Bene Lefi 20:3 - Baibo Busansulushi Bwa Libuku Ili

³ Na umwi wabenga mwanaakwe umwi kuli Moleki akulengesha ayi Tente yangu isalalite ibule kunoosalalite alimwi akusebaanya liina lyangu lisalalite, ndaakumwaalukila alimwi teshi nkanoocimuyeeyela kuba mulikoto lya bantu bangu.

Bene Lefi 20:3 ပူးပေါင်းရင်းမြစ်များ

Kulonga 30:33

Uyo woonse ngweenga wapanga mafuta ali mbuli ngawo, nabi kunanika muntu umwi uteshi mupailishi, teshi akanoociyeyeelwa kuba mulikoto lya bantu bangu.’ ”

Esekelo 20:39

“Nebo neMwaami Lesa Shinkusu shoonse ndaamba ayi, ‘Mwebo nobene Isilaeli noonse, kamuya mukasebensele shibumbwabumbwa shanu! Sombi pesule mulaakunyumfwila alimwi teshi mukacobolewo tubili liina lyangu lisalalite mukupa shipo kushibumbwabumbwa shanu.

Esekelo 5:11

“Aboobo nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mbweeke ubo ceebo cakwaamba ayi mwakalengesha musena wangu usalalite kutanoosalalite kweelana aMilawo kwiinda mushikoshanyo shanu amicito ilensha bunya, ndaakumunyonyoola cakutamufwitaawo nkumbu.

Bene Lefi 15:31

“Ulyeelete kutalamusha bene Isilaeli kuswa kushintu shilengesha kutanoosalalite kweelana aMilawo kwaamba ayi batakabishi Tente yangu ya Cipangano iyo ili pakati kabo. Na bakeebishe, balaakumana kufwa.”

Bene Lefi 17:10

“ ‘Na mwine Isilaeli nabi muswamashi umwi woonse ushiite mulikoto lyabo walya nyama icite bulowa, nebo neMwaami Lesa ndaakumufutatila alimwi teshi akanoociyeeyelwa kuba mulikoto lya bantu bangu.

Bene Lefi 18:21

“Utabengi mwanaako musankwa uli woonse ayi ngumulambu kuli lesa wiitwa ayi Moleki, ceebo uko nkucobola liina lyangu neLesa. Ndime Mwaami Lesa.

Bene Lefi 19:12

Mutanoolumbila muliina lyangu na ulishi ayi teshi ukacite cintu ico, ceebo na wacita boobo, nkucobola liina lyangu. Nebo ndime Mwaami Lesa wanu.

Bene Lefi 20:4

Ono na bene Isilaeli basuula ncaacita, akubula kumucaya,

Bene Lefi 21:6

Ulyeelete kunoosalalite alimwi teelete kusebaanya liina lyangu. Lakwe ulabenga milambu ya cakulya kuli ndime, aboobo ulyeelete kunoosalalite.

Bene Lefi 7:20

sombi na utasalalite kweelana aMilawo weelya, teshi akanoociyeeyelwa kuba mulikoto lya bantu bakwe Lesa.

Bene Lefi 7:21

Alimwi na umwi walya nyama ya mulambu wa bwanabwankashi pakuswa mukukumya cintu cimwi citasalalite kweelana aMilawo, cakumuntu nabi kumunyama, muntu uyo teshi akanoociyeeyelwa kuba mulikoto lya bantu bakwe Lesa.”

Shakubelenga 19:13

Uyo woonse weenga wakumya kumutuntu akubula kulisalasha, ulaba kaatasalalite mukwiinga maanshi akusalasha taakwe kusanseelwa pali nguwe. Muntu uyo ulabisha Tente ya Cipangano yangu neMwaami Lesa, aboobo teshi akanoociyeeyelwa kuba mulikoto lya bene Isilaeli.

Shakubelenga 19:20

“Uyo woonse utasalalite kweelana aMilawo na wabula kulisalasha, teshi akanoosalalite ceebo maanshi akusalasha taakwe kusanseelwa pali nguwe. Muntu uyo ingayi wabisha Tente ya Cipangano cangu neMwaami Lesa alimwi teshi akanoociyeeyelwa kuba mulikoto lya bantu bangu.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

1 Pita 3:12

mukwiinga Mwaami Lesa ulalama baluleme alimwi ulakumbula mipailo yabo, sombi ulipatite bantu bacita bubi.”