Bene Lefi 25:2 - Baibo Busansulushi Bwa Libuku Ili

² “Lwiita bene Isilaeli milasho iyi. Na mukenjile mucishi ncentoomupa nebo neMwaami Lesa, mulyeelete kumpa bulemu kwiinda mukutanoolima myuunda yanu mumwaaka woonse wasanu ayobilo.

Bene Lefi 25:2 ပူးပေါင်းရင်းမြစ်များ

2 Makani 36:21

Lyalo ico ncaakaamba Mwaami Lesa kwiinda mumulaluki Jelemiya cakacitika cancinencine. Jelemiya wakaamba ayi, “Cishi cilaakucaala mumatongo kwamyaaka makumi osanwe aobilo kwaamba ayi myaaka yasanu ayobilo yakookesha iyo njebatakwe kookesha ikwanine.”

Kulumbaisha 115:16

Kwiculu kwiine nkwa Mwaami Lesa, sombi cishi ca panshi wakacipa kubantu

Kulonga 23:10

“Kwamyaaka ili yosanwe awomwi, kamushanga mumyuunda yanu alimwi akutebula sheesho shiswaamo.

Isaya 8:8

Balaakupyanga cishi ca Juda anga ngamaanshi aanji asefuka cakushika munshingo akufwekelesha shintu shoonse.” Imanuweli! Nkokwaamba ayi Lesa uli aswebo! Mapapaminwa akwe afungulukite alaakutabilila cishi coonse.

Jelemiya 27:5

“Ndakalenga cishi ca panshi, bantu abanyama bekalaamo kwiinda munkusu shangu shinene abuumbi alimwi alyaansa lyangu lifungulukite. Cishi ici ndakonsha kucipa kumuntu uli woonse ngondasala.

Bene Lefi 14:34

“Mwaakunjila mucishi ca Kenani ico ncendakamupa ayi ncanu, alimwi ndaakubika kubunda kuya ciindaawo muŋanda yomwi mucishi ico,

Bene Lefi 23:32

Kuswa pabushiku bwasanu ashone macolesha mumweenshi uyu, kushikila apabushiku bwalikumi macolesha, mulyeelete kubona ayi mbushiku bwakookesha bupuseneeko, ubo mbomuteelete kulya cintu nabi comwi.”

Bene Lefi 25:1

Mpeeke Mwaami Lesa wakaambila Mose paKalundu ka Sinayi ayi,

Bene Lefi 25:3

Mumyaaka yosanwe awomwi, mulaakunooshanga mumyuunda yanu, kutimbula misampi yamweela kushisamu sha minyansa alimwi akutebula shishango shanu.

Dutolonomi 32:49

“Koya mutulundu twa Abalimu, mucishi ca Moabu ico cilangene andabala ya Jeliko. Utante paKalundu ka Nebo, akubona cishi ca Kenani, ico ncentoopa bene Isilaeli.

Dutolonomi 32:8

Lesa wakwiculu Wiindaawo ndyaakapa mishobo shishi ayi nshinebo, ndyaakapansaanya bantu boonse, wakabika manyinsa pakati kabo kweelana akufula kwa bana bakwe Isilaeli.

Dutolonomi 34:4

Kuswawaawo Mwaami Lesa wakaambila Mose ayi, “Cilya ncecishi ncendakashomesha Abulaamu, Isaki aJakobo ayi ndaakupa bamulunyungu lwabo. Ndakubonesha, sombi teshi ukalyateemo napaceyi.”