Bene Lefi 24:9 - Baibo Busansulushi Bwa Libuku Ili

⁹ Shimaande ishi nshakwe Aloni alimwi abamulunyungu lwakwe, alimwi balaakushilita mumusena usalalite mukwiinga ncipansha cisalalite abuumbi ca shakulya shipekwa kuli ndime neMwaami Lesa ayi nsha bapailishi.”

Bene Lefi 24:9 ပူးပေါင်းရင်းမြစ်များ

Kulonga 27:21

Aloni alimwi abana bakwe basankwa balyeelete kubika lilampi muTente ya Cipangano, pansengwe lwa cisani ico cili kunembo lya Libokoshi lya Cipangano. Nkokwaamba ayi lilampi ili lilyeelete kunyaka pameenso angu mpomunyaawo kuswa macolesha kushikila amacuunsa. Bene Isilaeli alimwi abamulunyungu lwabo balyeelete kunoolama mulawo uyu lyoonsebo.

Bene Lefi 10:12

Kuswawaawo Mose wakaambila Aloni abana bakwe basankwa bakacaalaawo beetwa ayi Elyasa alimwi aItama ayi, “Amubwese cipo ca fulaulo cakacaala kucipo ca shakulya, mupange cimaande alimwi akulita kulubasu lwa cipaililo ceebo cipo ici cilisalalite abuumbi.

Bene Lefi 10:17

“Tamukwe kulitaanshi mulambu wakulekelelwa shibiibi mumusena usalalite? Mulambu uyu ulisalalite abuumbi, alimwi Mwaami Lesa wamupa ayi shibiibi sha bene Isilaeli boonse shilekelelwe.

Bene Lefi 21:22

Musankwa wa mushobo wooyu inga walya cakulya ncendapekwa, nkokwaamba ayi inga walya mulambu usalalite wa cakulya alimwi amulambu usalalite abuumbi wa cakulya.

Bene Lefi 24:10

Ono kwakalinga musankwa umwi wakalinga mwaana wa musankwa mwine Ijipiti amwanakashi mwine Isilaeli wiitwa ayi Shelomiti, mwanaakwe Dibuli wamulunyungu lwakwe Dani. Bumwi bushiku musankwa uyo wakatalika kwaambana amwine Isilaeli umwi mumisumba yabo umo mwaakalinga kwikala. Ndibakalinga kwaambana, musankwa uyo wakacobola Mwaami Lesa mumashingo. Paceebo ceeci bakamutola kuli Mose.

Bene Lefi 3:17

Taaku mwine Isilaeli nabi womwi weelete kulya mafuta nabi bulowa. Uyu ngumulawo bene Isilaeli boonse ngobeelete kukonkela lyoonsebo, kuli koonse nkweenga kababete.”

Bene Lefi 6:11

Kuswawaawo ulaakufwala shakufwala shimwi akukusha milota iyo pansengwe lya misumba akwiitola kumusena usalalite kweelana amilawo.

Bene Lefi 6:16

Lyalo bapailishi balaakulya shoonse sheshi shikacaaleewo. Balaakupanga cimaande ico nceshi bakalite mumusena usalalite nkokwaamba ayi mulubansa lwa Tente ya Cipangano,

Bene Lefi 6:9

“Lwiita Aloni alimwi abana bakwe ayi iyi njimilawo ya milambu yakutenta. Mulambu wakutenta ulyeelete kucaala pacipaililo mashiku oonse, awalo mulilo ulyeelete kubucesha koonyaka.

Bene Lefi 8:3

Kuswawaawo wiite bene Isilaeli boonse babungane nkomunya uko.”

Bene Lefi 8:31

Mpeeke Mose wakaambila Aloni abana bakwe basankwa ayi, “Amutole nyama iyi kumulyango wa Tente ya Cipangano, mwiiteleke akwiilya nkomunya uko, pantu pomwi ashimaande shili mumutaanga wa milambu ya pakubika bantu pabupailishi, kweelana abwakaamba Mwaami Lesa.

Malaki 1:12

Ono mwebo mulanyansha ndyemwaamba ayi cipaililo tacicite ncito, alimwi apakubenga milambu iteelete.

Mateyo 12:4

Wakenjila muŊanda yakwe Lesa, lakwe ababye bakalya cimaande cakasalashikwa, nabi tecakalinga kusuminishitwe muMilawo. Cimaande ico cakalinga kulyabo bapailishi.

Maako 2:26

Nshiku isho Abyata ndyaakalinga mupailishi munene, Defedi wakenjila muŊanda yakwe Lesa akulya cimaande cisalalite. Wakalya cimaande ico cakalinga kulyabo bapailishi kweelana aMilawo akupaako babye.”

Luka 6:4

Wakenjila muŊanda yakwe Lesa akubwesa cimaande cisalalite. Wakalya cimaande ico cakalinga kulyabo bapailishi kweelana aMilawo akupaako babye.”

1 Samwelo 21:6

Aboobo mupailishi wakapa Defedi cimaande cakabikwa palubasu ayi ncakwe Lesa, mukwiinga temwakalingawo shinkwa umwi uli woonse. Kwakalingabo cimaande ico cakakushikwa kunembo lya Mwaami Lesa ayi kubikwe cicikasaala bushiku bweenka ubo cimwi mbocakakushikwaako.