Bene Lefi 26:30 - Baibo Busansulushi Bwa Libuku Ili

³⁰ Ndaakunyonyoola misena yanu yakulambililaamo patulundu, kumwaya shipaililo shanu sha tununkila kabotu pakutenta alimwi akubunjika mituntu yanu pashibumbwabumbwa shanu shifwite ceebo ca bunya.

Bene Lefi 26:30 ပူးပေါင်းရင်းမြစ်များ

Matalikilo 19:13

ceebo tutoonyonyoola musena uno. Mwaami Lesa wanyumfwa milandu iyoosha ya bantu aba, alimwi watutuma ayi tunyonyoole Sodoma.”

1 Baami 13:2

Kukonkela mulawo ngwaakaamba Mwaami Lesa, mulaluki wakanyansha cipaililo ico ayi, “Ocipaililo, ocipaililo, Mwaami Lesa waamba ayi, ‘Kulaakushalwa mwaana uyo weshi akeetwe ayi Josiya mulunyungu lwakwe Defedi. Pali ndiwe ulaakucailawo bapailishi abo basebensela kumisena yakulambililaako ya patulundu akubenga milambu pali ndiwe alimwi ulaakutenta shifuwa sha bantu pali ndiwe.’ ”

1 Baami 13:32

Ceebo maswi ngaakaamba pacipaililo ca kuBetelo akumisena yoonse yakulambililaako ya patulundu mumandabala a muSamaliya, ayo Mwaami Lesa ngwaakamutuma, alaakucitika cancinencine.”

2 Baami 23:16

Lyalo Josiya wakalangalanga wabona shuumbwe apo mukalundu. Wakatuma bantu ayi bakushe shifuwa akushitenta pacipaililo kwaamba ayi bacibiishe kweelana amaswi akaamba Mwaami Lesa kwiinda mumulaluki uyo wakalaluka shintu ishi.

2 Baami 23:20

Wakacaya bapailishi ba kumisena yakulambililaako iyo pashipaililo apo mpobakalinga kusebensela. Wakatenta mafuwa a bantu pacipaililo cili coonse. Kuswawaawo wakaboolela kuJelusalemu.

2 Baami 23:8

Wakaleta bapailishi boonse kuJelusalemu kuswa mumandabala a bene Juda. Wakanyonyoola misena yakulambililaako ya patulundu uko bapailishi abo nkobakalinga kubengela milambu kuswa kuGeba tibili akuBiyasheba. Wakapwaya twaanda twa mishimu twakalinga kuminjililo kubikaawo amwinjililo wakayaka Joshuwa, mweendeleshi wa ndabala, iyo yakalinga kucipiko ca mwinjililo unene pakwinjila mundabala.

2 Makani 23:17

Lyalo boonse bakaya kuŋanda yakwe Baali kuya mukwiimwayoola. Bakapwayoola shipaililo alimwi ashibumbwabumbwa akucaya Matani mupailishi wakwe Baali kunembo lya shipaililo isho.

2 Makani 31:1

Kusekelela ndikwakamana, bene Isilaeli boonse bakalingaako bakaya kumandabala oonse ene Juda mukumwayulula macinko asalalite akutimboola shikoshanyo shakwe Ashela lesa mwanakashi. Bakanyonyoola misena yoonse yakulambililaako ya patulundu ashipaililo sha mucishi ca Juda coonse, ca Benjameni, ca Efuleemu alimwi aca Manase. Lyalo boonse bakaboolela mwabo mwabo.

Kulumbaisha 106:40

Aboobo Mwaami Lesa wakakalalila bantu bakwe. Ee, bantu mbwaakasala bakamufundoosha kumoyo.

Kulumbaisha 89:38

Ono mwaami Defedi mwamukaka akumufutatila. Ee, usalitwe wanu uyo ngomwakananika mwafutatikila moyo.

