Bene Lefi 2:10 - Baibo Busansulushi Bwa Libuku Ili

¹⁰ Shoonse shicaala kucipo ca fulaulo, nsha bapailishi. Cipansha ico cilisalalite abuumbi ceebo caswa pacipo ca shakulya capekwa kuli ndime neMwaami Lesa.

Bene Lefi 2:10 ပူးပေါင်းရင်းမြစ်များ

2 Makani 31:14

Kole mwanaakwe Imuna mwine Lefi, shikulindilila Mwinjililo wa Kwicwe ngowakalinga kutambula shipo shakulyaaba isho shakalinga kupekwa kuli Lesa akubaanya shipo shoonse shakabengwa kuMwaami Lesa.

Esila 2:63

Mweendeleshi wakabambila ayi tabeelete kulya shakulya shisalalite kushikila kukabe mupailishi ukonsha kusebensesha Ulimu aTumimu.

Esekelo 44:29

Balo balaakunoolya shipo sha fulaulo, milambu yakulekelelwa shibiibi alimwi amilambu yakumana milandu. Nkokwaamba ayi shintu shoonse shapekwa kuli ndime neMwaami Lesa mucishi ca Isilaeli shilaakuba shabo.

Esekelo 46:20

akundwiita ayi, “Uyu ngomusena bapailishi ngweshi banootelekelaako nyama ibengwa ayi njimilambu yakulekelelwa shibiibi, milambu yakumanisha milandu alimwi akubamba shipo sha fulaulo kwaamba ayi batakanookusha shintu shisalalite akushitola kulubansa lwa pansengwe. Ceebo na muntu wacata shintu isho shisalalite inga wacisikwa.”

Bene Lefi 10:12

Kuswawaawo Mose wakaambila Aloni abana bakwe basankwa bakacaalaawo beetwa ayi Elyasa alimwi aItama ayi, “Amubwese cipo ca fulaulo cakacaala kucipo ca shakulya, mupange cimaande alimwi akulita kulubasu lwa cipaililo ceebo cipo ici cilisalalite abuumbi.

Bene Lefi 14:13

Ulaakucaya mbelele iyo pamusena usalalite apo pacailwa banyama bamilambu yakulekelelwa shibiibi amilambu yakutenta. Bweenka bubete mulambu wakulekelelwa shibiibi, mulambu wakumana milandu ngwa bapailishi alimwi ulisalalite abuumbi.

Bene Lefi 2:3

Shoonse shicaala kucipo ca fulaulo, nsha bapailishi. Cipansha ico cilisalalite abuumbi ceebo caswa pacipo ca shakulya capekwa kuli ndime neMwaami Lesa.

Bene Lefi 21:22

Musankwa wa mushobo wooyu inga walya cakulya ncendapekwa, nkokwaamba ayi inga walya mulambu usalalite wa cakulya alimwi amulambu usalalite abuumbi wa cakulya.

Bene Lefi 5:13

Munshila iyi, mupailishi ulaakubenga cipo ca cibiibi ca muntu uyo, aboobo ulaakulekelelwa. Fulaulo umwi woonse ngwa mupailishi kweelana ambocibete mumakani a cipo ca fulaulo.”

Bene Lefi 6:16

Lyalo bapailishi balaakulya shoonse sheshi shikacaaleewo. Balaakupanga cimaande ico nceshi bakalite mumusena usalalite nkokwaamba ayi mulubansa lwa Tente ya Cipangano,

Bene Lefi 6:23

Taaku cipansha nabi comwi ca cipo ca fulaulo ico mupailishi ncaapa ceelete kulikwa. Coonsebo cilyeelete kutentwa.”

Bene Lefi 6:9

“Lwiita Aloni alimwi abana bakwe ayi iyi njimilawo ya milambu yakutenta. Mulambu wakutenta ulyeelete kucaala pacipaililo mashiku oonse, awalo mulilo ulyeelete kubucesha koonyaka.

Bene Lefi 7:7

“Ono pali mulawo womwi pamulambu wakulekelelwa shibiibi alimwi amulambu wakumana milandu. Mulawo uyu ngwakwaamba ayi nyama nja mupailishi uyo ubenga mulambu uyo.

Shakubelenga 18:9

Mulyeelete kunoopekwa cipansha ca shintu shisalalite abuumbi isho shitatentwi pacipaililo. Kuswa pacipo coonse cisalalite ciindaawo ico ncebaleta kuli ndimwe, nabi ncipo ca shili anga ngamaila, mulambu wakulekelelwa shibiibi alimwi awakumana milandu, ishi nshaako alimwi abana bako basankwa.

1 Samwelo 2:28

Ndakasala bamuŋanda yakwe pakati ka mikowa yoonse ya bene Isilaeli, kuba bapailishi bangu, beshikusebensela kucipaililo, kutenta tununkila kabotu akufwala cakufwala ciitwa ayi efodi pameenso angu. Ndakabapa ankusu shakucaasha cipansha ca mulambu womwi awomwi wa bene Isilaeli watentwa pacipaililo.