Bene Lefi 15:5 - Baibo Busansulushi Bwa Libuku Ili

⁵ Uyo woonse weenga wakumya bulo bwakwe mpaaona, ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.

Bene Lefi 15:5 ပူးပေါင်းရင်းမြစ်များ

Kulumbaisha 26:6

Ndasamba kumaansa kutondesha ayi taaku cibiibi ncendakacita, ndeendaana kucipaililo canu mukumulambila noBaami baLesa.

Kulumbaisha 51:2

Amunsaanshe kulubisha kwangu koonse, akunsalasha kuswa kushibiibi shangu.

Kulumbaisha 51:7

Amunkushe shibiibi kwaamba ayi mbe usalalite, ee, amunsaanshe lyalo ntootuba kwiinda mapepe a nkobokobo.

Kulonga 19:10

alakwe Mwaami Lesa wakamwaambila ayi, “Koya ukalwiite bantu ayi kutalika sunu alimwi aciilo, balyeelete kulisalasha ayi balibambile kulambila Lesa. Balyeelete kucapa shakufwala shabo

Isaya 1:16

Amulisaanshe mutube. Amucileeke kucita bubi boonse ubu mboomubona kamucita. Ee, amucileeke kucita shitaluleme.

Isaya 22:14

Mwaami Lesa, ee, Mwaami Lesa Shinkusu shoonse waŋambila ayi, “Cibiibi cabo teshi cikalekelelweewo kushikila bakafwe. Nebo neMwaami Lesa, Lesa Shinkusu shoonse ndaamba.”

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Esekelo 36:29

Ndaakumupulusha kusheesho shoonse shakalinga kumubisha. Ndaakulengesha shili anga ngamaila kufula cakutakolwawo tubili nsala.

Bene Lefi 11:24

“Shintu shoonse isho inga shamulengesha kutanoosalalite. Uyo woonse weenga wacata mituntu ya nshisho teshi akanoosalalite kushikila macolesha.

Bene Lefi 11:25

Uyo woonse weenga wabwesa mutuntu wa comwi pali nshisho, ulyeelete kucapa shakufwala shakwe, nakubi boobo teshi akanoosalalite kushikila macolesha.

Bene Lefi 11:28

Uyo woonse weenga wabwesa mituntu yabo ulyeelete kucapa shakufwala shakwe, nakubi boobo teshi akanoosalalite kushikila macolesha. Ishi shintu tashisalalite kuli ndimwe.

Bene Lefi 11:32

Ono na mituntu yabo yalokela pacimwi cintu, acalo teshi cikanoosalalite. Cikani ici cilikumite kushintu sha cisamu, cisani, cipaya, nabi lisaka lya mulimo uli woonse. Cilyeelete kusumpwa mumaanshi, sombi teshi cikanoosalalite kushikila macolesha.

Bene Lefi 13:34

Pabushiku bwasanu ashobilo, mupailishi ulaakubona cilonda cakwe alimwi. Ono na tacikwe kwiindaawo akutenjila bunene kwiindilila cikanda, ulaakumwaamba ayi ulisalalite kweelana aMilawo. Muntu uyo ulyeelete kucapa shakufwala shakwe, lyalo ulaakunoosalalite.

Bene Lefi 13:6

Mupailishi ulaakubona muntu uyo alimwi pabushiku bwasanu ashobilo. Ono na cilonda coosha cakubula kwiindaawo, ulaakumwaamba ayi ulisalalite kweelana aMilawo. Nkokwaamba ayi ncilondabo. Muntu uyo ulaakucapabo shakufwala shakwe lyalo ulaakunoosalalite kweelana aMilawo.

Bene Lefi 14:27

alimwi akusanseela amwi mankanda osanwe aobilo amunwe wakwe wakululyo peenka apo kunembo lyangu neMwaami Lesa.

Bene Lefi 15:18

Na musankwa amwanakashi bakumana, boonse bobilo balyeelete kusamba. Nakubi boobo teshi bakanoosalalite kushikila macolesha.

Bene Lefi 15:4

Anu apo pabulo poonse mpweenga woona alimwi apacintu coonse mpeenga wekala tapasalalite kweelana aMilawo.

Bene Lefi 15:6

Uyo woonse wekala pacintu nceenga musankwa uyo weekalaawo, ulyeelete kucapa shakufwala nsheenga kaafwete akusamba, nakubi boobo teshi akanoosalalite kushikila macolesha.

Bene Lefi 16:26

Musankwa uyo walinga watola mpongo muluyanga kuli Asaselo ulyeelete kucapa shakufwala nsheenga kaafwete alimwi akusamba kaatana kuboola mumisumba.

Bene Lefi 16:28

Alakwe uyo weshi akanooshitenta ulyeelete kucapa shakufwala nsheenga kaafwete alimwi akusamba kaatana kuboola kumisumba.

Bene Lefi 17:15

“ ‘Muntu uli woonse, mwine Isilaeli nabi muswamashi weenga walya nyama ya munyama wakalifwita nabi wakacaikwa kubanyama ba muluundu, ulyeelete kucapa shakufwala shakwe, kusamba pamubili akulindila kushikila macolesha ayi abe usalalite kweelana aMilawo.

Shakubelenga 19:10

Muntu uyo weenga wayola milota ulyeelete kucapa shakufwala shakwe. Nakubi boobo teshi akanoosalalite kushikila macolesha. Bene Isilaeli alimwi abaswamashi mbobashiitaabo balyeelete kunookonkela mulawo uyu lyoonsebo.

Shakubelenga 19:22

Anu ico coonse muntu utasalalite kweelana aMilawo nceenga wakumya, ingayi acalo tacisalalite, alakwe uyo weenga wacikumya teshi akanoosalalite kushikila macolesha.”

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

Bene Ebulu 9:26

mukwiinga ubo naakalinga kupenshekwa lyoonse, kuswa kumalengelo a cishi. Sombi wakabonekabo linkanda lyomwi kwiimikanina boonse mulishalane lino lya mamanino, kwaamba ayi akushe shibiibi kwiinda mukulibenga kwakwe.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.

1 Samwelo 20:26

Saulo taaku ncaakaamba ubo bushiku mukwiinga wakayeeya ayi kuli camucitikila Defedi camulengesha kutasalala kweelana aMilawo.