Bene Lefi 19:26 - Baibo Busansulushi Bwa Libuku Ili

²⁶ “Tamweelete kulya nyama ili yoonse icicite bulowa mukati. “Tamweelete kuba beshikusonda nabi baloshi.

Bene Lefi 19:26 ပူးပေါင်းရင်းမြစ်များ

Matalikilo 44:5

Ino mweepilanshi nkomeshi ya silifa ya mwaami wangu? Njaanwisha alimwi njaasebensesha kulotela shintu. Mwaciita mulandu unene abuumbi!’ ”

Matalikilo 9:4

Ncemuteeletebo kulya, ninyama icicite bulowa. Ndamukasha kucita boobo mukwiinga buumi buli mubulowa.

2 Baami 17:17

Bakalinga kubenga bana babo basankwa abanakashi ayi njimilambu yakutenta, bakalinga kuya kubeshikusonda akubeshikulotela. Ncakwiila bakabika maano abo oonse kushintu shitacite ncito kumeenso a Mwaami Lesa. Paceebo ceeco bakasonkomona bukali bwakwe.

2 Baami 21:6

Wakabenga mwanaakwe musankwa ayi ngumulambu wakutenta. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

2 Makani 33:6

Wakabenga bana bakwe basankwa ayi njimilambu yakutenta muCinyika ca Inomu. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

Kulonga 7:11

Lyalo mwaami alakwe wakeeta basankwa basongo alimwi abeshimampelampela. Abalo kwiinda munkusu shabo bakacita bweenka ubo.

Kulonga 8:7

Sombi abalo beshimampelampela bakasebensesha nkusu shabo akukusha babombwe mumaanshi akwisa kwitala mucishi ca Ijipiti.

Jelemiya 10:2

Lakwe utokwaamba ayi, “Muteeyi nshila sha mishobo imwi. Mutaloondi ceebo ca shitondesho shiboneka mwiculu. Ee, kutaloonda nabi mishobo imwi yatutuma kuboowa.

Danyelo 2:10

Kuswawaawo basongo bakaamba ayi, “Taaku muntu pacishi ca panshi weenga wacita caamba mwaami! Taaku mwaami ucite nkusu abulemu buli buyani wakeepushaawo kale cintu ca mushobo uyu kubeshimampelampela, beshikusonda, alimwi abasongo ba shintu shili mwiculu bakwe.

Bene Lefi 19:25

Sombi mumwaaka wasanu inga mwalya shisepo isho. Na mukacite shoonse ishi, shisamu shanu shilaakucata shisepo shiinji. Nebo ndime Mwaami Lesa, Lesa wanu.

Bene Lefi 3:17

Taaku mwine Isilaeli nabi womwi weelete kulya mafuta nabi bulowa. Uyu ngumulawo bene Isilaeli boonse ngobeelete kukonkela lyoonsebo, kuli koonse nkweenga kababete.”

Bene Lefi 7:26

Kuli koonse uko bene Isilaeli nkweenga kabashiite, tabeelete kulya bulowa bwa bayuni nabi banyama.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Milimo ya Batumwi 15:20

Sombi tulyeeletebo kubalembela nkalata yakubalwiita ayi tabeelete kulya shakulya shitasalalite ceebo nshipo shakapekwa kushibumbwabumbwa, kutacita cikololo, kutalya nyama shakashinwa alimwi abulowa.

Dutolonomi 12:16

Nakubi boobo tamweelete kulya bulowa bwa banyama, mulyeelete kubutila panshi anga ngamaanshi.

Dutolonomi 12:23

Ono ncemuteeletebo kucita nkulya nyama icicite bulowa ceebo buumi buli mubulowa, aboobo tamweelete kulya buumi pantu pomwi anyama.

Dutolonomi 15:23

Tamweelete kulya bulowa bwa banyama, sombi mulyeelete kubutila panshi anga ngamaanshi.

1 Samwelo 14:32

Aboobo bakacicilabo pashintu nshibakasaala balwani, akubwesa mbelele aŋombe. Bakashicaya pamusena mpomunyaawo alimwi akulya nyama keecicitebo abulowa.

1 Samwelo 14:33

Lyalo umwi wakalwiita Saulo ayi, “Amubone bantu batoobishisha Mwaami Lesa kwiinda mukulya nyama icite bulowa.” Mpomunyaawo wakaamba ayi, “Tamukwe kushomeka. Amukunkulushe libwe linene mulilete waano bulya onoono.”

1 Samwelo 15:23

Bwaashu bulibo anga ncibiibi cakusonda, akwalo kulisumpula kuli anga mbubi bwakulambila shibumbwabumbwa. Ono mukwiinga wakakaka liswi lya Mwaami Lesa, alakwe wakaka ndiwe kunoocili mwaami.”