Bene Lefi 18:21 - Baibo Busansulushi Bwa Libuku Ili

²¹ “Utabengi mwanaako musankwa uli woonse ayi ngumulambu kuli lesa wiitwa ayi Moleki, ceebo uko nkucobola liina lyangu neLesa. Ndime Mwaami Lesa.

Bene Lefi 18:21 ပူးပေါင်းရင်းမြစ်များ

1 Baami 11:33

Ntoocita boobo mukwiinga Solomoni wansuula alimwi akulambila balesa beensu. Nkokwaamba ayi Ashitaloti lesa mwanakashi wa kuSidoni, Kemoshi lesa wa kuMoabu alimwi aMoleki lesa wa kuAmoni. Solomoni wankaka, wabisha alimwi taakwe kusunga milawo yangu amilasho mbuli bwakalinga kucita Defedi ishi.

1 Baami 11:7

Pakalundu, kwicwe lya Jelusalemu wakayaka musena wakulambililawo Kemoshi lesa wa bene Moabu ulensha bunya amusena wakulambililawo Moleki lesa wa bene Amoni ulensha bunya.

2 Baami 16:3

Wakakonkela shakacita bamaami ba bene Isilaeli. Lakwe wakabenga amwanaakwe ayi ngumulambu wakutenta kushibumbwabumbwa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Baami 17:31

Bene Afa bakabumba shakwe Nibasi ashakwe Tataki. Bene Sefafaimu bakabenga bana babo ayi njimilambu yakutenta kuli Adilameleki aAnameleki balesa babo.

2 Baami 21:6

Wakabenga mwanaakwe musankwa ayi ngumulambu wakutenta. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

2 Baami 23:10

Mwaami Josiya wakanyonyoola musena wakulambililaako wa kuTofeti muCinyika ca Inomu kwaamba ayi taaku muntu weenga wabenga mwanaakwe musankwa nabi mwanakashi ayi ngumulambu wakutenta kuli Moleki.

2 Makani 28:3

Wakalinga kutenta tununkila kabotu muCinyika ca Inomu alimwi wakalinga kubenga abana bakwe ayi njimilambu yakutenta kushibumbwabumbwa. Wakalinga kucita boobo mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

Jelemiya 19:5

Bakayaka ashipaililo shakwe Baali shakutentelawo bana babo basankwa ayi njimilambu kuli nguwe. Cintu ico nceentakwe kubaambila nabi kuciyeeyaawo.

Jelemiya 32:35

Bakayakila Baali shipaililo muCinyika ca Inomu pakunootentela lesa Moleki bana babo basankwa abanakashi. Ico ncintu nceentakwe kubaambila nabi kuciyeeyaawo kwaamba ayi inga bacita cintu cilensha bunya ca mushobo uyo akulengesha bene Juda kubisha.”

Jelemiya 7:31

Bakayaka shipaililo kuTofeti muCinyika ca Inomu pakunootentela bana babo basankwa abanakashi. Ico ncintu nceentakwe kubaambila nabi kuciyeeyaawo.

Esekelo 20:26

Ndakabaleka ayi balibiishe kwiinda mumilambu yabo, bunene bunene pakubenga bana babo bakwiiya ayi njimilambu. Ndakacita boobo kwaamba ayi bakaloonde akwishiba ayi nebo ndi Mwaami Lesa.’

Esekelo 20:31

Ono abobulya mucipa shipo nshemunya akulibisha nobeene kushibumbwabumbwa nshemunya mukubenga bana banu kuli nshisho mumulilo. Ino sa inga ndamusuminisha ayi mwise mukunjipusha kuyanda kwangu mwebo nobene Isilaeli? Kweelana ambocibete lushinisho ayi ndi muumi, teshi musuminisheewo kunjipusha nabi comwi. Nebo neMwaami Lesa Shinkusu shoonse ndaamba.

