Bene Lefi 26:12 - Baibo Busansulushi Bwa Libuku Ili

¹² Anu ndaakunooli amwebo akuba Lesa wanu, amwebo mulaakuba bantu bangu.

Bene Lefi 26:12 ပူးပေါင်းရင်းမြစ်များ

Matalikilo 17:7

“Ndaakucita mbondashomesha kuli ndiwe akubamulunyungu lwako mumyaaka iinji itoosa kweelana ambocili ncipangano camuyayaya. Ndaakuba Lesa wako awa bamulunyungu lwako.

Matalikilo 17:8

Ndaakukupa cishi ici umo bulya mooli mweensu. Cishi ici ca Kenani coonse cilaakuba ca bamulunyungu lwako kwamuyayaya alimwi ndaakuba Lesa wabo.”

Matalikilo 3:8

Bushiku bweenka ubo, macolesha, bakanyumfwa Mwaami Lesa kaaendeenda mumuunda, mpeeke bakamuyuba pakati ka shisamu.

Matalikilo 5:22

Kuswawaawo wakekala myaaka ili 300 kaaenda mubushicibusa aLesa, alimwi wakashala baana abamwi.

Matalikilo 5:24

Enoki wakeenda mubushicibusa aLesa buumi bwakwe boonse. Mpeeke wakashiminganabo ceebo Lesa wakamutola.

Matalikilo 6:9

Ici ncikani cakwe Nowa. Nowa wakalinga muntu ululeme pabantu bamuciindi cakwe, alimwi wakalinga kweenda mubushicibusa aLesa.

2 Samwelo 7:7

Mukweenda kwangu koonse abantu bene Isilaeli nshina kwiipushawo kale mutanjilili wangu uli woonse, uyo ngondakalisalila ayi alame bantu bangu ncaatakwe kunjakila ŋanda ya shisamu sha sida.’

Kulumbaisha 50:7

“Amukutike nobantu bangu ŋambe. Nobene Isilaeli, ntoomushinina. Nebo ndime Lesa, Lesa wanu.

Kulonga 29:45

Lyalo ndaakwikala pakati ka bene Isilaeli akuba Lesa wabo.

Kulonga 29:46

Abalo balaakwishiba ayi ndime Mwaami Lesa wabo uyo wakabakusha mucishi ca Ijipiti kwaamba ayi nkekale pakati kabo. Nebo ndime Mwaami Lesa, Lesa wabo.

Kulonga 3:6

Nebo ndime Lesa wa bamashali bako bakulukulu. Ndime Lesa wakwe Abulaamu, Isaki alimwi aJakobo.” Mpeeke Mose wakalifweka pameenso ceebo wakaloonda kulangilisha Lesa.

Kulonga 6:7

Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Jelemiya 11:4

Nkokwaamba ayi cipangano ico ncendakapanga abamashali banu bakulukulu ndindakabakusha muIjipiti. Cishi ico cakalinga anga mumunyumbi mutoonyaka mulilo kuli mbabo.’ Ndakabaambila ayi, ‘Amunyumfwile akucita shoonse nshendamwaambila, ingaawo mukabe bantu bangu anebo ndyeshi nkabe Lesa wanu.

Jelemiya 30:22

Paceebo ceeco mulaakuba bantu bangu anebo ndaakuba Lesa wanu. Nebo neMwaami Lesa ndaamba.”

Jelemiya 31:33

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.

Jelemiya 32:38

Lyalo balaakuba bantu bangu, anebo ndaakuba Lesa wabo.

Jelemiya 7:23

Sombi ndakabapa amulawo wakwaamba ayi kabanyumfwila ingaawo nkabe Lesa wabo abalo bakabe bantu bangu. Beende munshila shangu isho nshendakaambila kwaamba ayi shintu shinoobeendela kabotu.

Esekelo 11:20

Lyalo balaakukonkela milasho yangu alimwi akunyumfwila milawo yangu cakushomeka. Balaakuba bantu bangu, anebo ndaakuba Lesa wabo.

Esekelo 36:38

shakubenga milambu muJelusalemu pabushiku bwa Kusekelela. Aboobo mandabala ayo oonse akalinga aba matongo alaakusula bantu anga nimbelele isho. Lyalo ndyeshi bakeshibe ayi nebo ndi Mwaami Lesa.”

Jowelo 2:27

Nobene Isilaeli mulaakwishiba ayi ndyaanu alimwi ayi nebo neMwaami Lesa ndimebo Lesa wanu, ncakwiila taaku aumwi. Mwebo nobantu bangu teshi mukasebaanishikweewo tubili.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Shakubelenga 5:3

Bantu abo boonse, basankwa abanakashi, ubatandeemo kwaamba ayi batabishi misumba yanu umo moonkala pakati ka bantu bangu.”

Mateyo 22:32

‘Nebo ndime Lesa wakwe Abulaamu, Lesa wakwe Isaki alimwi aLesa wakwe Jakobo.’ Nkokwaamba ayi teshi Lesa wa bafu, sombi nguLesa wa boomi.”

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Dutolonomi 23:14

Misumba iyo ilyeelete kunoosalalite ceebo Mwaami Lesa, Lesa wanu uli amwebo pamusena apo mukumulama akulengesha ayi mukome balwani banu. Kuteelesha kucita cintu nabi comwi citaluleme ico ceenga calengesha ayi Mwaami Lesa, Lesa wanu amufutatile.

Dutolonomi 23:15

“Ono na musha umwi waloboka mwaami wakwe, ono wesa mukuyuba kuli ndimwe, mutamubooshi kumwaami wakwe.

Bene Ebulu 11:16

Sombi cishi ncebakalinga kulangila cakalinga kwiindaawo kubota, cishi ca kwiculu. Aboobo, Lesa taanyumfwi nsoni pakumwiita ayi Lesa wabo ceebo ngowakabayakila andabala inene.

Ciyubululo 2:1

“Mutanjilili wa kucoonde ca kuEfeso, umulembele ayi, “Aya ngamakani aamba wooyo ucite nyenyeenshi shili shosanwe ashobilo mulyaansa lyalulyo alimwi weenda pakati ka shakubikaawo malampi sha Golodi shili shosanwe ashobilo.

Ciyubululo 21:7

Uyo woonse eshi akakome, ulaakutambula cipo ici kuswa kuli ndime. Ndaakuba Lesa wakwe, alakwe ulaakuba mwanaangu.