Bene Lefi 19:11 - Baibo Busansulushi Bwa Libuku Ili

¹¹ “Mutanokwiipa, kubeca nabi kuba shikucenjeeka.

Bene Lefi 19:11 ပူးပေါင်းရင်းမြစ်များ

2 Samwelo 17:20

Basankwa bakwe Abusalomu ndibakashika kumwanakashi uyo, bakeepusha ayi, “Ino Ayimaasi aJonasani bali kuli?” Mwanakashi uyo wakabakumbula ayi, “Basubuka kale mulonga.” Basankwa abo bakabalangoola, sombi tabakwe kubacana. Aboobo bakaboolela kuJelusalemu.

1 Baami 13:18

Lyalo mulaluki mucembele wa kuBetelo wakamulwiita ayi, “Anebo ndi mulaluki bweenka mbuli ndiwe. Mwaami Lesa wantumina munjelo uyo wesa mukundwiita ayi nkutole kumisheesu akuya mukukubamba kabotu.” Nakubi boobo mulaluki mucembele ulya wakalinga kubecabo.

Kulumbaisha 101:7

Taaku muntu waamba shabubeshi weshi akekaale muŋanda yangu. Taaku muntu waamba nshaataciti weshi akekaale pafwaafwi anebo.

Kulumbaisha 116:11

Ndakalinga kushoma nabibo ndindakanyumfwa boowa akwaamba ayi, “Taaku muntu nabi womwi weenga washomeka.”

Kulonga 20:15

“Uteepi.

Kulonga 20:16

“Utapi bukamboni bwakubeca pali shikamukobonyoko.

Kulonga 20:17

“Utakumbwi ŋanda ya shikamukobonyoko camunyono. Utakumbwi mukamwiine, musha wakwe musankwa nabi mwanakashi, ŋombe shakwe, mbongolo shakwe nabi shintu shakwe shimwi.”

Kulonga 22:1

“Ono na muntu umwi weepa musune nabi mbelele akucaya nabi kuulisha, ulyeelete kulipila basune bosanwe pamusune womwi, nabi mbelele shone pambelele yomwi.

Kulonga 22:7

“Alimwi na muntu wasumina kulama maali a muntu umwi, nabi shintu shimwi shamakwebo, ono sheepwa muŋanda ya wooyo utoolama, nkokwaamba ayi mwiipi uyo na wacatwa ulyeelete kwiilikaawo ashimwi shili mbuli sheesho nshaaipa.

Kulonga 23:1

“Mutanooya caamba makani akubeca nabi kucafwa muntu ulubite kwiinda mukupa bukamboni bwakubeca.

Tushimpi 24:28

Utapi bukamboni bwakubeca pamubyo. Ee, utasebenseshi mulomo wako kwaamba shakubeca.

Jelemiya 6:13

Kuswabo kubantu bataaku ambobabete kushika akubaabo balemekwa, boonse balicitebo miyeeyo yabumbilileewo. Balaluki abapailishi abalo ngumushobo womwibo, boonse balacenjeeka bantu.

Bene Lefi 19:10

Mutanooboolela mumyuunda ya minyansa mukuyapa yeeyo yakalinga kucaalaamo nabi kubwesa yakaloka panshi. Mulyeelete kushiila bakandu abaswamashi. Nebo ndime Mwaami Lesa wanu.

Bene Loma 3:4

Napaceyuubo! Lesa ulashomeka nabi bantu boonse mbabeshi. Mbweeke bwaamba Malembo akwe Lesa ayi, “Kulilabo na waamba, bantu balyeelete kwishiba ayi nshalushinisho. Alimwi lyoonse ulyeelete kucanikwa ayi toocite mulandu pakukoombolosha.”

Bene Efeso 4:25

Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.

Bene Efeso 4:28

Muntu wakalinga mwiipi ateepi lyobilo, sombi atalike kusebensa amaansaakwe kwaamba ayi anoolicafwa akucafwako bapenshi.

Dutolonomi 5:19

“ ‘Uteepi.

Bene Kolose 3:9

Mutanoobecana mukwiinga mwashiya buumi bwanu bwakale kale amicito ya mbubo

1 Timoti 1:10

beshishikololo, basankwa boona abasankwanyinaabo, beshikuula akuulisha basha, babeshi, babeca munkuta alimwi abaabo bacita sheesho shipusene akwiisha kwalushinisho.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”