Esekelo 23:37

Bakacita bufuule abucayi. Bakacita bufuule mukulambila shibumbwabumbwa shabo abucayi mukubenga baana mbobakanshalila kushibumbwabumbwa ayi babe cakulya ca nshisho.

Bene Lefi 19:12

Mutanoolumbila muliina lyangu na ulishi ayi teshi ukacite cintu ico, ceebo na wacita boobo, nkucobola liina lyangu. Nebo ndime Mwaami Lesa wanu.

Bene Lefi 21:6

Ulyeelete kunoosalalite alimwi teelete kusebaanya liina lyangu. Lakwe ulabenga milambu ya cakulya kuli ndime, aboobo ulyeelete kunoosalalite.

Bene Lefi 22:2

“Lwiita Aloni abana bakwe basankwa ayi, ‘Tamweelete kusebaanya liina lyangu lisalalite, paceebo ceeci mulyeelete kuba abulemu kumilambu isalalite iyo bene Isilaeli njebabenga kuli ndime. Nebo ndime Mwaami Lesa.

Bene Lefi 22:32

Tamweelete kunsebaanya liina lyangu lisalalite. Bene Isilaeli boonse balyeelete kunshiba ayi ndisalalite. Nebo ndime Mwaami Lesa umusalasha,

Bene Lefi 24:15

Lyalo ulwiite bene Isilaeli boonse ayi uyo woonse ushingana Lesa, ulyeelete kupekwa mulandu

Amosi 2:7

Balyatoola mitwi ya bakandu anga batoolyatoola lusuko akulengesha baabo balyatililwa kulitwa masuku pamitwi. Mwaana abaishi balakumanina kumwanakashi womwi. Mukucita boobo balasebaanya liina lyangu.

Amosi 5:26

Ono ceebo cakwaamba ayi mwasumpula Sakuti lesa wakubumba uyo ngomwiita ayi mwaami, aKaiwanu lesa ngomwakabumba anga ninyenyeenshi, mulaanooyumuna shibumbwabumbwa isho shobilo

Mika 6:7

Sa Mwaami Lesa inga wakondwa na ndamuletela cuulu ca mbelele shisankwa? Sa inga wakondwa na ndamuletela milonga iteeli ya mafuta a olifi? Sa mbenge mwanaangu musankwa wakwiiya ayi ndekelelwe shibiibi shangu? Ee, kubenga mwaana wakulishalila ceebo ca milandu yangu?

Malaki 1:12

Ono mwebo mulanyansha ndyemwaamba ayi cipaililo tacicite ncito, alimwi apakubenga milambu iteelete.

Milimo ya Batumwi 7:43

Mwakalinga kunyamuna lesa wanu Moleki mutente alimwi anyenyeenshi ya lesa wanu Lefani. Isho shakalinga shibumbwabumbwa nshemwakapanga ayi munoolambila. Paceebo ceeco, ndaakumutandila kulaale kwiindilila kucishi ca Babiloni.’

Bene Loma 1:23

Bakacileka kulambila Lesa utafwi, balalambila shibumbwabumbwa shiboneka anga mbantu bafwa nabi bayuni, banyama ba muluundu, ntaale ashintu shimwi sha mushobo uyo.

Bene Loma 2:24

Cililembetwe muMalembo akwe Lesa ayi, “Ceebo ca ndimwe nobaJuda, baswamashi bakunsengwe balacobola Lesa.”

Dutolonomi 12:31

Mutakanoolambila Mwaami Lesa, Lesa wanu munshila njebalambililamo balesa babo, mukwiinga pakulambila balesa babo balacita shintu shoonse shilensha bunya, isho Mwaami Lesa nshaapatite. Balo balabenga abana babo pashipaililo shabo ayi njimilambu.

Dutolonomi 18:10

Kutabi muntu uli woonse pakati kanu ubenga mwanaakwe musankwa nabi mwanakashi ayi ngumulambu wakutenta. Kutakabi muntu pakati kanu uba muŋanga, shikusonda, mukamwaami,