Bene Lefi 14:14 - Baibo Busansulushi Bwa Libuku Ili

¹⁴ Mpeeke mupailishi ulaakubwesa bulowa bumwi bwa mulambu wakumana milandu akunanika muntu uyo utoosalashikwa kweelana aMilawo kukapansha ka panshi ka kutwi wakululyo, kucikumo cinene ca kulyaansa lyalulyo, alimwi akucikumo cinene ca kumweendo walulyo.

Bene Lefi 14:14 ပူးပေါင်းရင်းမြစ်များ

Kulonga 29:20

Ukeecaaye, akubwesa bulowa bwa njiyo bumwi akunanika Aloni alimwi abana bakwe basankwa kumatwi a kululyo, kuminwe inene ya kumaansa a kululyo alimwi akushikumo shinene sha kumyeendo ya kululyo. Bulowa boonse bweshi bukacaaleewo, ukabusanseele mumbasu shoonse shone sha cipaililo.

Isaya 1:5

Ceebonshi ucisunibo kunokuumwa? Ino nceebonshi ncoocitolelelabo bwaashu? Bona kumutwi wako kuliswite kale shiloonda awalo moyo wako ulicisitwe kale.

Bene Lefi 14:19

“Mpomunyaawo mupailishi ulaakubenga mulambu wakulekelelwa shibiibi akucita kweelana amulawo wakusalasha. Kuswawaawo ulaakucaya munyama wa mulambu wakutenta,

Bene Lefi 14:25

Lyalo ulaakucaya mbelele ilya akubwesa bulowa bumwi akunanika muntu uyo utoosalashikwa kweelana aMilawo kukapansha ka panshi ka kutwi wakululyo, kucikumo cinene ca kulyaansa lyalulyo, alimwi akucikumo cinene ca kumweendo walulyo.

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

Bene Loma 6:13

Mutasuminishi cipansha ca mubili wanu nabi comwi kububi ayi cibe citabatisho ca shibiibi, sombi amulyaabe kuli Lesa mbuli bantu bakalinga kufwite, sombi Lesa wabapa buumi. Mulyeelete kulyaaba kuli Lesa kwaamba ayi amusebenseshe mukucita shiluleme.

Bene Loma 6:19

Amuleke nsebenseshe cikoshanyo ca shintu shicitika lyoonse kwaamba ayi munyumfwishe. Pakutaanguna mwakalinga mwalibenga nobeene amyoyo yanu yoonse kwaamba ayi mube basha ba shintu shitasalalite alimwi ashibiibi shimwi shoonse. Mbweeke ubo mulyeelete kulibenga amyoyo yoonse kuba basha ba bululami, nkokwaamba ayi kucita shintu shisalalite.

1 Bene Kolinto 6:20

Lesa wakamuula amweelo unene, aboobo amusebenseshe mibili yanu mukumupa bulemu.

2 Bene Kolinto 7:1

Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.

Dutolonomi 24:8

“Kumakani a manata, mulyeelete kucita shoonse isho bapailishi bene Lefi nsheenga bamulwiita. Mulyeelete kukonkela milasho yoonse iyo njendabalwiita.

Bene Filipi 1:20

Ntoolangila amoyo woonse kwaamba ayi kutakabi nabi comwi ceshi cikanenshe nsoni. Aboobo ntooyandishisha kwaamba ayi mbe ankusu sheelete bulya, mbuli lyoonse ayi Klistu alemekwe muli ndime, mubuumi nabi mulufu.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.