Bene Lefi 26:25 - Baibo Busansulushi Bwa Libuku Ili

²⁵ Mpeeke ndaakuleta nkondo pali ndimwe akumupensha ceebo ca kupwaya cipangano cesu. Na mukabungane mumandabalaanu anene mukuyuba, lyalo ndaakumutumina malwashi atashilikwi. Aboobo mulaakukakatishikwa kulyaaba mumaansa a balwani banu.

Bene Lefi 26:25 ပူးပေါင်းရင်းမြစ်များ

2 Samwelo 24:15

Aboobo Mwaami Lesa wakatuma mwaalu pakati ka bene Isilaeli kuswa macuunsa ayo kushika ciindi cakalinga kweelete. Lyalo basankwa bali 70,000 bakafwa kuswa kuDani kuya mukushika akuBiyasheba.

1 Baami 8:33

“Na bantu banu bene Isilaeli bakomwa kubalwani mukwiinga bamubishisha, ono besa kuli ndimwe mukumulambila muŊanda yanu akupaila cakulibombya ayi mubalekelele,

1 Baami 8:37

“Na muli nsala mucishi, mwaalu, nabi shishango shayuma kumuuwo ulungula na kulikwa kucisoshi, na bantu banu balwanikwa kubalwani babo, nabi na kwaba malwashi apusenepusene pakati kabo,

2 Baami 17:3

Ono Shalimanesa mwaami wa bene Asilya wakesa mukulwana Osheya. Mpeeke Osheya wakalyaaba mumaansaakwe akutalika kumupa misonko pamwaaka amwaaka.

2 Makani 24:24

Nabi bene Silya bakalinga baniini mumweelo, Mwaami Lesa wakabalengesha kukoma bashilumamba baanji bene Juda mukwiinga balo bakafutatila Mwaami Lesa, Lesa wa bamashali babo bakulukulu. Munshila iyi Joashi wakapekwa mulandu.

Kulumbaisha 94:1

NoBaami baLesa, ndimwe mupa milandu, amubooshe cishole kubamucita shibi.

Kulonga 5:3

Mpeeke Mose aAloni bakakumbula ayi, “Lesa wa bene Ebulu waliyubulula kuli ndiswe. Anu amutusuminishe ayi tweende nshiku shotatwe muluyanga ayi tukabenge milambu kuMwaami Lesa, Lesa wesu uyo. Na tubule kucita boobo, utootucaya kumalwashi nabi munkondo.”

Isaya 1:20

Sombi na kamukaka akungalookila, inkondo ilaakumulobya. Nebo neMwaami Lesa ndaamba.”

Isaya 65:12

malwesa anu nkufwa lufu lubiibi. Ncakwiila mulaakumana kufwa kunkondo mukwiinga ndindakeeta tamukwe kukumbula, alimwi ndakaamba, sombi tamukwe kunkutika. Mwakacita bubi mumeenso angu mukusala kucita shitasangalashi ndime.”

Jelemiya 19:7

Mumusena uno ndaakunyonyoola miyeeyo ya bene Juda aya bene Jelusalemu. Ndaakulengesha balwani babo kubakoma akubacaya munkondo. Mituntu yabo ilaakuba shakulya sha bayuni abanyama bamuluundu.

Jelemiya 24:10

Ndaakubatumina nkondo, nsala amwaalu kushikila bakanyonyooke mucishi ico ncendakapa mbabo abamashali babo bakulukulu.”

Jelemiya 50:28

“Amunyumfwe kubaabo bakacica nkondo kuBabiloni mbobatokwaambilisha kuSiyoni ayi nebo neMwaami Lesa, Lesa wabo ndaboosha cishole ee, kuboosha cishole ceebo ca Ŋanda yangu.

Jelemiya 51:11

Mwaami Lesa waamba ayi, “Amunone masumo, mubese amayawo! Nebo neMwaami Lesa ndasonkomona bamaami bene Mediya mukwiinga ndiimfwibo pakunyonyoola Babiloni. Ndaakuboosha cishole ceebo ca Ŋanda yangu.

Jelemiya 9:16

Ndaakubapalanganishisha pakati ka mishobo iyo balo nabi bamashali babo bakulukulu njebatakwe kwishibaawo. Ndaakubatandaanya amakoto a bashilumamba kushikila nkabanyonyoole cakumaninina.’ ”

Malilo 2:21

Banike abacembele boonse balikungubetebo mumikwakwa. Bacikula bwangu abamyooye bamana kucaikwa kumupeeni. Ndushinisho mwakabacaya mubushiku bwanu bwa bukali. Mwakabacaya cakutabafwitawo nkumbu.

