Bene Lefi 26:31 - Baibo Busansulushi Bwa Libuku Ili

³¹ Mandabalaanu anene ndaakwaalula matongo akunyonyoola misena yanu yakulambililaawo alimwi akukaka kutambula milambu yanu.

Bene Lefi 26:31 ပူးပေါင်းရင်းမြစ်များ

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

2 Baami 22:19

Wasanduka kuswa kushibiibi shako akulibombya pameenso angu kwiinda mukukwamoona shakufwala shako akulila ndiwakanyumfwa mbondakalinga kupinga kupa mulandu kundabala ya Jelusalemu abantu bekalaamo. Ndaakucita boobo ilaakunooyoosha kwiilanga. Ncakwiila ilaakuba musena uyo bantu ngweshi bakanoosebensesha pakushingana. Sombi ndanyuumfwa kusenga kwako.

2 Makani 36:19

Wakatenta Ŋanda yakwe Lesa akupwaya lubumbu lwa Jelusalemu. Wakatenta amaanda abwaami oonse akunyonyoola shintu shoonse shamakwebo.

Neyemiya 1:3

Ono bakankumbula ayi, “Abo bakapuluka mubusha akuboolela kumishaabo bali mumapensho anene akucobolwa kubantu babashingulukite. Lubumbu lwa Jelusalemu lwakapwaikwa, aminjililo ya ndulo yakatentwa alimwi teena kubambululwa kuswa kuciindi ico.”

Neyemiya 2:17

Mpeeke ndakabaambila ayi, “Mwabona mapensho ngotubeteemo? Ndabala ya Jelusalemu ilimwayulwitwe aminjililo ya njiyo yakapya. Amwise tuyakulule lubumbu lwa Jelusalemu kwaamba ayi tumane musebaanyo ngotucite.”

Neyemiya 2:3

sombi ndakaambila mwaami ayi, “Kamweendela buumi lyoonse nobaami! Sa nsheelete kuboneka kutasangalala pameenso na ndabala inene umo mwakoona bamashali bangu bakulukulu ili mumatongo, aminjililo ya njiyo yakanyonyoolwa kumulilo?”

Isaya 1:7

Ono cishi cako cacaalabo matongo aalo mandabala ako anene atentekwa tibili apanshi peene. Baswamashi basaala myuunda yako akunyonyoola shintu shoonse kooebela.

Isaya 6:11

Mpeeke ndakeepusha ayi, “Kwaciindi cilaamfu buyani noBaami baLesa?” Alakwe wakakumbula ayi, “Kushikila mandabala anene oonse anyonyoolwe akubula ukalaamo. Kushikila maandaabo acaalebo kwakubula amuntu uliimo. Ee, kushikila myuunda yabo ikacaale matongo akushinka.

Isaya 63:18

Kwaciindi ciniini musena wanu usalalite wakalinga mumaansaanu sombi bulya balwani banu balyatoola musena wanu uyo.

Isaya 64:9

NoBaami baLesa mutakalalilibo limwi pali ndiswe cakutabooshamo myoyo. Muteebaluki shibiibi shesu kwamuyayaya mukwiinga soonse tuli bantu banu.

Isaya 66:3

Sombi bantu batola nshila shabo. Kuli mbabo tacipuseneewo kubenga mucende akubenga muntu ayi ngumulambu. Tacipuseneewo balo kubenga mwanaambelele akubenga kabwa ayi ngumulambu. Tacipuseneewo kupa cipo ca shili anga ngamaila akubenga bulowa bwa nkumba. Tacipuseneewo kupa cipo ca tununkila kabotu twaciibalusho alimwi akupaila kushibumbwabumbwa.

Jelemiya 22:5

Sombi mutanookonkela milawo iyi nebo neMwaami Lesa ndalumbila ayi ŋanda ya bwaami iyi ilaakunyonyoolwa. Nebo neMwaami Lesa ndaamba.’

Jelemiya 26:6

Ono na mutolelele kutanyumfwila, ndaakucita Ŋanda yangu ino bweenka mbondakacita musena wa Shilo. Lyalo liina lya ndabala ino lilaakunoosebenseshekwa mukushingana pakati ka mishobo yoonse ya mucishi ca panshi.’ ”

Jelemiya 26:9

Ceebonshi utoolalukila muliina lya Mwaami Lesa ayi Ŋanda yakwe Lesa ino ilaakubabo bweenka mbuli musena wa Shilo andabala ino kunyonyoolwa akuba matongo?” Mpeeke bantu boonse bakanshinguluka muŊanda ya Mwaami Lesa.

Jelemiya 4:26

Mpeeke ndakalanga akubona ayi cishi cakalinga ca bulongo bubotu caba luyanga. Mandabala a mumo oonse akamana kunyonyoolwa ceebo ca bukali bwa Mwaami Lesa buyoosha.

Jelemiya 4:27

Ono Mwaami Lesa waamba ayi, “Cishi coonse cilaakuba luyanga, sombi teshi nkacinyonyoole cakumaninina.

Jelemiya 4:7

Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.

Jelemiya 44:2

Mwaami Lesa Shinkusu shoonse, Lesa wa bene Isilaeli waamba ayi, “Mwakalibonena mapensho oonse ayo ngondakaletela ndabala ya Jelusalemu apamandabala oonse a muJuda. Asunu acili matongo. Taaku muntu wikalaamo

Jelemiya 44:6

Paceebo ceeco ndakatila bukali bwangu bwiindaawo pamandabala a muJuda amumikwakwa ya muJelusalemu akwiinyonyoola cakuba matongo mbuli mboibete bulya.

