Bene Lefi 14:7 - Baibo Busansulushi Bwa Libuku Ili

⁷ Ulaakusanseela bulowa mankanda osanwe aobilo pamuntu uyo utoosalashikwa kumanata, akumwaamba ayi ulisalalite. Mpeeke ulaakuleka muyuni muumi ayi aye muluundu.

Bene Lefi 14:7 ပူးပေါင်းရင်းမြစ်များ

2 Baami 5:10

Mpomunyaawo Elisha wakatuma musebenshi wakwe ayi alwiite Naamani ayi, “Kamuya musambe mankanda ali osanwe aobilo muMulonga wa Joodani, bulwashi bwanu butoomana.”

2 Baami 5:14

Mpomunyaawo Naamani wakaya kuMulonga wa Joodani akuliwaala mumaanshi mankanda ali osanwe aobilo bweenka bwakamwaambila Elisha. Lyalo wakaba kabotu alimwi mubili wakwe wakaboolabo anga ngwa mwaana kateta.

Kulumbaisha 51:2

Amunsaanshe kulubisha kwangu koonse, akunsalasha kuswa kushibiibi shangu.

Kulumbaisha 51:7

Amunkushe shibiibi kwaamba ayi mbe usalalite, ee, amunsaanshe lyalo ntootuba kwiinda mapepe a nkobokobo.

Isaya 52:15

Sombi bulya bantu baanji balaakucatabo pamilomo baakumubona. Bamaami balaakubula amaswi akwaambaawo ceebo cakukankamana. Ncakwiila balaakubona akunyumfwa cintu ncebatana kunyumfwaawo kale.”

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Bene Lefi 13:13

mupailishi ulyeelete kumubona alimwi. Na wacana ayi ncakwiila akumanabo mubili woonse, ulaakumwaamba ayi ulisalalite kweelana aMilawo. Na cikanda cakwe coonse catuba, nkokwaamba ayi ulisalalite kweelana aMilawo.

Bene Lefi 13:17

uyo weelete kumubona alimwi. Na cilonda catuba, nkokwaamba ayi ulisalalite, alakwe mupailishi ulaakumwaamba ayi ulisalalite.

Bene Lefi 14:51

Lyalo ulaakubwesa kasamu ka sida, fuute, kasani kasalala alimwi amuyuni muumi akushisumpa mubulowa bwa muyuni wacaikwa alimwi amumaanshi abotu a mukantupu. Kuswawaawo ulaakusanseela kuŋanda mankanda osanwe aobilo.

Bene Lefi 16:14

Mpeeke ulaakubwesa bulowa bumwi bwa mucende, akasumpemo munwe akusanseela peculu lya cifwekesho alimwi akusanseela bumwi kunembo lya Libokoshi lya Cipangano mankanda osanwe aobilo.

Bene Lefi 16:19

Lyalo ulyeelete kusanseela bulowa bumwi amunwe wakwe mankanda osanwe aobilo pacipaililo. Munshila iyi, ulaakucisalasha kuswa kushibiibi sha bene Isilaeli ayi cinoosalalite.

Bene Lefi 16:22

Mpongo iyo ilaakutola shibiibi shabo shoonse mumusena umwi mutekaali bantu.

Bene Lefi 4:17

akasumpemo munwe akubusanseela kunembo lyangu neMwaami Lesa, nkokwaamba ayi kunembo lya cisani cakushitilisha mankanda osanwe aobilo.

Bene Lefi 4:6

Ulaakusumpa munwe wakwe mubulowa ubo akubusanseela kunembo lyangu neMwaami Lesa, nkokwaamba ayi kunembo lya cisani cakushitilisha cisalalite mankanda osanwe aobilo.

Bene Lefi 8:11

Wakabwesa mafuta amwi akwaasanseela mankanda osanwe aobilo pacipaililo ashintu sha ncico, alimwi ambale ifongomene acapanshi ca njiyo kwaamba ayi ashibenge kuMwaami Lesa.

Mika 7:19

Mulaakutunyumfwila nkumbu alimwi. Mulaakulyata shibiibi shesu amyeendo yanu akuwaala shilubo shesu panshi peene palweenge.

Shakubelenga 19:12

Ulyeelete kulisalasha amaanshi akusalasha pabushiku bwatatu alimwi abwasanu ashobilo, lyalo ndyeenga waba muntu usalalite. Sombi na wabula kulisalasha pabushiku bwatatu abwasanu ashobilo, teshi akanoosalalite.

Joni 19:34

Sombi umwi wa bashilumamba wakayasa Jesu lisumo kumbafu. Mpeeke bulowa amaanshi shakeendililabo kuswa.

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Bene Ebulu 12:24

Mwebo mwesa kuli Jesu, uyo wakalengesha ayi cipangano cipya cibeeko alimwi abulowa bwakwe ubo bushomesha shibotu kwiinda bwakwe Abelo.

Bene Ebulu 9:13

Bulowa bwa mpongo, bwa bacende alimwi amilota ya moombe shilasanseelwa pabantu batasalalite kweelana aMilawo. Ishi shilabasalasha kuswa kububi boonse kweelana aMilawo.

Bene Ebulu 9:19

Cakutaanguna, Mose wakalwiita bene Isilaeli shaMilawo yakwe Lesa yoonse. Lyalo wakabwesa bulowa bwa bacende alimwi ampongo, wabusenkanya amaanshi akusanseela palibuku lyakalinga kulembetwemo Milawo alimwi apabantu boonse. Pakusanseela wakasebensesha kasamu kwakalinga kwaangitwe booya busalala bwa mbelele.

Bene Ebulu 9:21

Munshila njemunya iyi, Mose alakwe wakasanseela bulowa paTente ya Cipangano alimwi apashintu shoonse shakalinga kusebenseshekwa pakulambila.

Bene Ebulu 9:26

mukwiinga ubo naakalinga kupenshekwa lyoonse, kuswa kumalengelo a cishi. Sombi wakabonekabo linkanda lyomwi kwiimikanina boonse mulishalane lino lya mamanino, kwaamba ayi akushe shibiibi kwiinda mukulibenga kwakwe.

1 Pita 1:2

Mumiyeeyo yakwe Lesa Ishiwesu wakamusala. Mwakasalashikwa aMushimu Usalashi ayi munoonyumfwila Jesu Klistu akusanshikwa abulowa bwakwe. Luse aluumuno shikomene muli ndimwe lyoonse alyoonse.

1 Joni 5:6

NguJesu Klistu mwiine wakesa kwiinda mumaanshi pakubombekwa kwakwe alimwi amubulowa bwa lufu lwakwe. Taakwe kwisabo mumaanshi mweenka, sombi mumaanshi abulowa bwakwe. Mushimu Usalashi ngoopa bukamboni pamakani aya mukwiinga Mushimu uyo ndolushinisho.