Bene Lefi 16:6 - Baibo Busansulushi Bwa Libuku Ili

⁶ Mpeeke ulaakubenga mucende ayi ngumulambu wakukusha shibiibi shakwe alimwi asha bamuŋanda yakwe.

Bene Lefi 16:6 ပူးပေါင်းရင်းမြစ်များ

Jobo 1:5

Ono kwakalinga nkwishibila kwakwe Jobo kwaamba ayi na kusekelela kwamana, lakwe macuunsacuunsa wakalinga kubengela mwanaakwe womwi awomwi mulambu wakutenta mukumusalasha. Wakalinga kucita boobo mukwiinga wakalinga kuyeeya ayi, “Cimwi ciindi bana bangu bakabisha akushingana Lesa cakuteshiba.”

Esekelo 43:19

Bapailishi bene Lefi bamulunyungu lwakwe Sadoki beenkabo mbobeelete kwisa kunembo lyangu mukunsebensela. Nebo neMwaami Lesa Shinkusu shoonse ndime ndapa mulawo uyu. Mulaakubapa mucende mwaana pakubenga mulambu wakulekelelwa shibiibi.

Esekelo 43:27

Kumeelelesho anshiku isho, kutalikila pabushiku bwasanu ashotatwe kuya kunembo, bapailishi balyeelete kutalika kubenga milambu yakutenta aya bwanabwankashi ya bantu pacipaililo. Lyalo ndaakusangalala pali ndimwe noonse. Nebo neMwaami Lesa Shinkusu shoonse ndaamba.”

Bene Lefi 16:3

“Aloni ulyeelete kwiinjila muMusena Usalalite Wiindaawo na wamana kuleta mucende mwaana ayi ngumulambu wakulekelelwa shibiibi alimwi ambelele isankwa ya mulambu wakutenta.

Bene Lefi 16:7

Lyalo ulaakutola mpongo shobilo isho akushishisha kunembo lya Mwaami Lesa kumulyango wa Tente ya Cipangano.

Bene Lefi 9:7

Kuswawaawo wakaambila Aloni ayi, “Koya kucipaililo ukabenge mulambu wakulekelelwa shibiibi alimwi amulambu wakutenta ayi milambu iyo ikushe shibiibi shako ashibiibi sha bantu boonse. Benga mulambu uyu ayi shibiibi sha bantu shikushikwe, bweenka bwakaamba Mwaami Lesa.”

Bene Ebulu 7:27

Peculu lya waawo taabete mbuli bapailishi banene bamwi tau. Lakwe taceelete kunoocaya banyama nshiku shoonse pacipaililo ceebo ca shibiibi shakwe, kuboolaawo asha bantu. Wakacita boobo linkanda lyomwibo ndondoli, ndyaakalibenga mwiine ayi abe mulambu kuli Lesa.

Bene Ebulu 9:12

Klistu ndyaakenjila mutente, akwinjila linkanda lyomwibo ndondoli muMusena Usalalite Wiindaawo, taakwe kutola bulowa bwa mpongo nabi bwa bacende ayi ape kuli Lesa. Sombi lakwe wakatola bulowa bwakwe mwiine akutubambila lupulusho lutamaani.

Bene Ebulu 9:7

Sombi mupailishi munene eenkabo ngowakalinga kwinjila mucipinda ca mukati alimwi ndinkanda lyomwibo pamwaaka. Wakalinga kwinjila abulowa ubo mbwaakalinga kupa kuli Lesa ceebo ca shibiibi shakwe mwiine alimwi asha bantu isho nshebakacita kabateshi.