22 Mpongo iyo ilaakutola shibiibi shabo shoonse mumusena umwi mutekaali bantu.
Taatupi milandu kweelana ashibiibi shesu, nabi kutubooshela cishole kweelana ashilubo shesu.
Bweenka mbuli kumbo akwicwe mbokutalamukene, mbweeke ubo shibiibi shesu mbwaashitalamusha kuswa kuli ndiswe.
Shibiibi shakwe shoonse shilaakulekelelwa alimwi ulaakuba abuumi ceebo cakucita shintu shiluleme.
“Mpeeke woone panshi koonena kulubasu lwacipiko akulibika mukuli wa shibiibi sha mushobo wa bene Isilaeli. Ulaakunyamuna shibiibi shabo isho kwanshiku isho nsheshi ukoonene kulubasu ulo.
Ulaakusanseela bulowa mankanda osanwe aobilo pamuntu uyo utoosalashikwa kumanata, akumwaamba ayi ulisalalite. Mpeeke ulaakuleka muyuni muumi ayi aye muluundu.
Ulaakubika maansaakwe oonse obilo pamutwi wa njiyo akwaamba bubi boonse, shibiibi, alimwi akwaaloka kwa bene Isilaeli koonse pali njiyo. Pakucita boobo ulaakushituntulwita pamutwi wa mpongo iyo. Lyalo palaakusalwa musankwa weshi akeetole muluyanga.
“Kuswawaawo Aloni ulaakwinjila muTente ya Cipangano, akafuule shakufwala sha bupailishi isho nshaalinga kufwete kaatana kwiinjila muMusena Usalalite Wiindaawo, akushishiya mweenka umo.
Mulaakutunyumfwila nkumbu alimwi. Mulaakulyata shibiibi shesu amyeendo yanu akuwaala shilubo shesu panshi peene palweenge.
Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!
Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”
Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.
Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.