Bene Lefi 18:24 - Baibo Busansulushi Bwa Libuku Ili

²⁴ “Mutakalilengeshi kutanoosalalite kweelana aMilawo kwiinda mumicito iyi, ceebo bakunsengwe mbobakalilengesha kutanoosalalite kweelana aMilawo ubo, abo mbontootanda mucishi ca Kenani ayi mwebo mukenjileemo.

Bene Lefi 18:24 ပူးပေါင်းရင်းမြစ်များ

Matalikilo 15:16

Palaakwiinda myaaka ili 400 kwaamba ayi bamulunyungu lwako bese mucishi cino, ceebo bene Amoli teshi nkabatandeemo kabatana kuba bamucita shibi beelete kutondeshekwa bukali.”

1 Baami 9:7

lyalo bene Isilaeli ndaakubatanda mucishi ncendakabapa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakuseka bene Isilaeli akubabona ayi taaku mbobabete.

2 Makani 33:2

Wakabishisha Mwaami Lesa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

Esila 9:1

Ono shintu ishi ndishakamana kucitwa, bamatanjilili bakesa kuli ndime akwaamba ayi, “Bene Isilaeli, kubikaawo abapailishi alimwi abene Lefi tabakwe kulipatula kubantu mbobekalaabo. Balakonkela micito yabo ibiibi, mbuli ya bene Kenani, bene Iti, bene Pelisi, bene Jebusi, bene Amoni, bene Moabu, bene Ijipiti alimwi abene Amoli.

Kulumbaisha 106:39

Mboboobo mbobakalibisha kushintu nshebakacita, alimwi tabakwe kushomeka kuli Lesa mukucita sha mushobo uyo.

Jelemiya 44:4

Mankanda aanji ndakalinga kutuma basebenshi bangu balaluki mukubaambila ayi, ‘Mutanoocita shintu ishi shilensha bunya isho nshempatite!’

Esekelo 36:17

“Webo omuntu, bene Isilaeli ndibakalinga kwikala mucishi cabo, bakacibisha kubwikaalo bwabo amicito yabo. Micito yabo yakalinga kubalengesha kutanoosalalite kweelana aMilawo anga ngumwanakashi wakubala.

Bene Lefi 18:3

Tamweelete kukonkela shicita bene Ijipiti uko nkomwakalinga kwikala, nabi shicita bantu ba mucishi ca Kenani umo moontoomutola bulya.

Bene Lefi 18:30

“Amukonkele milawo iyo njendamupa, tamweelete kukonkela sheesho shakalinga kucita bantu bakalinga kwikala mucishi ico, alimwi mutakalilengeshi kutanoosalalite kweelana aMilawo kwiinda mukucita cintu ico cibiibi nabi comwi. Nebo ndime Mwaami Lesa wanu.”

Shakubelenga 35:34

Anu tamweelete kubisha cishi ncemushiiteemo mukwiinga nebo ndime Mwaami Lesa uyo wikala pakati ka bene Isilaeli.’ ”

1 Bene Kolinto 3:17

Aboobo na muntu wanyonyoola Ŋanda yakwe Lesa alakwe Lesa ulaakumunyonyoola. Ceebo Ŋanda yakwe Lesa ilisalalite alimwi mwebo ndimwe Ŋanda iyo.

Dutolonomi 12:31

Mutakanoolambila Mwaami Lesa, Lesa wanu munshila njebalambililamo balesa babo, mukwiinga pakulambila balesa babo balacita shintu shoonse shilensha bunya, isho Mwaami Lesa nshaapatite. Balo balabenga abana babo pashipaililo shabo ayi njimilambu.

Dutolonomi 18:12

Mwaami Lesa, Lesa wanu ulipatite muntu woonse ucita shintu ishi shilensha bunya. Nceceeco ncaatootandila mishobo iyo mucishi kunembo lyanu.

Dutolonomi 9:4

“Mwaami Lesa aakumana kumutandilaamo bantu abo, mutakaambi ayi, ‘Wakatuleta mucishi ici mukwiinga ndiswe tweeleteemo,’ sobwe. Mwaami Lesa ulaakubatandaamo ceebo mbamucita shibi.

Dutolonomi 9:5

Teshi kwaamba ayi muli bantu kabotu alimwi mulacita shiluleme Mwaami Lesa ncaatoomusuminishila kubwesa cishi cabo. Ulaakubatandaamo ceebo mbamucita shibi alimwi ceebo ulisuni kulama cipangano ncaakashomesha bamashali banu bakulukulu, nkokwaamba ayi Abulaamu, Isaki alimwi aJakobo.

Boomboloshi 20:10

Kumikowa yoonse ya bene Isilaeli tunanoobwesa walikumi kwaamba ayi banoopa bashilumamba shakulya. Lyalo likoto lya bashilumamba lyaakushika kuGibiya mucishi ca bene Benjameni, balaakuboosha cishole ceebo cakucita cintu cilensha nsoni mucishi ca Isilaeli.”

Boomboloshi 20:5

Mpeeke bantu ba kuGibiya bakesa akushinguluka ŋanda mondakalinga mashiku. Bakalinga kusuni kuncaya. Ono ndibakaalilwa, bakacata kasuwa wangu akukumanaakwe cakumukakatisha kushikila wafwa.

Boomboloshi 20:6

Mpeeke ndakabwesa mubili wakwe akuutimboola mushipanshapansha isho nshendakatumina mikowa ili likumi ayobilo ya bene Isilaeli. Ndakacita boobo mukwiinga bantu aba bakacita cintu cibiibi, cilensha nsoni mucishi cino ca Isilaeli.