Bene Lefi 22:13 - Baibo Busansulushi Bwa Libuku Ili

¹³ Sombi na mwanaakwe mwanakashi waba mukalubinje nabi walekwa kaatacite baana, alimwi waboola mukwikala muŋanda ya baishi ayi banoomucafwa, ngoweelete kulya shakulya sha bupailishi isho baishi nshebatambula. Anu eenkabo wa mulifumo lya bapailishi ngoweelete kulya shakulya isho.

Bene Lefi 22:13 ပူးပေါင်းရင်းမြစ်များ

Matalikilo 38:11

Lyalo Juda wakaambila mulokashi wakwe Tama ayi, “Boolela kuli baiso, unooshiite uko kushikila mwanaangu Shela akakule.” Wakaamba boobo ceebo wakalinga kuloondete ayi Shela alakwe inga wacaikwa mbuli bamakwabo. Aboobo Tama wakaboolela kumishaabo.

Esila 2:63

Mweendeleshi wakabambila ayi tabeelete kulya shakulya shisalalite kushikila kukabe mupailishi ukonsha kusebensesha Ulimu aTumimu.

Kulonga 12:43

Mpomunyaawo Mwaami Lesa wakaambila Mose aAloni ayi, “Milawo ya pabushiku bwa Pasika bwakwiibaluka kusotokela njeeyi, Taaku muswamashi weelete kulya cakulya ca bushiku bwa Pasika.

Kulonga 29:33

Balyeelete kulya sheesho shakasebenseshekwa pakulekelelwa shibiibi shabo ndibakabikwa pabupailishi. Bapailishi beenkabo mbobeelete kulya, ceebo cakulya ici cilisalalite.

Esekelo 44:8

Mumusena wakusebensa mulimo wabo wakulama shintu shangu shisalalite muŊanda yangu, balo bakalekela baswamashi ayi beendeleshe mbabo sha mumusena wangu Usalalite.

Bene Lefi 10:14

Sombi mwebo abamumaandaanu inga mwalya ntiti yakatambeekwa amweendo wakatako wakabengwa kuMwaami Lesa ayi ngwa bapailishi. Ishi inga mwashilita mumusena usalalite kweelana aMilawo. Shakapekwa kuli ndimwe abana banu ayi ncecipansha canu kuswa pamilambu ya bwanabwankashi ya bene Isilaeli.

Bene Lefi 22:10

“ ‘Eenkabo wa mulifumo lya bapailishi ngoweelete kulya milambu isalalite ili yoonse. Taaku aumwi weelete kwiilya, nabibo mweensu wa mupailishi nabi musebenshi wakwe.

Bene Lefi 22:12

Alakwe mwaana mwanakashi wa mupailishi uyo weebetwe kumusankwa uteshi mupailishi, teelete kulya mulambu uli woonse usalalite.

Dutolonomi 24:2

Na mwanakashi uyo weebwa kumwi,

1 Samwelo 21:7

Ono musebenshi wa mwaami Saulo wakalingaawo bushiku ubo kaacita kweelana ambwaakashomesha cakulumbila kunembo lya Mwaami Lesa. Wakalinga Dowegi mwine Edomu, mutanjilili wa beembeshi bakwe Saulo.