Isaya 27:9

Ono shibiibi sha bene Isilaeli shilaakulekelelwabo na bakapwayoole mabwe a shipaililo sha bakunsengwe kushikila akabebo anga mbusu. Ee, cakutashiya shipaililo shakutentelaawo tununkila kabotu nabi cikoshanyo cakwe Ashela lesa mwanakashi.

Jelemiya 14:19

NoBaami baLesa, sa cishi ca Juda mwacikakilabo limwi? Sa bene Siyoni mulibapatite? Ceebonshi mwatucisa cakwaamba ayi tatukoonshi kushilikwa? Twakalinga kulangila luumuno, sombi taaku cibotu ncetwakabonawo. Twakalinga kulangila kushilikwa, sombi kwakesa kuloondesha.

Jelemiya 16:18

Ndaakubalengesha kupekwa milandu yobilo ceebo ca shibiibi abubi bwabo. Balengesha cishi cangu kutanoosalalite ashibumbwabumbwa shabo shitayooyi anga njimituntu. Ncakwiila bacisusha balesa bakubeca.”

Esekelo 16:39

Ndaakukwaaba mumaansaabo, lyalo balaakumwayulula misena njoocitila bufuule anjoolambililaako shibumbwabumbwa. Balaakukunyaya shakufwala ashakulibotesha akukushiyabo matakosha.

Esekelo 43:7

Mpeeke wakandwiita ayi, “Webo omuntu, uyu ngomusena wa cuuna cangu ca bwaami. Ndaakunookala kokuno pakati ka bene Isilaeli akubalela kwa lyoonse alyoonse. Taaku bene Isilaeli nabi bamaami babo beshi bakasebaanye tubili liina lyangu lisalalite mukulambila balesa bamwi nabi kubika mituntu ya bamaami babo kumusena uno.

Esekelo 6:13

Lyalo balaakwishiba ayi ndi Mwaami Lesa, bene mishaabo baakukungubala pakati ka shibumbwabumbwa shabo, kushinguluka shipaililo shabo patulundu tulaamfu toonse, peculu lya tulundu tumwi toonse, munshaashisamu shoonse shicite shimfule shibotu alimwi amushisamu sha mibanga shoonse shicite matewu. Nkokwaamba ayi kumisena yoonse uko nkobakalinga kutentela tununkila kabotu kushibumbwabumbwa shabo shoonse.

Osiya 10:2

Bantu aba bacite myoyo yabubeshi bulya balyeelete kupekwa mulandu kweelana akubisha kwabo. Mwaami Lesa utoomwayoola shipaililo shabo akunyonyoola mabwe asalalite ayo ngobalambila.

Bene Lefi 20:23

Mutakakonkeli kwishibila kwa bantu bekala kooko. Bakunsengwe abo ntoobatandaanyaamo kwaamba ayi mwebo mukenjile mucishi ico. Banensha nsoni ceebo ca micito yabo ya bubi.

Bene Lefi 26:11

Nebo ndaakunokala pakati kanu muTente yangu ya Cipangano alimwi teshi nkamufutatileewo.

Bene Lefi 26:15

Na mukakake kukonkela milawo yangu amilasho yangu alimwi akupwaya cipangano cili pali ndimwe anebo,

Amosi 6:8

Mwaami Lesa Shinkusu shoonse washomesha cakulumbila ayi, “Ndipatite kulisumpula kwa bene Isilaeli, Maandaabo abo abotu anene ndyaacimitwe. Ncakwiila ndaakwaaba ndabala yabo inene pantu pomwi ashintu shoonse shiliimo mumaansa a balwani babo.”

Amosi 7:9

Misena bamulunyungu lwakwe Isaki njebakalinga kulambililaako ilaakunyonyoolwa. Misena isalalite ya bene Isilaeli, ilaakuba matongo. Ndaakulengesha bulelo bwa mwaami Jeloboamu kumana kunkondo.”

Dutolonomi 32:19

“Mwaami Lesa ndyaakabona boobo, wakabakaka, ceebo bana bakwe basankwa abanakashi bakamukalasha.