Bene Lefi 12:2 - Baibo Busansulushi Bwa Libuku Ili

² “Lwiita bene Isilaeli ayi na mwanakashi watumbuka mwaana musankwa, taasalalite kweelana aMilawo kwanshiku shosanwe ashobilo kuswa pabushiku ndyaapulukaamo, bweenka mbwaatasalalite kweelana aMilawo na wakubala.

Bene Lefi 12:2 ပူးပေါင်းရင်းမြစ်များ

Matalikilo 1:28

Lyalo Lesa wakabapa coolwe akubaambila ayi, “Amushalane mufule, akususha cishi ca panshi. Amweendeleshe inswi sha mumaanshi, bayuni bauluka ashilongolo shinene atuniini sheenda panshi shoonse.”

Matalikilo 3:16

Mpeeke wakaambila mwanakashi ayi, “Ndaakulengesha ayi paciindi wakunooba pakati mapensho ako akafuule. Ulaakunoonyumfwa kucisa abuumbi pakutumbuka. Nacibi boobo unanoosunibo ibayo alimwi ngweshi anookweendelesha.”

2 Samwelo 11:4

Mpomunyaawo Defedi wakatumaako beshinkombe ayi baye bamulete. Mwanakashi uyo wakesa kuli Defedi. Mpeeke wakakumanaakwe. Ono ciindi ico Batisheba ndyaakaswabo munsondo yakwe yakutanoosalalite kweelana aMilawo ceebo cakukubala. Lyalo wakaboolela kuŋanda yakwe.

Jobo 14:4

Anu ngani ukonsha kukusha cintu cisalalite kuswa mucintu citasalalite? Ncakwiila taaku nabi womwi weenga wacita boobo.

Jobo 15:14

“Anu muntu nciinshi kwaamba ayi abule kampenda? Anu muntu uyo ushalwabo kumwanakashi nciinshi ayi alulame?

Jobo 25:4

Ino muntu inga walulama buyani pameenso akwe Lesa? Anu muntu wakashalwa kumwanakashi inga wabula buyani kampenda?

Kulumbaisha 51:5

Nebo ndakalinga mucita shibi kuswabo kukushalwa, ncakwiila mucita shibi kuswabo bushiku bama mbobakamita.

Bene Lefi 12:1

Mpeeke Mwaami Lesa wakaambila Mose ayi,

Bene Lefi 12:5

“Ono na wapulukamo mwaana mwanakashi, taasalalite kweelana aMilawo kwanshiku shili makumi obilo ashone kuswa pabushiku ndyaakapulukaamo, bweenka mbwaatasalalite na wakubala. Lyalo palaakwiinda nshiku shili makumi osanwe alyomwi alimwi anshiiku shosanwe abomwi, kwaamba ayi asalashikwe kweelana aMilawo ceebo ca bulowa bwakwe bwakaswa.

Bene Lefi 15:19

“Ono na mwanakashi wakubala, teshi akanoosalalite kwanshiku shosanwe ashobilo. Uli woonse weenga wamukumya, teshi akanoosalalite kushikila macolesha.

Bene Lefi 18:19

“Utakumani amwanakashi na wakubala ceebo taasalalite kweelana aMilawo.

Bene Lefi 5:3

“Ono na muntu wacata cintu cimwi ca kumubili wa muntu cili coonse citasalalite cakuteshiba, lyalo paciindi ceenka ico ndyeeshiba ncaacita ulaba amulandu.

Luka 2:22

Ciindi cakwaamba ayi bakasalashikwe kweelana aMilawo yakwe Mose ndicakashika, bakatola mwaana kuJelusalemu kwaamba ayi bakamutondeshe kuMwaami Lesa.