Bene Lefi 12:8 - Baibo Busansulushi Bwa Libuku Ili

⁸ “Ono na mwanakashi uyo waalilwa kucana mwanaambelele, ulyeelete kuleta mpolobe shobilo nabi nkulimba shobilo ayi yomwi ngumulambu wakutenta, alimwi imwi ngumulambu wakulekelelwa shibiibi. Alakwe mupailishi ulaakucita kweelana aMilawo ayi amusalashe, kuswawaawo ulaakunoosalalite.”

Bene Lefi 12:8 ပူးပေါင်းရင်းမြစ်များ

Bene Lefi 1:14

“Na muntu utoobenga muyuni ayi ngumulambu wakutenta, ulyeelete kuba mpolobe nabi nkulimba.

Bene Lefi 12:7

Mpeeke mupailishi ulaakubenga mulambu wa mwanakashi uyu kuMwaami Lesa, akucita kweelana aMilawo ayi amusalashe, kuswawaawo ulaakunoosalalite kweelana aMilawo. Anu mwanakashi na waswa mukupulukaamo mbweelete kucita ubo.

Bene Lefi 13:1

Mpomunyaawo Mwaami Lesa wakaambila Mose aAloni ayi,

Bene Lefi 14:21

“Ono na muntu uyo ngumukandu weenga taacikoonshi kuleta shintu shoonse isho, ulyeelete kuletabo mbelele yomwi yaana isankwa ayi ngumulambu wakumana milandu weelete kutambeeka kuli ndime neMwaami Lesa ayi asalashikwe. Ulyeelete kuletabo kilogilamu yomwi ya fulaulo isenkene amafuta a olifi ayi ncipo ca fulaulo, alimwi comwi ca shotatwe sha mafuta a olifi.

Bene Lefi 14:22

Ulaakwiilikaawo mpolobe shobilo nabi nkulimba shobilo ayi yomwi ngumulambu wakulekelelwa shibiibi, alimwi imwi ngumulambu wakutenta.

Bene Lefi 15:14

Ingayi pabushiku bwasanu ashotatwe, ulyeelete kutola mpolobe shobilo nabi nkulimba shobilo kumulyango wa Tente ya Cipangano akushipa mupailishi.

Bene Lefi 15:15

Mpeeke mupailishi ulaakubengawo yomwi ayi ngumulambu wakulekelelwa shibiibi, alimwi imwi ayi ngumulambu wakutenta. Munshila iyi, ulaakucita kweelana aMilawo pakusalasha musankwa uyo.

Bene Lefi 15:29

Pabushiku bwasanu ashotatwe ulaakutola mpolobe shobilo nabi nkulimba shobilo kumupailishi pamulyango wa Tente ya Cipangano.

Bene Lefi 4:26

Mpomunyaawo mafuta oonse ulaakwaatentela pacipaililo, bweenka mbwaatenta mafuta a banyama bacaikwa ayi njimilambu ya bwanabwankashi. Munshila iyi, mupailishi ulaakubenga mulambu wa cibiibi ca mutanjilili, aboobo ulaakulekelelwa.

Bene Lefi 5:11

“Ono na muntu inga tacikoonshi kucana mpolobe shobilo nabi nkulimba shobilo, ulyeelete kuleta kilogilamu yomwi ya fulaulo ayi ncipo cakulekelelwa shibiibi. Teelete kubikako mafuta a olifi nabi tununkila kabotu ceebo ncipo cakulekelelwa shibiibi, kuteshi cipo ca fulaulo.

Bene Lefi 5:7

“Ono na muntu inga tacikoonshi kucana mbelele nabi mpongo, ulyeelete kuleta mpolobe shobilo nabi nkulimba shobilo kuMwaami Lesa ayi ngomalipilo akubisha kwakwe. Nkokwaamba ayi kayuni komwi ngumulambu wakulekelelwa shibiibi, kamwi ngumulambu wakutenta.

Mateyo 21:12

Ono Jesu wakenjila muŊanda yakwe Lesa, akutandamo baabo boonse bakalinga kuulisha akuula. Wakapinoona matebulu a bantu bashikushinta maali ashuuna sha beshikuulisha mpolobe.

2 Bene Kolinto 8:9

Mukwiinga mwebo mulishi luse lwa Mwaami wesu Jesu Klistu. Wakalinga mubile, sombi wakaba mukandu ceebo ca ndimwe kwaamba ayi mwebo mube babile mumushimu kwiinda mubukandu bwakwe.