Bene Lefi 26:21 - Baibo Busansulushi Bwa Libuku Ili

²¹ “Ono na mukatolelele kunkaka akutanyumfwila, alimwi ndaakwiindilishawo mankanda osanwe aobilo kumupensha.

Bene Lefi 26:21 ပူးပေါင်းရင်းမြစ်များ

Kulumbaisha 79:12

Amuboosheshe mishobo imwi shishole mankanda osanwe aobilo, ceebo ca matushi ngobakalinga kumutukana noBaami baLesa.

Kulonga 9:14

Ono na ukake, ntootuma myaalu yangu yoonse iindaawo pali ndiwe, bacinenenene bako alimwi abantu bamucishi cako. Ntoocita boobo kwaamba ayi wishibe ayi taaku aumwi uli mbuli ndime mucishi ca panshi coonse.

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Esekelo 21:14

“Aboobo webo omuntu, laluka. Kamba mapakaako kubuumba. Mupeeni uyase mankanda obilo, nabibo otatwe. Ngumupeeni wakucaishaako alimwi ulaakubashinkila kumbasu shoonse.

Bene Lefi 26:18

“Na pakumupolela shoonse ishi mukanoocikakitebo kunyumfwila, ndaakwiindilishawo mankanda osanwe aobilo kumupensha.

Bene Lefi 26:23

“Ono na pakumucitikila mapensho oonse aya mukabule kunyumfwila, sombi mukatolelele kukaka nshemulwiita,

Bene Lefi 26:24

lyalo ndaakumwaalukila akumupensha mankanda osanwe aobilo kwiinda kataanshi.

Bene Lefi 26:27

“Ono kwisule lya shintu shoonse ishi, na mukanoocikakitebo nshemulwiita akutanyumfwila,

Ciyubululo 15:1

Lyalo ndindakalanga mwiculu, ndakabona acimwi cintu cinene abuumbi alimwi cikankamika. Pakalinga baanjelo bosanwe abobilo alimwi amyaalu yosanwe ayobilo. Myaalu iyi njeyamamanino mukwiinga bukali bwakwe Lesa mpweshi bukamanine.