Bene Lefi 19:31 - Baibo Busansulushi Bwa Libuku Ili

³¹ “Tamweelete kuya mukucebusha kubantu baamba amishimu ya bafu. Na mwacita boobo, teshi mukanoosalalite kweelana aMilawo. Nebo ndime Mwaami Lesa, Lesa wanu.

Bene Lefi 19:31 ပူးပေါင်းရင်းမြစ်များ

2 Baami 17:17

Bakalinga kubenga bana babo basankwa abanakashi ayi njimilambu yakutenta, bakalinga kuya kubeshikusonda akubeshikulotela. Ncakwiila bakabika maano abo oonse kushintu shitacite ncito kumeenso a Mwaami Lesa. Paceebo ceeco bakasonkomona bukali bwakwe.

2 Baami 21:6

Wakabenga mwanaakwe musankwa ayi ngumulambu wakutenta. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

2 Baami 23:24

Mwaami Josiya wakakusha beshikwaamba abafu abeshikulotela pantu pomwi abalesa bamumaanda, shibumbwabumbwa ashimwi shoonse shakalinga kulambilwa isho shilensha bunya mucishi ca Juda amundabala ya Jelusalemu. Wakacita boobo mukukonkela milawo yakalinga kulembetwe mulibuku ilyo Ilikiya mupailishi munene ndyaakacana muŊanda yakwe Lesa.

1 Makani 10:13

Saulo wakafwa mukwiinga taakalinga kushomeka kuMwaami Lesa. Taakwe kukonkela milawo ya Mwaami Lesa. Wakeelesha kucana lucafwo kwiinda mukucebusha kuwooyo waamba amishimu ya bafu

2 Makani 33:6

Wakabenga bana bakwe basankwa ayi njimilambu yakutenta muCinyika ca Inomu. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

Kulonga 22:18

“Mwanakashi muloshi uli woonse ulyeelete kucaikwa.

Isaya 29:4

Lyalo ulaakunokwaambila panshi, liswi lyako lilaakunooswa mubulongo. Ulaakunoobulubushabo anga ncipuku, ncakwiila liswi lilaakunoonyumfwika anga utootepetabo mubulongo.

Isaya 47:13

Maano ngoopandwaako akucaya mutwi! Anu basongo ba shintu shili mwiculu abese tubone, ee, beshikusonda mukusebensesha lushibo lwa panyenyeenshi, abo baamba sheshi shikacitike kunembo mweenshi amweenshi, abakupulushe kusheesho shitoosa pali ndiwe.

Isaya 8:19

Sombi bantu balaakumulwiita ayi musenge maswi kuswa kubeshikwaamba abafu alimwi abeshikusonda abo babulubusha akutepeta pakwaamba. Tamweelete kuyaako. Sa te mulyeelete kwiipusha Lesa wanu? Anu inga mweepushanshi kubafu kwiipushisha boomi?

Bene Lefi 19:26

“Tamweelete kulya nyama ili yoonse icicite bulowa mukati. “Tamweelete kuba beshikusonda nabi baloshi.

Bene Lefi 19:3

“Womwi awomwi ulyeelete kulemeka banyina abaishi, alimwi mulyeelete kulama inshiku shakookesha kweelana ambondamulwiita. Nebo ndime Mwaami Lesa wanu.

Bene Lefi 20:27

“Musankwa uli woonse nabi mwanakashi waamba amishimu ya bafu ulyeelete kucaikwa kumabwe. Muntu woonse weenga wacita boobo, lufu lwakwe ndwakuliletela mwiine.”

Milimo ya Batumwi 8:11

Bantu aba bakalinga kumulemeka akumunyumfwila ceebo wakatalika kalekale kubakankamika ashimpelampela shakwe.

Bene Galatiya 5:20

kulambila shibumbwabumbwa, buloshi, kutanyumfwana, kupikishanya, munyono, bukali, kuliyanda, kupansaana alimwi akulipatula,

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

1 Samwelo 28:3

Ono paciindi ico Samwelo wakalinga kufwite. Ndyaakafwa, bene Isilaeli boonse bakamulila akumubika muLama, ndabala ine mishaabo. Ico ciindi Saulo, beshikusonda abeshikwaamba amishimu kaali wakabatandaamo kale mucishi cakwe.