Bene Lefi 19:30 - Baibo Busansulushi Bwa Libuku Ili

³⁰ “Kamulama bushiku bwakookesha bwa Cibelu alimwi akulemeka musena wangu usalalite. Nebo ndime Mwaami Lesa.

Bene Lefi 19:30 ပူးပေါင်းရင်းမြစ်များ

2 Makani 33:7

Wakabika cikoshanyo cakubesa muŊanda yakwe Lesa, mumusena uyo Mwaami Lesa ngwaakaamba kuli Defedi aSolomoni mwanaakwe musankwa ayi, “Muno muJelusalemu muŊanda yakwe Lesa iyi, ngomusena ngondakasala mucishi coonse ca mikowa ya bene Isilaeli ili likumi ayobilo kwaamba ayi mweshi nkanoolambililwa.

2 Makani 36:14

Kwiilika waawo, bamatanjilili boonse ba bapailishi abene Juda bakalinga kuya ciindaawo kutashomeka ceebo cakukonkela micito ilensha bunya ya mishobo imwi. Mukucita boobo, bakalengesha Ŋanda yakwe Lesa, iyo njaakasalasha muJelusalemu, kuba itasalalite kweelana aMilawo.

Kulumbaisha 89:7

NobaLesa mulaloondwa abuumbi munkuta ya basalalite. Ncakwiila boonse abo balamulemeka noBaami baLesa.

Kulonga 20:8

“Ingashila bushiku bwakookesha bwa Cibelu alimwi akubusalasha.

Shikushimikila 5:1

Kamucenjela ndyemuya muŊanda yakwe Lesa. Ncibotu kuya kuŊanda yakwe Lesa mukwiiya kwiinda kuya mukubenga milambu bucita baluya bateshi cibotu acibiibi.

Esekelo 9:6

Muye mucaye bacembele, bacikula bwangu basankwa abanakashi, banakashi banene abanike, sombi kuteelesha kukumya wooyo ucite cishibilo. Mutalikile muŊanda yangu isalalite.” Aboobo bakatalikila bamaloba abo bakalinga kunembo lya Ŋanda yakwe Lesa.

Bene Lefi 10:3

Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

Bene Lefi 15:31

“Ulyeelete kutalamusha bene Isilaeli kuswa kushintu shilengesha kutanoosalalite kweelana aMilawo kwaamba ayi batakabishi Tente yangu ya Cipangano iyo ili pakati kabo. Na bakeebishe, balaakumana kufwa.”

Bene Lefi 16:2

Wakaamba ayi, “Lwiita mukwanu Aloni ayi teelete kwiinjila muMusena Usalalite Wiindaawo uli kwisule lya cisani cakushitilisha kulilabo na wayanda, mukwiinga umo moombonekela mulikumbi peculu lya cifwekesho ca Libokoshi lya Cipangano. Na akabule kunyumfwila, ulaakufwa.

Bene Lefi 19:3

“Womwi awomwi ulyeelete kulemeka banyina abaishi, alimwi mulyeelete kulama inshiku shakookesha kweelana ambondamulwiita. Nebo ndime Mwaami Lesa wanu.

Bene Lefi 26:2

Kamulama nshiku shakookesha sha Shibelu alimwi akulemeka musena usalalite umo momunambilila. Nebo ndime Mwaami Lesa.

Mateyo 21:13

Wakabalwiita ayi, “Cililembetwe ayi, ‘Ŋanda yangu ilaakwiitwa ayi ŋanda yakupaililaamo.’ Sombi mwebo mwayaalula yaba momwakuyubila beepi!”

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

1 Pita 4:17

Mukwiinga ciindi cashikila cakwaamba ayi Lesa atalike koombolosha bantu bakwe. Ono na Lesa ulaakutaanguna koombolosha ndiswe, ino cilaakuba buyani kubaabo batashomi Makani Abotu akwe Lesa?