Bene Lefi 26:18 - Baibo Busansulushi Bwa Libuku Ili

¹⁸ “Na pakumupolela shoonse ishi mukanoocikakitebo kunyumfwila, ndaakwiindilishawo mankanda osanwe aobilo kumupensha.

Bene Lefi 26:18 ပူးပေါင်းရင်းမြစ်များ

Kulumbaisha 119:164

Ndamulumbaisha mankanda osanwe aobilo pabushiku abushiku ceebo cakoombolosha kwanu kululeme.

Kulonga 9:14

Ono na ukake, ntootuma myaalu yangu yoonse iindaawo pali ndiwe, bacinenenene bako alimwi abantu bamucishi cako. Ntoocita boobo kwaamba ayi wishibe ayi taaku aumwi uli mbuli ndime mucishi ca panshi coonse.

Tushimpi 24:16

Muntu ululeme nabi awe mankanda osanwe aobilo, ulabuka alimwi. Sombi balo bamucita shibi balawita limwi ceebo ca mapensho.

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 14:4

Bulongo bwamana kupasooka myaansha ceebo cakubula mfula mucishi. Balimi baciswa mumyoyo akulitintilila kumitwi.

Danyelo 3:19

Mpomunyaawo Nebukadinesa wakakalala abuumbi pali Shadileki, Mishaki aAbedinego. Ncakwiila ciwa cakwe cakasanduka ceebo ca bukali. Lyalo wakalwiita basebenshi bakwe ayi babike mulilo mumunyumbi akulengeshaamo kulungula kwiinda mbomuba lyoonse mankanda ali osanwe aobilo.

Bene Lefi 26:21

“Ono na mukatolelele kunkaka akutanyumfwila, alimwi ndaakwiindilishawo mankanda osanwe aobilo kumupensha.

Bene Lefi 26:24

lyalo ndaakumwaalukila akumupensha mankanda osanwe aobilo kwiinda kataanshi.

Bene Lefi 26:28

ndaakumwaalukila akwiindilishaawo alimwi pamapensho anu mankanda osanwe aobilo.

1 Samwelo 2:5

Bantu bakalinga kukuta, bulya balacana shakulya mukusebensela bamwi. Sombi bakalinga beshinsala, bulya nsala yamana. Mwanakashi watakalinga kuciteewo baana, bulya waba abaana bali bosanwe abobilo. Sombi uyo wakalinga kucite baanji, bulya wacaalabo.