Bene Lefi 14:12 - Baibo Busansulushi Bwa Libuku Ili

¹² Mupailishi ulaakubwesa mbelele yomwi isankwa alimwi acomwi ca shotatwe sha lita ya mafuta a olifi, akushibenga ayi ngumulambu wakumana milandu. Ulaakushitambeeka kunembo lya Mwaami Lesa ayi ngumulambu wakutambeeka.

Bene Lefi 14:12 ပူးပေါင်းရင်းမြစ်များ

Kulonga 29:22

“Ukatimbuleko mafuta a mbelele isankwa iyo, mucila ucite mafuta uyo, mafuta afweka pashamukati, cipansha cibotu ca kulini, insa shoonse shobilo amafuta a nshisho alimwi alibelo lya kululyo.

Kulonga 29:24

Shakulya shoonse ishi ukape Aloni alimwi abana bakwe basankwa, alimwi akubalwiita ayi bakashibenge kuli ndime ayi ncipo ca cakutambeeka.

Kulonga 29:26

“Lyalo ukabwese ntiti ya mbelele akwiibenga kuli ndime ayi ncipo cakutambeeka. Cipansha ici ca mbelele iyi cilaakunooli caako.

Isaya 53:10

Mwaami Lesa waamba ayi, “Sombi wakalinga ngumuyeeyo wangu neMwaami Lesa wakwaamba ayi alyatilililwe akumulengesha ayi apenge munshila iyo. Nebo neMwaami Lesa ndakacita boobo kwaamba ayi buumi bwakwe bube mulambu wakumana milandu. Nakubi boobo bamulunyungu lwakwe ulaakubabona alimwi ulaakwikala buumi bulaamfu. Kwiinda muli nguwe lusuno lwangu neMwaami Lesa lulaakuswitilila.

Bene Lefi 14:10

“Lyalo pabushiku bwasanu ashotatwe ulyeelete kuleta mbelele shobilo shisankwa alimwi ayanankashi shoonse shicite mwaaka womwi alimwi shitacite kampenda, pantu pomwi amakilogilamu otatwe a fulaulo usenkene amafuta a olifi ayi cibe ncipo ca fulaulo, alimwi acomwi ca shotatwe sha lita ya mafuta a olifi.

Bene Lefi 14:11

Lyalo mupailishi uyo umusalasha ulaakubwesa muntu uyo alimwi ashipo isho shakwe akushitola kumulyango wa Tente ya Cipangano.

Bene Lefi 14:19

“Mpomunyaawo mupailishi ulaakubenga mulambu wakulekelelwa shibiibi akucita kweelana amulawo wakusalasha. Kuswawaawo ulaakucaya munyama wa mulambu wakutenta,

Bene Lefi 5:15

“Na muntu umwi wabisha cakuteshiba kwiinda mukwaalilwa kulipila sheesho shisalalite kuli ndime neMwaami Lesa, ulyeelete kuleta mbelele isankwa itacite kampenda kali koonse kuli ndime neMwaami Lesa, ayi ngumulambu wakumana mulandu. Bubotu bwa njiyo bulyeelete kwishibwa kweelana acipimo cakasuminishikwa.