Bene Lefi 15:13 - Baibo Busansulushi Bwa Libuku Ili

¹³ “Na musankwa uyo waba kabotu, ulyeelete kulindila peenda nshiku shosanwe ashobilo, lyalo akacape shakufwala nsheshi akanoofwete akusamba mumaanshi abotu a mukantupu. Mpeeke ulaakuba muntu usalalite kweelana aMilawo.

Bene Lefi 15:13 ပူးပေါင်းရင်းမြစ်များ

Kulonga 29:35

“Ulyeelete kucita shoonse shiyandika pakubikwa Aloni alimwi abana bakwe basankwa pabupailishi. Ulyeelete kutola nshiku shosanwe ashobilo, akucita kweelana ambondakakwaambila.

Kulonga 29:37

Ukanoocita mbomunya ubo kwanshiku shosanwe ashobilo shoonse. Lyalo cipaililo cilaakunoosalalite abuumbi, alimwi cintu cili coonse ceenga cakumyaako cilaakucisikwa ceebo cipaililo cilisalalite.

Jelemiya 33:8

Ndaakubasalasha kuswa kushibiibi isho nshebakambishila. Ncakwiila ndaakulekelela shibiibi shabo alimwi abwaashu bwabo.

Bene Lefi 14:10

“Lyalo pabushiku bwasanu ashotatwe ulyeelete kuleta mbelele shobilo shisankwa alimwi ayanankashi shoonse shicite mwaaka womwi alimwi shitacite kampenda, pantu pomwi amakilogilamu otatwe a fulaulo usenkene amafuta a olifi ayi cibe ncipo ca fulaulo, alimwi acomwi ca shotatwe sha lita ya mafuta a olifi.

Bene Lefi 14:8

Mpomunyaawo muntu uyo ulyeelete kucapa shakufwala shakwe, kukulula misusu yakwe yoonse alimwi akusamba pamubili. Lyalo ulaakunoosalalite kweelana aMilawo. Inga wenjila amumisumba, sombi ulyeelete kwikala pansengwe lya tente yakwe kwanshiku shosanwe ashobilo.

Bene Lefi 15:28

Na bulowa bwacileka kuswa, ulyeelete kulindila peenda nshiku shosanwe ashobilo, kuswawaawo ndyeshi akabe usalalite kweelana aMilawo.

Bene Lefi 15:5

Uyo woonse weenga wakumya bulo bwakwe mpaaona, ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.

Bene Lefi 8:33

Tamweelete kuswa kumulyaango wa Tente ya Cipangano kwanshiku shosanwe ashobilo, kushikila kusekelela kwanu kwakubikwa pabupailishi kukamaane.

Bene Lefi 9:1

Ono pabushiku bwakaboolaawo ndibakamana kusekelela, Mose wakeeta Aloni abana bakwe basankwa alimwi abamaloba ba bene Isilaeli.

Shakubelenga 12:14

Alakwe Mwaami Lesa wakakumbula ayi, “Baishi nibakamushipila mate kumeenso, naakwiinga wekala nshiku shosanwe ashobilo mumusebaanyo wakwe. Mbweeke ubo atanoonjila mumisumba kwansondo yomwi. Kuswawaawo ndyeshi akabooshekwe mukati.”

2 Bene Kolinto 7:1

Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.