Bene Lefi 19:12 - Baibo Busansulushi Bwa Libuku Ili

¹² Mutanoolumbila muliina lyangu na ulishi ayi teshi ukacite cintu ico, ceebo na wacita boobo, nkucobola liina lyangu. Nebo ndime Mwaami Lesa wanu.

Bene Lefi 19:12 ပူးပေါင်းရင်းမြစ်များ

Kulumbaisha 15:4

Ngooyo unyansha muntu uyo Lesa ngwaakaka, sombi ulemeka baabo banyumfwila Mwaami Lesa. Muntu uyo ucita nshaakashomesha cakulumbila, nakubi kwaamba ayi lakwe mwiine cilamucisa.

Kulonga 20:7

“Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Isaya 48:1

Amukutike makani aya mwebo nobamulunyungu lwakwe Jakobo. Amukutike mwebo nomwaambwa ayi bene Isilaeli, mwebo nobamulunyungu lwakwe Juda, ee, mwebo nomusebensesha liina lya Mwaami Lesa pakushomesha cakulumbila. Amukutike mwebo nomupaila muliina lyakwe Lesa wa bene Isilaeli, sombi kuteshi mulushinisho nabi mukululama.

Jelemiya 34:16

Sombi bulya mwasandula miyeeyo yanu akucobola liina lyangu. Noonse mwakaboosha basha abo mbomwakaangulula kweelana ambobakalinga kulila. Ncakwiila mwakabakakatisha kuba basha alimwi.”

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Jelemiya 5:2

“Nabi balaamba ayi, ‘Bweenka mbocibete lushinisho ayi Mwaami Lesa ngumuumi,’ sombi bacilumbilabo shabubeshi.”

Jelemiya 7:9

Mwebo muleepa, mulacaya bantu, mulacita bulale, mulabeca nabi mwashomesha cakulumbila, mulatentela Baali tununkila kabotu akulambila balesa abo mbomwatakalinga kwishiiwo.

Bene Lefi 18:21

“Utabengi mwanaako musankwa uli woonse ayi ngumulambu kuli lesa wiitwa ayi Moleki, ceebo uko nkucobola liina lyangu neLesa. Ndime Mwaami Lesa.

Bene Lefi 20:3

Na umwi wabenga mwanaakwe umwi kuli Moleki akulengesha ayi Tente yangu isalalite ibule kunoosalalite alimwi akusebaanya liina lyangu lisalalite, ndaakumwaalukila alimwi teshi nkanoocimuyeeyela kuba mulikoto lya bantu bangu.

Bene Lefi 6:3

nabi kubeca pacimwi cintu cakalinga kusowekete akulumbila ayi taakwe kucibwesa.

Sekaliya 5:3

Lyalo wakandwiita ayi, “Mucakulembelaawo umo mulilembetwe lishingo litooya mucishi coonse. Kulubasu lumwi kulilembetwe maswi akwaamba ayi mwiipi uli woonse ulaakutandaanishikwa alimwi kulubasu lumwi kulilembetwe ayi uyo woonse weshi anooshomesha cakulumbila cabubeshi alakwe ulaakutandaanishikwa.

Sekaliya 5:4

Mwaami Lesa Shinkusu shoonse waamba ayi, ‘Ndaakutuma lishingo ilyo lyeshi likenjile muŋanda ya mwiipi woonse amuŋanda ya wooyo ushomesha cakulumbila cabubeshi muliina lyangu. Lilaakunooshiite mumaandaabo kushikila likaanyonyoole cakumaninina.’ ”

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Dutolonomi 5:11

“ ‘Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Jemusi 5:12

Bunene bunene nobamakwesu, pakushomesha cimwi cintu mutanoolumbila kwiculu nabi cishi ca panshi nabi pacintu cimwi cili coonse. Nkwaambabo ayi, “Ee” na ulyeelete kusumina nabi ayi, “Sobwe” na ulyeelete kukaka, kwaamba ayi Lesa atakamupi mulandu.