Jelemiya 52:13

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Malilo 1:1

Ndabala inene ya Jelusalemu yakalinga kuswite bantu. Ino ono ndabala iyo yacaala buyani cisuukila? Ndabala iyo yakalinga kulemekwa pakati ka mishobo. Ino ono yaba buyani anga ngumukalubinje? Ndushinisho yakalinga anga ngumwaami mwanakashi pakati ka shishi, sombi bulya yaba anga ngumusha.

Malilo 1:10

Balwani ba njiyo bakabwesa buboni bwa njiyo boonse. Lyalo yakabona mishobo ya bakunsengwe keenjila amuŊanda yakwe Lesa. Ee, bantu abo Mwaami Lesa mbwaakalinga kukasha kwisa mumabungano akwe.

Malilo 2:6

Wakamwaya Ŋanda yakwe ayi ibe anga ngumuunda, ee, kunyonyoola Ŋanda umo motwakalinga kumulambilila. Mwaami Lesa walengesha Siyoni kuluba nshiku shakusekelela ashakookesha sha Cibelu. Mwaami amupailishi boonse bakanyumfwa nkusu sha bukali bwakwe.

Malilo 2:7

Mwaami Lesa wakakaka cipaililo cakwe akushiya musena wakwe usalalite. Waaba lubumbu lwa maanda a bwaami kubalwani, abalo bakacita ciyobeyobe cakukoma muŊanda ya Mwaami Lesa anga mpabushiku bwakusekelela busalitwe.

Esekelo 12:20

Mandabala anene ayo aswite bantu, alaakunyonyoolwa. Aboobo cishi cilaakuba luyanga. Lyalo ndyeshi bakeshibe ayi nebo ndi Mwaami Lesa.’ ”

Esekelo 21:15

Ulaakucita boobo kwaamba ayi myoyo ya bantu ityongole akulengesha baanji kuwa. Ndateya mupeeni uyo kuminjililo yabo yoonse kwaamba ayi ucaye. Ncakwiila wakapangilwa kubekabeka, ee, wakacatilwa kucaya.

Esekelo 21:7

Ono na bakwiipushe ayi, ‘Utootongelanshi?’ Ubakumbule ayi, ‘Ntootongela ceebo ca makani ayo eshi akese. Myoyo yabo boonse ilaakuswa kuboowa, maansaabo alaakubabo lempwete, balaakutyongola amumanungo abo moonse mulaakuboolabo tontolo.’ Makani ayo alaakucitika cancinencine. Nebo neMwaami Lesa Shinkusu shoonse ndaamba.”

Esekelo 24:21

‘Lwiita mushobo wa bene Isilaeli ayi nebo neMwaami Lesa ndaamba ayi, ntooyanda kubisha Ŋanda yangu isalalite, ee, ciyubilo ico ncemulisumpwitaawo, cisangalasha meenso anu alimwi apo pali myoyo yanu. Bana basankwa abanakashi abo mbomwakashiya balaakucaikwa kunkondo.

Esekelo 6:6

Uko koonse bantu abo nkweshi bakanookala, mandabalaabo anene alaakunyonyoolwa. Misena yabo yakulambililaako ya patulundu ilaakupumununwa cakwaamba ayi shipaililo shabo shakubengelawo milambu shilaakunyonyoolwa. Ashalo shibumbwabumbwa shabo shilaakupwayoolwa pantu pomwi ashipaililo shabo shakutentelaawo tununkila kabotu. Lyalo shintu shoonse nshebakapanga shilaakushiminganishikwa

Esekelo 9:6

Muye mucaye bacembele, bacikula bwangu basankwa abanakashi, banakashi banene abanike, sombi kuteelesha kukumya wooyo ucite cishibilo. Mutalikile muŊanda yangu isalalite.” Aboobo bakatalikila bamaloba abo bakalinga kunembo lya Ŋanda yakwe Lesa.

Danyelo 2:46

Lyalo mwaami Nebukadinesa wakafukama cakushisha ciwa panshi kunembo lyakwe Danyelo mukumulemeka. Mpeeke wakaamba ayi milambu ibengwe kuli nguwe akumupa shipo.

Amosi 7:9

Misena bamulunyungu lwakwe Isaki njebakalinga kulambililaako ilaakunyonyoolwa. Misena isalalite ya bene Isilaeli, ilaakuba matongo. Ndaakulengesha bulelo bwa mwaami Jeloboamu kumana kunkondo.”

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.

Sefaniya 3:6

Mwaami Lesa waamba ayi, “Ndanyonyoola mishobo imwi ya bantu. Ndapwayoola shiyubilo shabo shiyumu. Ndashiya mikwakwa yabo kaayumwitebo, ee, taaku muntu nabi womwi wiindaamo. Ndanyonyoola mandabala abo. Taamu muntu nabi womwi wacaalaamo.

Luka 21:24

Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Milimo ya Batumwi 6:14

Mukwiinga twakamunyumfwa kaamba ayi, uyo Jesu wa kuNasaleti ulaakunyonyoola Ŋanda yakwe Lesa akusandula shishiyashiya shakatupa Mose!”

Bene Ebulu 10:26

Mukwiinga na twatolelela kunoobisha kashanga, sombi katwishi kale lushinisho, taaku mulambu umwi weenga wapekwa kuli Lesa ceebo ca shibiibi shesu.