Bene Lefi 16:2 - Baibo Busansulushi Bwa Libuku Ili

² Wakaamba ayi, “Lwiita mukwanu Aloni ayi teelete kwiinjila muMusena Usalalite Wiindaawo uli kwisule lya cisani cakushitilisha kulilabo na wayanda, mukwiinga umo moombonekela mulikumbi peculu lya cifwekesho ca Libokoshi lya Cipangano. Na akabule kunyumfwila, ulaakufwa.

Bene Lefi 16:2 ပူးပေါင်းရင်းမြစ်များ

1 Baami 6:16

Cipinda ca mukati mwiine ico cakalinga kwiitwa ayi Musena Usalalite Wiindaawo cakalinga kwisule lya Ŋanda yakwe Lesa. Mubulaamfu cakalinga kulaampa mamita ali 9 alimwi cakapansaanishikwa ashipulanga sha sida kuswa panshi kushika peculu.

1 Baami 8:6

Lyalo bapailishi bakanyamuna Libokoshi lya Cipangano akulitola muŊanda yakwe Lesa akulibika muMusena Usalalite Wiindaawo muunshi lya mapapaminwa a bakelebu.

2 Makani 5:14

Mpeeke bapailishi bakaalilwa kucita mulimo wabo mukwiinga muŊanda yakwe Lesa mwakesula likumbi lya bulemu bwa Mwaami Lesa.

Kulonga 30:10

Aloni ulyeelete kucita kwishibila kwa kusalasha cipaililo linkanda lyomwi pamwaaka. Ulyeelete kunanika bulowa bwa mulambu wakulekelelwa shibiibi pashintu shili anga ngameeca. Nkokwaamba ayi ici cilyeelete kunoocitika lyoonsebo pamwaaka mumashalane anu oonse acisa. Sombi cipaililo ici cilyeelete kunoosalalite cancinencine, cinoolibo caangu nebo neMwaami Lesa.”

Bene Lefi 16:13

Mweenka umo kunembo lyangu neMwaami Lesa, ulaakubika tununkila kabotu pamulilo, mpeeke bwiishi bwa tununkila kabotu bulaakushisa cifwekesho ca Libokoshi lya Cipangano kwaamba ayi atacibooni akufwa.

Bene Lefi 16:34

Milawo iyi ilyeelete kunookonkelwa lyoonsebo. Kucita kweelana aMilawo uku kulyeeleete kunoocitwa linkanda lyomwi pamwaaka kwaamba ayi bene Isilaeli basalashikwe kuswa kushibiibi shabo shoonse.” Aboobo Mose wakacita kweelana abwakamwaambila Mwaami Lesa.

Bene Lefi 23:27

“Bushiku bwalikumi mumweenshi wasanu ayobilo bulaakuba bushiku bwakusalashikwa kuswa kushibiibi. Tamweelete kulya cintu nabi comwi, sombi mulyeelete kubungana ayi munambile alimwi akupa cipo ca cakulya kuli ndime neMwaami Lesa.

Bene Lefi 8:35

Mulyeelete kunooshiite pamulyango wa Tente ya Cipangano malumwi amashiku kwanshiku shili shosanwe ashobilo akucita caamba Mwaami Lesa. Na mukabule kucita boobo, mulaakufwa. Anu Mwaami Lesa mbwaakandwiita ubo.”

Shakubelenga 17:10

Kuswawaawo Mwaami Lesa wakaambila Mose ayi, “Boosha nkoli yakwe Aloni kunembo lya Libokoshi lya Cipangano. Ilyeelete kubikwa ayi njakucenjesha bene Isilaeli abo beshikubukila bamatanjilili ayi balaakufwa na kutongooka kwabo kubule kumana.”

Shakubelenga 18:7

Sombi webo alimwi abana bako basankwa nweenkabo, ndimwe mweelete kusebensa mulimo wa bupailishi, uyo ukumite kucipaililo alimwi aMusena Usalalite Wiindaawo. Uyu mulimo wa bupailishi ncipo ncendamupa. Uyo woonse umwi weenga wasena pafwaafwi aMusena Usalalite ulyeelete kucaikwa.”

Shakubelenga 4:19

ayi bacaikwe kwiinda mukusena muliimfwa lya shintu shisalalite shiindaawo ishi. Ono kwaamba ayi citacitiki ici, Aloni abana bakwe basankwa balaakwinjila mukati akupa muntu womwi awomwi mulimo wakucita alimwi akumulwiita cakunyamuna.

Shakubelenga 4:5

Na ciindi cakulonga cashikila, Aloni abana bakwe basankwa balyeelete kwinjila muTente akwaangula cisani cakushitilisha cili kunembo lya Libokoshi lya Cipangano alimwi akufweka Libokoshi ilyo ancico.

Mateyo 27:51

Paciindi ceenka ico, cisani cakalinga kushitilisha muŊanda yakwe Lesa, cakakwaamuka pakati, kuswa peculu apanshi. Cishi cakatenkaana amabwe akapasuka.

Bene Ebulu 6:19

Kulangila kwesu uku, kuli anga nceela cakwiimikisha bwaato mubuumi bwesu. Nkokwaamba ayi kulalengesha ayi tubule boowa alimwi tunooshinishite. Kulaakutushisha kwiculu muŋanda yakwe Lesa kwiinda mucisani cishitilisha akwinjila mumusena usalalite wa mukati.

Bene Ebulu 9:25

Mupailishi munene wa baJuda ulenjila muMusena Usalalite Wiindaawo linkanda lyomwi pamwaaka, akutola bulowa bwa munyama, buteshi bwakwe. Sombi Klistu taakwe kwiinjila ayi anoolibenga lyoonse,

Bene Ebulu 9:3

Kwisule lya cisani cakalinga kushitilisha mwakalinga cipinda cakalinga kwiitwa ayi Musena Usalalite Wiindaawo.

Bene Ebulu 9:5

Ono peculu paLibokoshi ili, pakalinga shintu shicite mapapaminwa shiitwa ayi bakelebu isho shakalinga kubonesha ayi Lesa mpwaali. Mapapaminwa a nshisho akalinga kufwekelesha cifwekesho ca Libokoshi apo pakalinga kulekelelwa shibiibi. Sombi bulya inga tacikonsheki kusansulula kabotu shoonse.

Ciyubululo 15:8

Lyalo Ŋanda yakwe Lesa yakesula bwiishi buswa kubulemu bwakwe Lesa alimwi ankusu shakwe. Taaku nabi womwi wakakonsha kwinjila muŊanda yakwe Lesa kushikila ndiyakamana myaalu ili yosanwe ayobilo yakaleta baanjelo bosanwe abobilo abo.