Bene Lefi 14:22 - Baibo Busansulushi Bwa Libuku Ili

²² Ulaakwiilikaawo mpolobe shobilo nabi nkulimba shobilo ayi yomwi ngumulambu wakulekelelwa shibiibi, alimwi imwi ngumulambu wakutenta.

Bene Lefi 14:22 ပူးပေါင်းရင်းမြစ်များ

Kulumbaisha 68:13

nkokwaamba ayi mpolobe shinanikitwe silifa, abo bacite mapapaminwa atoobeka ceebo ca golodi wiine wiine. Ono ceebonshi mwakaliiba pakati ka shaanda sha mbelele pabushiku bwa nkondo?

Lwiimbo lwakwe Solomoni 2:14

Ompolobe yangu nooli mushicengo sha mabwe, nookala mumisena yakuyubilaamo mukalundu. Tondesha ciwa cako, aanyumfwe liswi lyako mukwiinga liswi lyako ndibotu. Acalo ciwa cako ncibotu abuumbi.

Isaya 38:14

Liswi lyangu lwakaceya ceebo cakushinka, alimwi ndakalinga kulila anga nimpolobe. Aalo meenso angu ashimba kukulanga kwiculu. Amumfuune noBaami baLesa, ndi mumapensho.”

Isaya 59:11

Ono soonse tutoobulumabo anga ngamabeya. Tutoolila cilensha nkumbu anga nimpolobe. Tulalangoola koombolosha kululeme, sombi tatukubooni. Tulalangila kupulushikwa kuswa mubusha, sombi kuli kulaale aswebo.

Jelemiya 48:28

“Mwebo nomwikala mucishi ca Moabu, amuswe mumandabalaanu. Kamuya mwikale mutulundu tulaamfu twa mabwe. Amube anga nimpolobe ipanga ciinswa ca njiyo kumwinjililo wa cimfwengo.

Esekelo 7:16

Boonse abo beshi bakapuluke akuloboka balaakuya kutulundu uko nkweshi bakanoolila buumba anga nimpolobe bamushinyika. Muntu womwi awomwi ulaakunoolila ceebo ca shibiibi shakwe.

Bene Lefi 14:21

“Ono na muntu uyo ngumukandu weenga taacikoonshi kuleta shintu shoonse isho, ulyeelete kuletabo mbelele yomwi yaana isankwa ayi ngumulambu wakumana milandu weelete kutambeeka kuli ndime neMwaami Lesa ayi asalashikwe. Ulyeelete kuletabo kilogilamu yomwi ya fulaulo isenkene amafuta a olifi ayi ncipo ca fulaulo, alimwi comwi ca shotatwe sha mafuta a olifi.

Bene Lefi 14:24

Mupailishi ulaakubwesa mbelele ya mulambu wakumana milandu pantu pomwi acomwi ca shotatwe sha mafuta a olifi akushitambeeka kuli ndime neMwaami Lesa ayi ngumulambu wakutambeeka.

Bene Lefi 15:14

Ingayi pabushiku bwasanu ashotatwe, ulyeelete kutola mpolobe shobilo nabi nkulimba shobilo kumulyango wa Tente ya Cipangano akushipa mupailishi.

Bene Lefi 5:7

“Ono na muntu inga tacikoonshi kucana mbelele nabi mpongo, ulyeelete kuleta mpolobe shobilo nabi nkulimba shobilo kuMwaami Lesa ayi ngomalipilo akubisha kwakwe. Nkokwaamba ayi kayuni komwi ngumulambu wakulekelelwa shibiibi, kamwi ngumulambu wakutenta.

Shakubelenga 6:10

Mpeeke pabushiku bwasanu ashotatwe, ulyeelete kuleta mpolobe shobilo nabi nkulimba shobilo kumupailishi pamulyango wa Tente ya Cipangano.