Bene Lefi 17:10 - Baibo Busansulushi Bwa Libuku Ili

¹⁰ “ ‘Na mwine Isilaeli nabi muswamashi umwi woonse ushiite mulikoto lyabo walya nyama icite bulowa, nebo neMwaami Lesa ndaakumufutatila alimwi teshi akanoociyeeyelwa kuba mulikoto lya bantu bangu.

Bene Lefi 17:10 ပူးပေါင်းရင်းမြစ်များ

Matalikilo 9:4

Ncemuteeletebo kulya, ninyama icicite bulowa. Ndamukasha kucita boobo mukwiinga buumi buli mubulowa.

2 Samwelo 23:17

Wakaamba ayi, “NoBaami baLesa, cintu ca mushobo uyu nsheelete kucicita napaceyi. Bantu aba beensha buumi bwabo mumaansa kuya mukuteka maanshi aya aboobo inga caba anga ntoonwa bulowa bwabo.” Munshila iyo wakakaka kunwa maanshi ayo. Shamushobo uyo nsheshintu bashilumamba bakalinga kupukite botatwe abo nshebakacita mukubula boowa.

Kulumbaisha 34:16

sombi ulipatite bantu bacita bubi kwaamba ayi kukabule ubeebaluka baakufwa pacishi ca panshi coonse.

Kulonga 30:33

Uyo woonse ngweenga wapanga mafuta ali mbuli ngawo, nabi kunanika muntu umwi uteshi mupailishi, teshi akanoociyeyeelwa kuba mulikoto lya bantu bangu.’ ”

Jelemiya 21:10

Ndabala iyi ndiipingite kwiinyonyoola kuteshi kwiicitila shibotu. Ilaakupekwa mumaansa a mwaami wa kuBabiloni uyo weshi akeenyonyoole amulilo. Nebo neMwaami Lesa ndaamba.”

Jelemiya 44:11

“Paceebo ceeco nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Nebo ndishinishite kumuletela mapensho akunyonyoola cishi ca Juda coonse.

Esekelo 14:8

Muntu uyo ndaakumupata akumusandula kuba citondesho kubamwi alimwi akuba kashimi. Ndaakumukusha pakati ka bantu bangu. Lyalo ndyeshi mukeshibe ayi nebo ndi Mwaami Lesa.

Esekelo 15:7

Ndaakubapa mulandu. Nabi bakapuluka kuswa kumulilo womwi, mulilo umwi ulaakubatenta. Ndaakumana kubapa mulandu, ndyeshi mukeshibe ayi nebo ndi Mwaami Lesa.

Esekelo 33:25

“Paceebo ceeco balwiite ayi nebo neMwaami Lesa Shinkusu shoonse ndaamba ayi, ‘Mwebo mulalya nyama icicite bulowa, mulalambila shibumbwabumbwa alimwi mulacaya bantu. Sa ubo ingayi mulyeelete kupekwa cishi?

Esekelo 44:7

Babisha Ŋanda yangu kwiinda mukusuminsha baswamashi batapalwitwe, ee, bantu batanyumfwili ndime, kwinjila muŊanda yangu ciindi mafuta abulowa ndyeshibengwa kuli ndime. Aboobo bantu bangu bapwaya cipangano cangu kushintu shilensha bunya nshebakacita.

Bene Lefi 17:11

Buumi bwa cintu cili coonse cuumi buli mubulowa. Anu nceceeco nebo neMwaami Lesa nceŋambila ayi bulowa boonse bunootilwa pacipaililo, kwaamba ayi shibiibi sha bantu shikushikwe. Nkokwaamba ayi bulowa ubo buli mbobuumi, bulakusha shibiibi.

Bene Lefi 19:26

“Tamweelete kulya nyama ili yoonse icicite bulowa mukati. “Tamweelete kuba beshikusonda nabi baloshi.

Bene Lefi 26:17

Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.

Bene Lefi 3:17

Taaku mwine Isilaeli nabi womwi weelete kulya mafuta nabi bulowa. Uyu ngumulawo bene Isilaeli boonse ngobeelete kukonkela lyoonsebo, kuli koonse nkweenga kababete.”

Amosi 9:4

Nabi balwani babo bakabatole mubusha, ndaakulengesha ayi bakacaikwe kunkondo. Ndishinishite kubanyonyoola kuteshi kubacafwa napaceyi.”

Milimo ya Batumwi 15:20

Sombi tulyeeletebo kubalembela nkalata yakubalwiita ayi tabeelete kulya shakulya shitasalalite ceebo nshipo shakapekwa kushibumbwabumbwa, kutacita cikololo, kutalya nyama shakashinwa alimwi abulowa.

Milimo ya Batumwi 15:29

Mutanoolya cakulya cakapekwa kushibumbwabumbwa, mutanoolya bulowa, mutanoolya banyama bakashinwa alimwi mutanoocita cikololo. Mwebo mulaakucita kabotu namukasuunge shintu ishi. Amucaale kabotu.”

Dutolonomi 12:16

Nakubi boobo tamweelete kulya bulowa bwa banyama, mulyeelete kubutila panshi anga ngamaanshi.

Dutolonomi 12:23

Ono ncemuteeletebo kucita nkulya nyama icicite bulowa ceebo buumi buli mubulowa, aboobo tamweelete kulya buumi pantu pomwi anyama.

Dutolonomi 15:23

Tamweelete kulya bulowa bwa banyama, sombi mulyeelete kubutila panshi anga ngamaanshi.

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!

1 Samwelo 14:32

Aboobo bakacicilabo pashintu nshibakasaala balwani, akubwesa mbelele aŋombe. Bakashicaya pamusena mpomunyaawo alimwi akulya nyama keecicitebo abulowa.

1 Samwelo 14:33

Lyalo umwi wakalwiita Saulo ayi, “Amubone bantu batoobishisha Mwaami Lesa kwiinda mukulya nyama icite bulowa.” Mpomunyaawo wakaamba ayi, “Tamukwe kushomeka. Amukunkulushe libwe linene mulilete waano bulya onoono.”