Esekelo 14:17

“Nabi na ndaleta nkondo mucishi ico akwaamba ayi, ‘Mupeeni awiinde mucishi coonse,’ akucaya bantu ba mumo alimwi ashifubwa shabo

Esekelo 20:37

“ ‘Ndaakumubelenga ankooli ya mweembeshi akumulengesha ayi mulame cipangano cangu.

Esekelo 29:8

“Paceebo ceeco nebo neMwaami Lesa Shinkusu shoonse ndaamba ayi, ‘Ndaakuleta mupeeni kwisa mukucaya bantu bako ashifubwa shako.

Esekelo 33:2

“Webo omuntu, lwiita bene mishaanu ayi, ‘Na ndaleta nkondo mucishi, bantu ba mucishi ico balasala womwi pakati kabo kuba shikulindilila.

Esekelo 5:17

Ndaakutuma nsala abanyama bamuluundu pali ndimwe mukucaya bana banu. Ndaakutuma mwaalu, kutila bulowa ankoondo mukumucaya. Nebo neMwaami Lesa ndaamba.’ ”

Esekelo 6:3

Ulwiite tulundu twa Isilaeli ayi tukutike maswi angu neMwaami Lesa. Tukutike maswi ayo nebo neMwaami Lesa Shinkusu shoonse ngoontokwaamba kuli ntuto, nkokwaamba ayi tunene atuniini, kumimpwaampwa ya ntuto alimwi akushinyika. Nebo ntokwaamba ayi, ‘Ndaakutuma nkondo akunyonyoola misena iyo bantu njebalambilaako shibumbwabumbwa.

Osiya 11:6

Nkondo ilaakupola mumandabala abo akunyonyoola mpingilo sha minjililo ya ngawo. Ilaakunyonyoola bantu bangu ceebo balacita sheesho nshebasuni beene.

Bene Lefi 26:6

“Ndaakumupa luumuno mucishi canu alimwi mulaakunokoona cakutaloonda muntu nabi womwi. Banyama boonse bakali ndaakubatandaamo, anu teshi mukabewo nkondo alimwi.

Amosi 4:10

“Ndakatuma myaalu pakati kanu bweenka mbondakatumina bene Ijipiti. Ndakacaya bacikula bwangu banu basankwa kunkondo pantu pomwi amaaki ayo ngomwakasaala. Ndakalengesha keema kabiibi ka mituntu mumisumba yanu. Sombi mwebo tamukwe kusandukilawo kuli ndime. Nebo neMwaami Lesa ndaamba.

Abakuku 3:5

Kunembo lyakwe kwakalinga mwaalu, pesule lyakwe pakalinga bulwashi buyoosha.

Shakubelenga 14:12

Ono ndaakubatumina mwaalu ubanyonyoole, sombi webo ndaakulengesha ayi ukabe mushali wa mushobo unene ucite nkusu kwiinda wa baaba!”

Shakubelenga 16:49

Anu bantu bakafwa kumwaalu uyu bakalinga 14,700 kukushako baabo bakafwa ceebo cakwe Kola.

Shakubelenga 31:3

Aboobo Mose wakaambila bene Isilaeli ayi, “Amulibambile shakuya kunkondo kwaamba ayi mukalwaane abene Midyani akubapa mulandu paceeco ncebakacita kuMwaami Lesa.

Luka 21:11

Kulaakuba shitentanshi shiyoosha, nsala, malwashi mumisena ipusenepusene. Kulaakucitika shintu shiloondesha ashitondesho shikankamika kuswa kwiculu.

Dutolonomi 28:21

Ulaakukonkanya kumutumina malwashi kushikila kukabule muntu nabi womwi eshi akacaale mucishi ico ncemuli pafwaafwi kubwesa akwikalaamo.

Dutolonomi 32:25

Pansengwe palaakuba kufwa kunkondo, mumaandaabo balaakunookala caboowa. Bacikula bwangu basankwa abanakashi balaakufwa, abalo bacembele abakateta, boonse mbomunya ubo.

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

Dutolonomi 32:41

ndaakunona mupeeni wangu ubekabeka, akubona kwaamba ayi bululami bwacitika. Ndaakuboosha cishole pabalwani bangu, akupa mulandu kubaabo bampatite.

Boomboloshi 15:11

Mpeeke bene Juda abo bali 3,000 bakaya kucimfwengo ca kuEtamu akwaambila Samusoni ayi, “Sa tooshi kwaamba ayi bene Filisiti mbobatulela? Ono bona nshewatuletela?” Sombi lakwe wakabakumbula ayi, “Nebo ndakabacita nshebakacita kuli ndime.”