Bene Lefi 17:7 - Baibo Busansulushi Bwa Libuku Ili

⁷ Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.

Bene Lefi 17:7 ပူးပေါင်းရင်းမြစ်များ

2 Makani 11:15

Jeloboamu wakasala bapailishi bakwe mwiine ayi banoosebensela pamisena yakulambililaako ya patulundu apa shibumbwabumbwa sha mpongo asha mucende mwaana isho nshaakabumba.

Kulumbaisha 106:37

Bakalinga kubenga bana babo basankwa abana babo banakashi kumishimu ibiibi.

Kulumbaisha 106:39

Mboboobo mbobakalibisha kushintu nshebakacita, alimwi tabakwe kushomeka kuli Lesa mukucita sha mushobo uyo.

Kulonga 22:19

“Musankwa uli woonse wakumana amunyama ulyeelete kucaikwa.

Kulonga 22:20

“Alakwe uyo woonse ubenga milambu kubalesa bamwi bali boonse, kukushako ndime neMwaami Lesa, ulyeelete kucaikwa.

Kulonga 27:21

Aloni alimwi abana bakwe basankwa balyeelete kubika lilampi muTente ya Cipangano, pansengwe lwa cisani ico cili kunembo lya Libokoshi lya Cipangano. Nkokwaamba ayi lilampi ili lilyeelete kunyaka pameenso angu mpomunyaawo kuswa macolesha kushikila amacuunsa. Bene Isilaeli alimwi abamulunyungu lwabo balyeelete kunoolama mulawo uyu lyoonsebo.

Kulonga 32:8

Baswa kale munshila iyo njendakabalwiita ayi banookonkela. Basungulula golodi akupanga mucende mwaana wa golodi. Bamulambila alimwi akubenga milambu kuli nguwe. Batokwaamba ayi, ‘Nobene Isilaeli, uyu ngolesa wesu, uyo wakatukusha muIjipiti!’ ”

Kulonga 34:15

Mutakeeleshi kupanga cipangano abantu ba mucishi ico, mukwiinga pakunoolambila balesa babo alimwi akubabengela milambu, balaakumutamba amwebo. Paceebo ceeci mulaakulya nshebabenga kubalesa babo.

Jelemiya 3:1

Mwaami Lesa waamba ayi, “Sa na musankwa waleka mukaakwe, alakwe waswaako akuya mukweebwa kumwi, sa inga wamuboosha alimwi? Te ico inga calengesha cishi kutasalala? Sombi webo Isilaeli weebweebwa anga ngumwanakashi mufuule. Ono sa sunu ulisuni kupilukila kuli ndime alimwi?

Esekelo 23:3

Banakashi abo bakatalika kucita bufuule muIjipiti kabacilibo bamyooye. Mucishi umo mobakalitwa shisungu shabo.

Esekelo 23:8

Mwanakashi uyu taakwe kucileka bufuule ubu mbwaakatalikila muIjipiti basankwa ndibakalinga kukumanaakwe abo bakamulya cisungu akumulengesha kuba mufuule.

Bene Lefi 17:8

“ ‘Mwine Isilaeli woonse nabi muswamashi woonse ushiite mulikoto lyabo ubengela mulambu wakutenta nabi mulambu umwi woonse

Bene Lefi 20:5

nebo nemwiine ndaakumwaalukila abamuŋanda yakwe boonse, alimwi abaabo boonse beenga babula kushomeka kuli ndime kwiinda mukulambila Moleki. Teshi nkanoocibayeeyela kuba bantu bangu.

Bene Lefi 3:17

Taaku mwine Isilaeli nabi womwi weelete kulya mafuta nabi bulowa. Uyu ngumulawo bene Isilaeli boonse ngobeelete kukonkela lyoonsebo, kuli koonse nkweenga kababete.”

Joni 12:31

Ono cashikila ciindi cakwaamba ayi bantu ba pacishi ca panshi boomboloshekwe. Ono Satana mweendeleshi wa panshi pano wakomwa.

Joni 14:30

Teshi ntolelele kwaamba amwebo mukwiinga mwaami wa mucishi ca panshi utoosa. Taacite nkusu pali ndime,

1 Bene Kolinto 10:20

Sobwe, sombi ntokwaamba ayi shipo shipekwa pashipaililo sha bakunsengwe shilapekwa kubashikaswa kuteshi kuli Lesa. Ono nebo nshisuni kwaamba ayi mwebo munoocatana abashikaswa.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

Bene Efeso 2:2

Paciindi ico mwakalinga kweenda munshila sha bantu bakunsengwe. Mwakalinga kukonkela mweendeleshi wa bashikaswa wa muluuwo, mushimu ubiibi uyo weendelesha bantu batanyumfwili Lesa.

Dutolonomi 31:16

Mwaami Lesa wakaambila Mose ayi, “Webo utoofwa onoono, ono na ufwe, bene Isilaeli balaakucileka kushomeka kuli ndime akutalika kulambila balesa beensu ba mucishi ico ncebatooyaamo. Balaakunkaka akupwaya cipangano cili pakati pali mbabo anebo.

Dutolonomi 32:17

Bakabenga milambu kubalesa abo bateshi bancinencine, balesa mbobatakalinga kwishi, balesa bapya, abo bamashali babo mbobatakwe kulemekaawo.

Ciyubululo 9:20

Ono bantu boonse abo bakacaala, abo batakwe kucaikwa amyaalu yotatwe iyi, tabakwe kusanduka kuswa kushintu isho nshebakalipangila beene. Tabakwe kucileka kulambila bashikaswa, shibumbwabumbwa sha golodi, sha silifa, sha bulonse, sha mabwe alimwi asha shisamu. Shintu ishi tashiboni, kunyumfwa nabi kweenda.