Bene Lefi 15:31 - Baibo Busansulushi Bwa Libuku Ili

³¹ “Ulyeelete kutalamusha bene Isilaeli kuswa kushintu shilengesha kutanoosalalite kweelana aMilawo kwaamba ayi batakabishi Tente yangu ya Cipangano iyo ili pakati kabo. Na bakeebishe, balaakumana kufwa.”

Bene Lefi 15:31 ပူးပေါင်းရင်းမြစ်များ

Kulumbaisha 66:18

Nindalinga kucikondwa shibiibi mumoyo wangu, naakwiinga Mwaami Lesa taakwe kunyumfwa mupailo wangu.

Esekelo 23:38

Tabakwe kucitabo sheenka ishi, sobwe. Paciindi ceenka ico bakabisha amusena wangu usalalite akutyola bushiku bwangu bwakookesha bwa Cibelu.

Esekelo 36:17

“Webo omuntu, bene Isilaeli ndibakalinga kwikala mucishi cabo, bakacibisha kubwikaalo bwabo amicito yabo. Micito yabo yakalinga kubalengesha kutanoosalalite kweelana aMilawo anga ngumwanakashi wakubala.

Esekelo 44:23

Bapailishi balyeelete kwiisha bantu bangu bupusano buli pakati ka shintu shisalalite ashitasalalite alimwi abupusano buli pakati ka shintu shisalalite kweelana aMilawo ashitasalalite.

Esekelo 5:11

“Aboobo nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mbweeke ubo ceebo cakwaamba ayi mwakalengesha musena wangu usalalite kutanoosalalite kweelana aMilawo kwiinda mushikoshanyo shanu amicito ilensha bunya, ndaakumunyonyoola cakutamufwitaawo nkumbu.

Danyelo 9:27

Muleli uyo ulaakuba acipangano ciyumu abantu baanji kwamyaaka ili 7. Musa wa ciindi ico waakwiinda, ulaakukasha kubenga milambu akupa shipo. Mpeeke ulaakubika Cintu cilya Ciloondesha pakansunswa ka ciluli ca Ŋanda yakwe Lesa alimwi cilaakunooli waawo kushikila uyo wakacibikaawo akanyonyoolwe kweelana akubamba kwakwe Lesa.”

Bene Lefi 11:47

Mulyeelete kucenjela ayi mupusanye shintu shisalalite kweelana aMilawo asheesho shitasalalite, nkokwaamba ayi pabanyama beelete kulikwa abaabo bateelete kulikwa.”

Bene Lefi 13:59

Anu iyi njemilawo ya kubunda kwa pacakufwala ca booya bwa mbelele, cakufwala ca cisani citeshimite, cintu cili coonse ca cisani citeshimite, ca booya bwa mbelele, nabi cintu cili coonse ca cipaya. Iyi njenshila yakwishiba na cilisalalite nabi tacisalalite kweelana aMilawo.

Bene Lefi 15:32

Iyi njemilawo ya pamusankwa utooswa mashina kubusankwa nabi waliwaalila,

Bene Lefi 19:30

“Kamulama bushiku bwakookesha bwa Cibelu alimwi akulemeka musena wangu usalalite. Nebo ndime Mwaami Lesa.

Bene Lefi 20:3

Na umwi wabenga mwanaakwe umwi kuli Moleki akulengesha ayi Tente yangu isalalite ibule kunoosalalite alimwi akusebaanya liina lyangu lisalalite, ndaakumwaalukila alimwi teshi nkanoocimuyeeyela kuba mulikoto lya bantu bangu.

Bene Lefi 21:23

Sombi ceebo ca bulema mbwaacite, teelete kushika pafwaafwi acisani cisalalite cakushitilisha nabi kuya kucipaililo. Teelete kulengesha ayi shintu shisalalite ishi shikabule kunoosalalite mukwiinga ndime Mwaami Lesa uyo ushisalasha.”

Shakubelenga 19:13

Uyo woonse weenga wakumya kumutuntu akubula kulisalasha, ulaba kaatasalalite mukwiinga maanshi akusalasha taakwe kusanseelwa pali nguwe. Muntu uyo ulabisha Tente ya Cipangano yangu neMwaami Lesa, aboobo teshi akanoociyeeyelwa kuba mulikoto lya bene Isilaeli.

Shakubelenga 19:20

“Uyo woonse utasalalite kweelana aMilawo na wabula kulisalasha, teshi akanoosalalite ceebo maanshi akusalasha taakwe kusanseelwa pali nguwe. Muntu uyo ingayi wabisha Tente ya Cipangano cangu neMwaami Lesa alimwi teshi akanoociyeeyelwa kuba mulikoto lya bantu bangu.

Shakubelenga 5:3

Bantu abo boonse, basankwa abanakashi, ubatandeemo kwaamba ayi batabishi misumba yanu umo moonkala pakati ka bantu bangu.”

1 Bene Kolinto 3:17

Aboobo na muntu wanyonyoola Ŋanda yakwe Lesa alakwe Lesa ulaakumunyonyoola. Ceebo Ŋanda yakwe Lesa ilisalalite alimwi mwebo ndimwe Ŋanda iyo.

Dutolonomi 24:8

“Kumakani a manata, mulyeelete kucita shoonse isho bapailishi bene Lefi nsheenga bamulwiita. Mulyeelete kukonkela milasho yoonse iyo njendabalwiita.

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

1 Samwelo 3:14

Aboobo ndakashomesha cakulumbila kubamuŋanda yakwe Eli ayi taaku mulambu nabi cipo ceshi cikakonshe kumana mulandu wa cibiibi ciyoosha ca mushobo uyu.”