Bene Lefi 23:5 - Baibo Busansulushi Bwa Libuku Ili

⁵ “Kusekelela kwa bushiku bwa Pasika bwakwiibaluka kusotokela, uko kucitika mukulemeka Mwaami Lesa, kulatalika macolesha pabushiku bwalikumi ashone mumweenshi wakutaanguna.

Bene Lefi 23:5 ပူးပေါင်းရင်းမြစ်များ

Kulonga 23:15

Mumweenshi wa Abibu, uyo ngomwakaswitamo muIjipiti, mulyeelete kusekelela kulya Cimaande akucita kweelana ambondakamwaambila. Munshiku shili shosanwe ashobilo shakusekelela uku, tamweelete kulya shinkwa nabi kwisa mukunambila maansabo.

Esekelo 45:21

“Lyalo pabushiku bwalikumi ashone mumweenshi wakutaanguna, mulaakutalika kusekelela bushiku bwa Pasika bwakwiibaluka kusotokela. Kwanshiku shosanwe ashobilo muntu uli woonse ulaakunoolyabo cimaande.

Mateyo 26:17

Ono pabushiku butaanshi bwakusekelela kwakulya Cimaande, bashikwiiya bakwe bakamwiipusha ayi, “Ino nkuli nkomusuni ayi tukamubambile kwakulita cakulya ca bushiku bwa Pasika bwakwiibaluka kusotokela?”

Maako 14:12

Pabushiku butaanshi bwakusekelela kwakulya Cimaande, bushiku ubo ndibakalinga kucaya twana twa mbelele twa pabushiku bwa Pasika bwakwiibaluka kusotokela, bashikwiiya bakwe bakamwiipusha ayi, “Ino nkuli nkomusuni kwaamba ayi tuye tukamubambile kwakulita cakulya ca bushiku bwa Pasika?”

Luka 22:7

Bwakashika bushiku bwakusekelela kwakulya Cimaande pakalinga kucailwa twana twa mbelele twakwiibaluka bushiku bwakusotokela.

Joshuwa 5:10

Ingayi macolesha pabushiku bwalikumi ashone mumweenshi uyo kabacili mumisumba kuGilugala kushinyika sha ndabala ya Jeliko, bakasekelela bushiku bwa Pasika bwakwiibaluka kusotokela.