Bene Lefi 26:11 - Baibo Busansulushi Bwa Libuku Ili

¹¹ Nebo ndaakunokala pakati kanu muTente yangu ya Cipangano alimwi teshi nkamufutatileewo.

Bene Lefi 26:11 ပူးပေါင်းရင်းမြစ်များ

2 Samwelo 7:7

Mukweenda kwangu koonse abantu bene Isilaeli nshina kwiipushawo kale mutanjilili wangu uli woonse, uyo ngondakalisalila ayi alame bantu bangu ncaatakwe kunjakila ŋanda ya shisamu sha sida.’

1 Baami 6:13

Ndanookala pakati ka bantu bangu beene Isilaeli muŊanda yangu iyi njewanjakila, alimwi teshi nkabasuuleewo.”

1 Baami 8:13

Ono ndayaka Ŋanda yanu ibotu abuumbi, musena uyo ngomweelete kwikalaamo kwamuyayaya.”

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

Kulumbaisha 106:40

Aboobo Mwaami Lesa wakakalalila bantu bakwe. Ee, bantu mbwaakasala bakamufundoosha kumoyo.

Kulumbaisha 76:2

Ŋanda yakwe ili muJelusalemu, ncakwiila ulekala paKalundu ka Siyoni.

Kulumbaisha 78:59

Ono Lesa ndyaakabona shintu ishi shoonse wakakalala abuumbi. Lyalo wakakaka mushobo wa bene Isilaeli cakumaninina.

Kulonga 25:8

Bantu balyeelete kunjakila Tente isalalite kwaamba ayi nkekaale pakati lyabo.

Kulonga 29:45

Lyalo ndaakwikala pakati ka bene Isilaeli akuba Lesa wabo.

Kulonga 29:46

Abalo balaakwishiba ayi ndime Mwaami Lesa wabo uyo wakabakusha mucishi ca Ijipiti kwaamba ayi nkekale pakati kabo. Nebo ndime Mwaami Lesa, Lesa wabo.

Jelemiya 14:21

Ceebo ca liina lyanu mutatusuuli, mutalengeshi nsoni cuuna canu ca bulemu. Amwiibaluke cipangano ncemwakapanga andiswe, mutacileeki kucita kweelana a ncico.

Malilo 2:7

Mwaami Lesa wakakaka cipaililo cakwe akushiya musena wakwe usalalite. Waaba lubumbu lwa maanda a bwaami kubalwani, abalo bakacita ciyobeyobe cakukoma muŊanda ya Mwaami Lesa anga mpabushiku bwakusekelela busalitwe.

Jowelo 2:27

Nobene Isilaeli mulaakwishiba ayi ndyaanu alimwi ayi nebo neMwaami Lesa ndimebo Lesa wanu, ncakwiila taaku aumwi. Mwebo nobantu bangu teshi mukasebaanishikweewo tubili.

Bene Lefi 20:23

Mutakakonkeli kwishibila kwa bantu bekala kooko. Bakunsengwe abo ntoobatandaanyaamo kwaamba ayi mwebo mukenjile mucishi ico. Banensha nsoni ceebo ca micito yabo ya bubi.

Bene Lefi 26:15

Na mukakake kukonkela milawo yangu amilasho yangu alimwi akupwaya cipangano cili pali ndimwe anebo,

Bene Lefi 26:43

Sombi cakutaanguna, nkukusha bantu bali mucishi ico kwaamba ayi cookeshe cakumaninina, alimwi ayi balipile mulandu wabo woonse wakukaka milawo alimwi amilasho yangu.

Bene Lefi 26:44

Nacibi boobo, pakunoocili mucishi ca balwani babo, teshi nkabalubileko limwi nabi kubanyonyoola. Ico inga camanisha cipangano cangu ambabo. Nebo ndime Mwaami Lesa, Lesa wabo.

Sekaliya 11:8

Mumweenshi omwi ndakatandaanya beembeshi botatwe ceebo ndakabacimwa abalo bakampata.

Bene Efeso 2:22

Muli nguwe amwebo mutooyakilwa pantu pomwi abashomi bamwi boonse ayi mube mwakwikala Lesa kwiinda muMushimu.

Dutolonomi 32:19

“Mwaami Lesa ndyaakabona boobo, wakabakaka, ceebo bana bakwe basankwa abanakashi bakamukalasha.

Joshuwa 22:19

Na cishi ncemwakapekwa tacisalalite kwaamba ayi inga tamukoonshi kulambililaamo, amuye mucishi ca Mwaami Lesa umo muli Tente ya Cipangano, tulaakwaabana misena. Ncibiibi kwaashukila Mwaami Lesa, pantu pomwi aswebo kwiinda mukuliyakila cipaililo nobeene citeshi ca Mwaami Lesa, Lesa wesu.

Joshuwa 22:31

Mpeeke Fineyasi mwanaakwe Eliyasa mupailishi wakabaambila ayi, “Sunu tweshiiba ayi Mwaami Lesa uli aswebo mukwiinga tamukwe kucita ceeci mukufutatila Mwaami Lesa. Anu bulya bene Isilaeli mwabafuna kuswa kubukali bwa Mwaami Lesa.”

Ciyubululo 21:3

Mpeeke ndakanyumfwa liswi lyakoolobeshekwa kuswa kucuuna ca bwaami ayi, “Ono musena wakwe Lesa waba pakati ka bantu! Ulaakunookalaabo, abalo balaakuba bantu bakwe. Lesa mwiine ulaakunooli ambabo alimwi ulaakuba Lesa wabo.

Ciyubululo 7:15

Nceceeco ncebeemikanina kunembo lya cuuna ca bwaami cakwe Lesa alimwi balamusebensela malumwi amashiku muŋanda yakwe. Uyo ushiite pacuuna ca bwaami ulaakwikala ambabo alimwi akubalama.