Bene Lefi 2:16 - Baibo Busansulushi Bwa Libuku Ili

¹⁶ Mpeeke mupailishi ulaakutenta cipansha ca busu alimwi amafuta a olifi kwaamba ayi cibe cishibilo, kubikaawo atununkila kabotu toonse ayi ncipo ca shakulya cipekwa kuli ndime neMwaami Lesa.

Bene Lefi 2:16 ပူးပေါင်းရင်းမြစ်များ

Kulumbaisha 141:2

Mupailo wangu ube anga ntununkila kabotu pakutenta kunembo lyanu. Kutambika maansaangu kube anga ngumulambu wa macolesha.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Bene Lefi 1:9

Muntu uyo ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 2:12

Inga mwashileta kuli ndime neMwaami Lesa pantu pomwi ashakulya shitaanshi nsheenga mwatebula mumwaaka, sombi tasheelete kutentwa pacipaililo.

Bene Lefi 2:14

Na mwaleta cipo ca shakulya shitaanshi nsheenga mwatebula kuli ndime neMwaami Lesa, mukape fulaulo shikangitwe nabi shakutwa.

Bene Lefi 2:15

Mukasenkanyeeko amafuta a olifi alimwi atununkila kabotu.

Bene Lefi 2:9

Mupailishi uyo ulaakukushako cipansha ayi cibe cishibilo cakwaamba ayi cipo coonse capekwa kuli ndime neMwaami Lesa. Lyalo ulaakucitenta pacipaililo. Bweema bwa cipo ca shakulya ico bulansangalasha neMwaami Lesa.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.