayi bamulwaane. Bakamutandaanya kushika akuOma akumukoma mucishi ca tulundu ca Edomu.

Joshuwa 5:1

Ono bamaami boonse bene Amoli kumbo lya Joodani, alimwi abamaami bene Kenani muloombe lwa Lweenge lwa Mediteleniyani bakanyumfwa ayi Mwaami Lesa wakayumya Mulonga wa Joodani kushikila bene Isilaeli boosubuka. Mpeeke boonse bakaloonda abuumbi ankusu shoonse shakulwana abene Isilaeli shakabula.

Joshuwa 7:5

Bene Ai bakatandaanya bene Isilaeli kuswa paminjililo ya ndabala inene iyo akubashisha pamusena wakalinga kukabwa mabwe. Bakacaikwa kunkunamo ya kalundu, bakakumana mpashi 36. Mpeeke bene Isilaeli ndibakabona boobo, mushiso mwakaboolabo tontolo kuboowa.

1 Samwelo 17:24

Bashilumamba boonse ba bene Isilaeli ndibakamubona bakamucica boonse cakuloonda abuumbi.