Bene Lefi 2:12 - Baibo Busansulushi Bwa Libuku Ili

¹² Inga mwashileta kuli ndime neMwaami Lesa pantu pomwi ashakulya shitaanshi nsheenga mwatebula mumwaaka, sombi tasheelete kutentwa pacipaililo.

Bene Lefi 2:12 ပူးပေါင်းရင်းမြစ်များ

Matalikilo 23:17

Mboboobo uyo musena wakalinga wakwe Efuloni kuMakipela, kwicwe lya Mamule, mbowakaba wakwe Abulaamu. Mumusena uyo mwakalinga muunda, cimfwengo alimwi ashisamu isho shakalinga kuya mukushikabo akunyinsa ya muunda.

2 Makani 31:5

Ingayi bene Isilaeli banyumfwebo shakaamba mwaami, bakaleta nsomo sha shili anga ngamaila, waini, mafuta a olifi, buuci alimwi ashintu shimwi shiswa mumyuunda. Bakaleta ashalikumi sha buboni bwabo boonse.

Kulonga 22:29

“Mulyeelete kumpa shipo kuswa kushakulya shanu, waini wanu alimwi amafuta a olifi na ciindi cashikila. “Mulyeelete kumpa bana banu basankwa bakwiiya.

Kulonga 23:19

“Lyoonse pamwaaka mulyeelete kuleta kuŋanda ya Mwaami Lesa, Lesa wanu shakulya shiinditeewo kupya kabotu nshemutaanguna kutebula. “Mutateleki kana ka mpongo mumukupa wa banyina.

Kulonga 34:22

“Ono mulyeelete kulama bushiku bwakusekelela kutebula, paciindi ico ndyemutalika kutebula shishango shanu shitaanshi sha witi, alimwi akulama ciindi cakusekelela kwa Shimpaka ciindi ca cilimo na mwamana kuyobolola shisepo shanu.

Bene Lefi 23:10

“Na mukenjile mucishi ca Kenani ico ncentoomupa, ono na mukatebule shakulya shanu shili anga ngamaila, mukatole mule wakutaanguna kumupailishi.

Bene Lefi 23:17

Bantu bamuŋanda yomwi balyeelete kuleta shinkwa wobilo akubenga kuli ndime neMwaami Lesa ayi ncipo cakutambeeka. Shinkwa womwi awomwi ulyeelete kupangwa kumakilogilamu obilo a fulaulo usenkene acimena, alimwi akubengwa kuli ndime neMwaami Lesa ayi ncipo ca fulaulo shataanguna kutebulwa.

Bene Lefi 7:13

Ulaakwiilikaawo alimwi shinkwa.

Shakubelenga 15:20

Mulyeelete kupa cimaande citaanshi cakapangwa kubusu butaanshi kwaamba ayi ncipo kuli ndime neMwaami Lesa. Mulyeelete kucipa bweenka mbuli cipo ca fulaulo ngomwalupula.

Shakubelenga 18:12

“Ndamupa shintu shibotu shoonse sha mafuta a olifi, waini alimwi ashili anga ngamaila shitaangunwa kutebulwa, isho bene Isilaeli nshebapa ndime neMwaami Lesa kuswa mumyuunda yabo.

1 Bene Kolinto 15:20

Ono ncakwiila Jesu wakabushikwa kuswa kubafu akuba citondesho cakwaamba ayi uyo woonse eshi akafwe, ulaakubushikwa kuswa kubafu.

Dutolonomi 26:10

Ono ndaleeta shakulya shitaanshi kutebulwa isho Mwaami Lesa nshaakampa.’ “Lyalo mukabike mutaanga uyo kunembo lya Mwaami Lesa, Lesa wanu akumulambila.

Ciyubululo 14:4

Mbobasankwa bakalisalasha kwiinda mukutakumana abanakashi, ncakwiila balisalalite. Balakonkela Mwanaambelele kuli koonse nkwaaya. Bakapulushikwa kuswa pabantu ba mucishi ca panshi akuba anga nshishango shitaanshi kutebulwa, isho shipekwa kuli Lesa alimwi aMwanaambelele.