Bene Lefi 26:22 - Baibo Busansulushi Bwa Libuku Ili

²² Lyalo ndaakutuma banyama bakali pakati kanu abo beshi bakacaye bana banu, kunyonyoola shifubwa shanu, akushiyawobo baniini pakati kanu cakwaamba ayi munshila shanu shoonse mulaakunoobula abeshikwiindaamo.

Bene Lefi 26:22 ပူးပေါင်းရင်းမြစ်များ

2 Baami 17:25

Ndibakatalika kwikala uko, tebakalinga kulambila Mwaami Lesa. Lyalo Mwaami Lesa wakatuma nkalamu isho shakacayawo bamwi pakati kabo.

2 Baami 2:24

Elisha wakapiluluka wabalangilisha akubashingana muliina lya Mwaami Lesa. Mpeeke kwakesa bashiluwe banene bobilo bakaswa muluundu akuluma bacikula bwangu bali 42 pakati kabo.

2 Makani 15:5

Ciindi ico tekwakalinga muntu wakalinga kweenda muluumuno mukwiinga kwakalinga mapensho ashimfulunganya mushishi shoonse.

Isaya 24:6

Mwaami Lesa washingana cishi ca panshi. Bantu bekala mumo bapekwa mulandu paceeco ncebakacita. Aboobo bantu bamana kuloba cakwaamba ayi kwacaalabo baniini.

Isaya 33:8

Mikwakwa inene yacaalabo bwaashi. Ncakwiila taamu beshikweenda baliimo. Cipangano capwaikwa, bakamboni ba ncico banyanshikwa. Taaku nabi womwi ulemekwa.

Jelemiya 15:3

“Nebo neMwaami Lesa ndaakubatumina shintu shiyoosha shone. Ndaakubatumina nkondo ayi bacaikwe, bakabwa ayi babakweelaanye, bayuni ayi batalike kubalya alimwi abanyama bamuluundu ayi balye sheshi shikacaaleeko.

Jelemiya 42:2

Bakaŋambila ayi, “Twapapaata amunyumfwe kusenga kwesu. Amutupailileeko kuMwaami Lesa, Lesa wanu swebo soonse sotwakacaalaawo. Twakalinga baanji, sombi na mwalangilisha bulya, twacaalabo baniini.

Malilo 1:4

Mikwakwa iya kuSiyoni itoolila buumba, ceebo taaku nabi womwi uya kuŊanda yakwe Lesa mukusekelela panshiku shisalalite. Muminjililo yakwe yoonse taamu abantu baliimo. Bapailishi ba mumo batootongela, banakashi bakalinga kwiimbilaamo bapenga amyoyo. Paceebo ceeco ili mubuumba bunene abuumbi.

Esekelo 14:15

“Nabi na ndatuma banyama bamuluundu mucishi ico mukucaya bantu boonse akucilengesha kubula wikalaamo alimwi awiindaamo ceebo ca banyama,

Esekelo 14:21

Mwaami Lesa Shinkusu shoonse waamba ayi, “Ino cilaakuba buyani ndaakutuma mapensho one eendaawo kubica pandabala ya Jelusalemu, nkokwaamba ayi ndaakutuma nkondo, nsala, banyama bamuluundu amwaalu kucaya bantu ba mumo alimwi ashifubwa shabo?

Esekelo 33:28

Ndaakusandula cishi kuba luyanga ankusu nshebalinga kulisumpwitaawo shilaakubamana. Atwalo tulundu twa muIsilaeli tulaakucaalabo tuu cakwaamba ayi taaku muntu eshi akanokwiindaamo.

Esekelo 5:17

Ndaakutuma nsala abanyama bamuluundu pali ndimwe mukucaya bana banu. Ndaakutuma mwaalu, kutila bulowa ankoondo mukumucaya. Nebo neMwaami Lesa ndaamba.’ ”

Bene Lefi 26:6

“Ndaakumupa luumuno mucishi canu alimwi mulaakunokoona cakutaloonda muntu nabi womwi. Banyama boonse bakali ndaakubatandaamo, anu teshi mukabewo nkondo alimwi.

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.

Sekaliya 7:14

Lyalo bucita cipuupu ndakaboolulushila mushishi sha baswamashi. Munshila iyo cishi cino cibotu cakashiikwabo akuba matongo kwakubula awiindaamo.”

Dutolonomi 32:24

Ndaakutuma nsala ashimpwita, balaakufwa kumalwashi ayoosha. Ndaakutuma banyama bamuluundu ayi babacaaye, alimwi ansooka shikali ayi shikabaluume.

Boomboloshi 5:6

“Munshiku shakwe Shamuga mwanaakwe Anati, ncakwiila munshiku shakwe Jaelo, mumikwakwa mwakoomunabo tontolo, Beshikweenda bakalinga kwiinda tushila mbali.