Bene Lefi 21:10 - Baibo Busansulushi Bwa Libuku Ili

¹⁰ “ ‘Alakwe mupailishi munene, uyo wakatilwa mafuta ayo akunanika pamutwi alimwi wakabengwa ayi anoofwala shakufwala sha bupailishi, teelete kutanoosakula misusu nabi kukwamuna shakufwala nshaafwete kwaamba ayi aboneshe ayi ulicite cililo.

Bene Lefi 21:10 ပူးပေါင်းရင်းမြစ်များ

Matalikilo 37:34

Jakobo wakakwamoona shakufwala mubuumba akufwala masaka. Wakamulila mwanaakwe kwa ciindi cilaamfu.

2 Samwelo 15:30

Defedi wakatolelela lweendo lwakwe akutanta Kalundu ka Olifi kaaya cilila buumpute. Paciindi ico wakalinga kulifwekete kumutwi alimwi kaali myeendobo. Abalo bamwi boonse bakalifweka kumitwi yabo akunooya cilila buumpute pakutanta kalundu ako.

Esita 6:12

Kuswawaawo Modekayi wakaboolela kumwinjililo wa ŋanda ya bwaami, sombi Amani wakaboolela kuŋanda yakwe ciwa kacilokete kunsoni.

Jobo 1:20

Mpomunyaawo Jobo wakanyamuka akukwamoona shakufwala shakwe ceebo ca buumba. Mpeeke wakalikulula misusu, waliwaala panshi mukulambila akupaila ayi,

Kulumbaisha 133:2

Buli anga ngamafuta amakwebo ayo atilwa pamutwi wakwe Aloni, mafuta ayo anunkila ndyaakukunkila kundesu shakwe, kuya mukushika akunteneshi ya mungaanjo wakwe.

Kulonga 29:7

Ndyeshi ukabwese mafuta, ukamutilile pamutwi akumunanika.

Esekelo 24:17

Ukanooshinshimukabo cakutanyumfwika alimwi kuteelesha kulila mufu. Utakafuuli cisani ncoofwala kumutwi nabi kufuula nkwabilo shako. Utakalifwekiwo pamulomo nabi kulya shakulya shilikwabo pamalilo.”

Bene Lefi 13:45

“Anu muntu ucite manata ulyeelete kufwala shakufwala sha masempele. Teelete kusakula alimwi ulyeelete kufweka camulomo akunokoolobesha ayi, ‘Nshisalalite! Nshisalalite!’

Bene Lefi 16:32

Mupailishi munene uyo wakabikwa pabupailishi kweelana aMilawo alimwi akubengwa kuli ndime neMwaami Lesa ayi akapyane baishi, ulyeelete kucita kweelana aMilawo pakusalasha. Ulaakufwala shakufwala sha bupailishi

Bene Lefi 4:3

“Na ngumupailishi munene wabisha, akuleta mulandu pabantu, ulyeelete kuleta kuli ndime neMwaami Lesa mucende mwaana utacite kampenda kali koonse, alimwi akumubenga ayi ngumulambu wakulekelelwa shibiibi shakwe.

Bene Lefi 8:12

Lyalo wakabika Aloni pabupailishi kwiinda mukumutila mafuta akunanika amwi pamutwi.

Shakubelenga 35:25

Nkokwaamba ayi likoto lya bene Isilaeli lilyeelete kufuna wooyo wakacaya mubye mumapuso kumukwabo wooyo usuni kumucaya. Balyeelete akumuboosha kundabala inene yakulobokelaamo uko nkwaakalinga. Ulyeelete kwikala nkomunya uko kushikila Mupailishi Munene uliiwo akafwe.

Shakubelenga 6:7

Nabi kwafwa baishi, banyina, mukwabo nabi nankashi yakwe, teelete kulilengesha ayi abe muntu utasalalite kweelana aMilawo ceebo ca mbabo. Mukwiinga keshibilo kakulibenga kwakwe kuMwaami Lesa kali kumutwi wakwe.

Mateyo 26:65

Mpeeke mupailishi munene wakakwamoona shakufwala shakwe, akwaamba ayi, “Nkucobola Lesa uku. Ono apa sa inga katucilangoola abamwi bakamboni? Noonse mwalinyumfwila mbwaacobola Lesa.