Bene Lefi 12:5 - Baibo Busansulushi Bwa Libuku Ili

⁵ “Ono na wapulukamo mwaana mwanakashi, taasalalite kweelana aMilawo kwanshiku shili makumi obilo ashone kuswa pabushiku ndyaakapulukaamo, bweenka mbwaatasalalite na wakubala. Lyalo palaakwiinda nshiku shili makumi osanwe alyomwi alimwi anshiiku shosanwe abomwi, kwaamba ayi asalashikwe kweelana aMilawo ceebo ca bulowa bwakwe bwakaswa.

Bene Lefi 12:5 ပူးပေါင်းရင်းမြစ်များ

Matalikilo 3:13

Mwaami Lesa wakeepusha mwanakashi ayi, “Ino wacitilanshi bobulya?” Alakwe wakakumbula ayi, “Ninsoka yambeca, lyalo ndalya.”

Bene Lefi 12:2

“Lwiita bene Isilaeli ayi na mwanakashi watumbuka mwaana musankwa, taasalalite kweelana aMilawo kwanshiku shosanwe ashobilo kuswa pabushiku ndyaapulukaamo, bweenka mbwaatasalalite kweelana aMilawo na wakubala.

Bene Lefi 12:4

Lyalo mwanakashi ulyeelete kulindilila kwanshiku shili makumi otatwe ashotatwe kwaamba ayi akasalashikwe kweelana aMilawo ceebo ca bulowa bwakwe bwakaswa. Paciindi ici, teelete kukumya cintu nabi comwi cisalalite nabi kwinjila muTente isalalite kushikila bushiku bwakusalashikwa kwakwe bukeende.

Bene Lefi 12:6

“Na ciindi cakusalashikwa kwamwanakashi uyu kweelana aMilawo ceenda, nabi wakapulukamo mwaana musankwa nabi mwanakashi, ulyeelete kuleta mwanaambelele ucite mwaaka womwi kumupailishi ayi ngumulambu wakutenta, alimwi ankulimba nabi mpolobe ya mulambu wakulekelelwa shibiibi. Uyeelete kupeta pamulyango wa Tente ya Cipangano.