Bene Lefi 23:34 - Baibo Busansulushi Bwa Libuku Ili

³⁴ “Lwiita bene Isilaeli ayi pabushiku bwalikumi ashosanwe mumweenshi wasanu ayobilo kusekelela kwa shimpaka ndikutalika, alimwi kulatola nshiku shosanwe ashobilo.

Bene Lefi 23:34 ပူးပေါင်းရင်းမြစ်များ

1 Baami 12:32

Jeloboamu alakwe wakabika bushiku bwalikumi ashosanwe mumweenshi wasanu ayotatwe ayi mbwakusekelela bweenka mbocakalinga kucitika muJuda. Wakalinga kubenga milambu mundabala ya Betelo kubacende baana ba golodi abo mbwaakabumba. KuBetelo wakabikaako bapailishi ayi basebensele kumisena yakulambililaako ya patulundu njaakayaka.

1 Baami 8:2

Boonse bakabungana muciindi cakusekelela kwa Shimpaka mumweenshi wasanu ayobilo uyo wakalinga kwiitwa ayi Etanimu.

1 Baami 8:65

KuŊanda yakwe Lesa uko, Solomoni abantu boonse bene Isilaeli bakaba akusekelela kwa Shimpaka kwanshiku shili shosanwe ashobilo. Kwakalinga bantu baanji bakaswa kulaale mbuli kumwinjililo wa kuAmati kumatwa akumanyinsa a Ijipiti kumalenge.

Esila 3:4

Mpeeke bakaba akusekelela kwa Shimpaka kweelana amilasho. Pabushiku abushiku bakabenga mweelo wa milambu yakutenta weelete.

Neyemiya 8:14

Mumulawo wakapa Mwaami Lesa kwiinda muli Mose bakacana kamulembetwe ayi bene Isilaeli balyeelete kwikala mushimpaka ciindi cakusekelela kwa mweenshi wasanu ayobilo.

Kulonga 23:16

“Mulyeelete kusekelela Kutebula na ndyemwatalikabo kutebula shakulya shanu. “Kamuba akusekelela kwa Shimpaka ciindi ca cilimo, ndyemutebula shisepo mumyuunda ya minyansa alimwi aya shisepo shimwi.

Kulonga 34:22

“Ono mulyeelete kulama bushiku bwakusekelela kutebula, paciindi ico ndyemutalika kutebula shishango shanu shitaanshi sha witi, alimwi akulama ciindi cakusekelela kwa Shimpaka ciindi ca cilimo na mwamana kuyobolola shisepo shanu.

Esekelo 45:25

“Pakusekelela kwa Shimpaka uko kutalika pabushiku bwalikumi ashosanwe mumweenshi wasanu ayobilo, muleli uyo ulaakunoopa shintu sheenka sha milambu yakulekelelwa shibiibi, milambu yakutenta, shipo sha fulaulo alimwi amafuta a olifi.”

Bene Lefi 23:33

Mpeeke Mwaami Lesa wakaambila Mose ayi,

Bene Lefi 23:42

Bene Isilaeli boonse balyeelete kunookala mushimpaka kwanshiku shosanwe ashobilo,

Bene Lefi 23:43

kwaamba ayi bamulunyungu lwanu beshibe ayi nebo neMwaami Lesa ndakalengesha bene Isilaeli kwikala mushimpaka ndindakabakusha mucishi ca Ijipiti. Nebo ndime Mwaami Lesa, Lesa wanu.”

Shakubelenga 29:12

“Ingayi pabushiku bwalikumi ashosanwe mumweenshi wasanu ayobilo, bakabungane ayi balambile. Pakusekelela uku kwakundemeka neMwaami Lesa kwanshiku shosanwe ashobilo, tabeelete kucita mulimo umwi uli woonse.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Joni 7:2

Ono ciindi cakusekelela kwa baJuda ca Shimpaka cakalinga pafwaafwi.

Dutolonomi 16:16

“Anu basankwa boonse mumushobo wanu balyeelete kwisa kumusena womwi wakulambililaako mukulambila Mwaami Lesa, Lesa wanu mankanda otatwe mumwaaka. Nkokwaamba ayi ciindi cakusekelela bushiku bwa Pasika bwakwiibaluka kusotokela, pakusekelela kwaKutebula alimwi apakusekelela kwa Shimpaka. Umwi aumwi ulyeelete kuleta cipo

Dutolonomi 31:10

Lyalo Mose wakabaambila ayi, “Lyoonse na peenda myaaka ili yosanwe ayobilo, mumwaaka wakulekelela nkongole mulyeelete kunoobelenga Milawo iyi, Munoobelengaamo paciindi cakusekelela kwa Shimpaka.

Bene Ebulu 11:13

Bantu aba boonse bakafwabo kabashoma muli Lesa. Tabakwe kutambula shintu isho Lesa nshaakabashomesha, sombi kashicili kulaale, bakashibona akusangalala abuumbi. Bakasumina patuba ayi mucishi ca panshi, ncakwiila mbeensu beendilite.

Bene Ebulu 11:9

Kwiinda mulushomo ndomunya, wakekala anga ngumuswamashi mucishi ico Lesa ncaakamushomesha. Isaki aJakobo abo abalo bakatambula kushomesha kwakwe Lesa, bakalinga kwikala mumatente mbuli Abulaamu.